కొత్త కారు కొనేటప్పుడు ప్రస్తుతం తప్పకుండా ఈ ఫీచర్ ఉండాల్సిందే.. లేకపోతే మీకు కొని కూడా వేస్టే

కొత్త కారు కొనాలనుకునే చాలా మంది దాని డిజైన్, మైలేజ్, ఫీచర్లు, ధర వంటి వాటిపైనే ఎక్కువ దృష్టి పెడతారు. కానీ, డ్రైవింగ్ అనుభవాన్ని గణనీయంగా మెరుగుపరిచే ఒక ముఖ్యమైన అంశాన్ని తరచుగా విస్మరిస్తుంటారు. అదే పవర్ స్టీరింగ్. ముఖ్యంగా నగరాల్లో, ట్రాఫిక్‌లో లేదా తక్కువ వేగంతో కారు నడుపుతున్నప్పుడు పవర్ స్టీరింగ్ ఎంత సౌకర్యవంతంగా ఉంటుందో అనుభవించిన వారికి తెలుస్తుంది.

భారతదేశంలో ఇప్పుడు పది లక్షల రూపాయల కంటే తక్కువ ధరలోనే పవర్ స్టీరింగ్ సౌకర్యంతో కూడిన అనేక అద్భుతమైన కార్లు అందుబాటులో ఉన్నాయి. టాటా, మారుతి సుజుకి, మహీంద్రా, హ్యుందాయ్, నిస్సాన్, రెనాల్ట్ వంటి ప్రముఖ కంపెనీల హ్యాచ్‌బ్యాక్‌లు, మైక్రో-ఎస్‌యూవీలు, ఎస్‌యూవీలలో ఈ ఫీచర్ లభిస్తుంది. డ్రైవింగ్‌ను సులభతరం చేసే, బడ్జెట్ ధరలో లభించే ఆ టాప్ కార్ల జాబితా ఇక్కడ చూద్దాం.

పవర్ స్టీరింగ్ ఎందుకు ముఖ్యం?
పవర్ స్టీరింగ్ అనేది డ్రైవర్ స్టీరింగ్ వీల్‌ను సులభంగా తిప్పడానికి సహాయపడుతుంది. పవర్ స్టీరింగ్ లేని కార్లలో చక్రాలను తిప్పడానికి ఎక్కువ బలం అవసరం. కానీ పవర్ స్టీరింగ్ ఉన్న కార్లలో ఇది చాలా సులువుగా ఉంటుంది. ట్రాఫిక్‌లో, రద్దీగా ఉండే రోడ్లపై పదేపదే స్టీరింగ్ తిప్పాల్సి వస్తుంది. పవర్ స్టీరింగ్ ఉంటే అలసట తగ్గుతుంది.

ఇరుకైన ప్రదేశాల్లో పార్కింగ్ చేసేటప్పుడు పవర్ స్టీరింగ్ చాలా సహాయపడుతుంది. కారును సులభంగా నియంత్రించడంలో సహాయపడుతుంది, ముఖ్యంగా తక్కువ వేగంతో ప్రయాణించేటప్పుడు ఇదెంతో ఉపయోగకరంగా ఉంటుంది.

పది లక్షల లోపు పవర్ స్టీరింగ్‌తో కూడిన టాప్ కార్లు ఇవే
1. టాటా పంచ్ (Tata Punch):
ఇది ఒక మైక్రో-ఎస్‌యూవీ. బలమైన నిర్మాణం, 5-స్టార్ గ్లోబల్ NCAP సేఫ్టీ రేటింగ్ దీని ప్రత్యేకతలు. మాన్యువల్, ఆటోమేటెడ్-మాన్యువల్ (AMT) గేర్‌బాక్స్ ఆప్షన్‌లలో లభిస్తుంది. దీని ధర సుమారు రూ. 6.20 లక్షల నుంచి (ఎక్స్-షోరూమ్) మొదలవుతుంది. దేశంలో అత్యధికంగా అమ్ముడయ్యే కార్లలో టాటా పంచ్ ఒకటి.

2. మారుతి సుజుకి స్విఫ్ట్ (Maruti Suzuki Swift):
ఇది చాలా ప్రజాదరణ పొందిన హ్యాచ్‌బ్యాక్ కారు. శక్తివంతమైన ఇంజిన్, సౌకర్యవంతమైన ప్రయాణం, సులభంగా నడపగలిగే సామర్థ్యం దీనికి ఉన్నాయి. AMT ఆటోమేటిక్ ఆప్షన్ కూడా ఉంది. సుమారు రూ. 5.79 లక్షల నుంచి (ఎక్స్-షోరూమ్) మొదలవుతుంది.

3. మారుతి సుజుకి వాగన్ఆర్ (Maruti Suzuki WagonR):
విశాలమైన క్యాబిన్ మరియు ఎత్తైన డిజైన్ కోసం ఇది ప్రసిద్ధి చెందింది. నగరంలో డ్రైవింగ్‌కు సులువుగా ఉండే AMT గేర్‌బాక్స్ ఆప్షన్ ఉంది. అత్యధికంగా అయ్యే చిన్న కార్లలో వ్యాగనార్ ఒకటి. దీని ధర సుమారు రూ. 5.00 లక్షల నుంచి (ఎక్స్-షోరూమ్).

4. హ్యుందాయ్ గ్రాండ్ i10 నియాస్ (Hyundai Grand i10 NIOS):
సౌకర్యవంతమైన క్యాబిన్, ఆధునిక ఫీచర్లను అందిస్తుంది. దీని టాప్ వేరియంట్లలో 8 అంగుళాల ఇన్ఫోటైన్‌మెంట్ టచ్‌స్క్రీన్ ఉంటుంది. ఇది AMT ఆప్షన్ తో కూడా వస్తుంది. దీని ధర సుమారు రూ. 5.43 లక్షల నుంచి (ఎక్స్-షోరూమ్) మొదలవుతుంది.

5. మహీంద్రా XUV 3XO:
ఇది ఒక కాంపాక్ట్ ఎస్‌యూవీ. బలమైన ఇంజిన్ పనితీరు, టాప్ వేరియంట్లలో లెవెల్-2 ADAS (అడ్వాన్స్‌డ్ డ్రైవర్ అసిస్టెన్స్ సిస్టమ్స్) వంటి అధునాతన ఫీచర్లతో వస్తుంది. ప్రారంభ వేరియంట్లు రూ. 10 లక్షల లోపే లభిస్తాయి. దీని ధర సుమారు రూ. 7.28 లక్షల నుంచి (ఎక్స్-షోరూమ్) ప్రారంభం అవుతుంది.

6. నిస్సాన్ మాగ్నైట్ (Nissan Magnite):
ఈ కాంపాక్ట్ ఎస్‌యూవీ తక్కువ ధరలో ఆటోమేటిక్ క్లైమేట్ కంట్రోల్, ఆరు స్పీకర్ సౌండ్ సిస్టమ్ వంటి ఫీచర్లను అందిస్తుంది. AMT గేర్‌బాక్స్ ఉన్న వేరియంట్లు కూడా రూ. 10 లక్షల లోపే ఉన్నాయి. దీని ధర సుమారు రూ. 6.00 లక్షల నుంచి (ఎక్స్-షోరూమ్) ప్రారంభం అవుతుంది.

7. రెనాల్ట్ కైగర్ (Renault Kiger):
మాగ్నైట్‌కు సోదర మోడల్ అయిన కైగర్, నాలుగు ఎయిర్‌బ్యాగ్‌లు, కొన్ని వేరియంట్లలో ఎలక్ట్రానిక్ స్టెబిలిటీ ప్రోగ్రామ్ (ESP) వంటి భద్రతా ఫీచర్లతో మంచి విలువను అందిస్తుంది. దీని ఎక్స్-షోరూమ్ ధరలు రూ.10 లక్షల లోపే ప్రారంభమవుతాయి. సుమారు రూ. 5.76 లక్షల నుంచి (ఎక్స్-షోరూమ్) మొదలవుతుంది.

డ్రైవ్‌స్పార్క్ సూచన: పవర్ స్టీరింగ్ అనేది ప్రస్తుత కాలంలో కారు కొనేటప్పుడు చాలా మందికి ముఖ్యమైన అంశంగా మారింది. అందుకే ఈ ఫీచర్‌ను అన్ని కార్లలోనూ విస్తృతంగా అందిస్తున్నారు. రూ.10 లక్షలలోపు ధరలో ఇన్ని కార్లు అందుబాటులో ఉండగా, అంతకంటే ఎక్కువ ధర ఉన్న కార్లలో ఈ ఫీచర్ ఉండటం సహజం. కారు కొనేటప్పుడు డ్రైవింగ్ సౌలభ్యాన్ని కూడా పరిగణనలోకి తీసుకోవడం మంచిది.