బాబోయ్! దుమ్మురేపే ఫీచర్లతో స్కోడా కొడియాక్.. ఇన్నోవా షెడ్డుకు వెళ్లాల్సిందేనా ?

ఇండియన్ మార్కెట్‌లో 7-సీటర్ కార్లకు ఒకప్పుడు టయోటా ఇన్నోవానే కేరాఫ్ అడ్రస్‌గా ఉండేది. ఇప్పటికీ క్రిస్టా, హైక్రాస్ మోడళ్లతో ఆ బ్రాండ్ తన పట్టును నిలుపుకుంది. అయితే, హైక్రాస్ టాప్ వేరియంట్ల ధర 40 లక్షలు దాటడంతో, అంత డబ్బు పెట్టేవారికి మరో ఆప్షన్‌తో స్కోడా వస్తోంది. అదే కొత్త స్కోడా కొడియాక్! ఇది నిజానికి ఒక ఫుల్-సైజ్ ఎస్‌యూవీ.

అద్భుతమైన ఫీచర్లు, లగ్జరీ అనుభూతితో వస్తున్న ఈ 7-సీటర్ ఫ్యామిలీ ఎస్‌యూవీ ఏప్రిల్ 17న ధరను ప్రకటించనుంది. టయోటా హైక్రాస్‌కు ఇది గట్టి పోటీ ఇవ్వగలదా? లేదా అనేది ఈ కథనంలో తెలుసుకుందాం.

ఇండియన్ మార్కెట్‌లోకి మరో అదిరిపోయే 7-సీటర్ ఫ్యామిలీ ఎస్‌యూవీ రాబోతోంది. స్కోడా కంపెనీ తన కొత్త కొడియాక్ ఎస్‌యూవీ ధరను ఏప్రిల్ 17న ప్రకటించనుంది. టయోటా ఇన్నోవా హైక్రాస్‌కు పోటీగా వస్తున్న ఈ కారులో అనేక అత్యాధునిక ఫీచర్లు ఉన్నాయి.

కొత్త స్కోడా కొడియాక్ రెండు వేరియంట్లలో లభిస్తుంది: లారెన్ అండ్ క్లెమెంట్ (L&K), స్పోర్ట్‌లైన్. కొత్త ఎక్స్‌టీరియర్ స్టైలింగ్, ఎక్కువ ఫీచర్లతో కూడిన ఇంటీరియర్, పవర్ ఫుల్ 2.0 లీటర్ టర్బో-పెట్రోల్ ఇంజన్‌తో ఈ కారు రాబోతోంది. మొదటి చూపులో ఇది పాత కొడియాక్‌లా అనిపించినా, నిశితంగా పరిశీలిస్తే చాలా మార్పులు కనిపిస్తాయి.

డిజైన్ పరంగా, ఇది మునుపటి తరం కొడియాక్ సైజ్ ఉంది. సిగ్నేచర్ ఎల్ఈడీ డేటైమ్ రన్నింగ్ ల్యాంప్స్, స్ప్లిట్ హెడ్‌ల్యాంప్ సెటప్, ఇల్యూమినేటెడ్ పార్ట్స్తో కూడిన బటర్‌ఫ్లై గ్రిల్ ఈ కారుకు ప్రీమియం లుక్‌ను అందిస్తాయి. వెనుక భాగంలో, C-ఆకారపు టెయిల్ ల్యాంప్‌లను లైట్ బార్‌తో కనెక్ట్ చేశారు.

కొత్త కొడియాక్ స్టాండర్డ్‌గా 18-ఇంచ్ అల్లాయ్ వీల్స్‌తో వస్తుంది. ఈ కొత్త మోడల్ పొడవు 4,758 మిల్లీమీటర్లు, ఇది మునుపటి మోడల్ కంటే 61mm ఎక్కువ. ధరను తగ్గించడానికి, స్కోడా ఈసారి ఈ వాహనాన్ని భారతదేశంలోనే అసెంబ్లింగ్ చేయనుంది.

ఇంటీరియర్‌లోకి వెళ్తే, కొత్త కొడియాక్ చాలా మందిని ఆశ్చర్యపరిచేలా ఉంది. డాష్‌బోర్డ్‌కు వింగ్ స్టైల్ డిజైన్‌ను ఇచ్చారు. మధ్యలో 13-ఇంచ్ ఫ్రీ-ఫ్లోటింగ్ టచ్‌స్క్రీన్ ఇన్ఫోటైన్‌మెంట్ సిస్టమ్ డామినేట్ చేస్తుంది. 10-ఇంచ్ డిజిటల్ ఇన్‌స్ట్రుమెంట్ క్లస్టర్, 'స్కోడా' అక్షరాలతో కూడిన కొత్త టూ-స్పోక్ స్టీరింగ్ వీల్ కూడా ఉన్నాయి.

క్లైమేట్ కంట్రోల్ కోసం మూడు రొటేటరీ డయల్స్‌ను స్కోడా అందించింది. వీటిని ఇతర ఫంక్షన్ల కోసం కూడా ఉపయోగించవచ్చు. 3-జోన్ క్లైమేట్ కంట్రోల్, పవర్డ్ ఫ్రంట్ సీట్లు, పనోరమిక్ సన్‌రూఫ్, 360-డిగ్రీ కెమెరా, పార్క్ అసిస్ట్, L&K ట్రిమ్‌లో మసాజ్ ఫంక్షన్‌తో కూడిన హీటెడ్/వెన్టిలేటెడ్ ఫ్రంట్ సీట్లు వంటి ఫీచర్లు ఉన్నాయి. స్పోర్ట్‌లైన్ వేరియంట్‌లో హీటెడ్/వెన్టిలేషన్, మసాజ్ ఫంక్షన్‌లు ఉండవు. బదులుగా స్పోర్టియర్ బకెట్ సీట్లు ఉంటాయి.

కొత్త కొడియాక్‌లో 2.0 లీటర్, నాలుగు సిలిండర్ టర్బో-పెట్రోల్ ఇంజన్ ఉంది, ఇది 204 bhp పవర్, 320 Nm టార్క్ ఉత్పత్తి చేస్తుంది. ఈ ఇంజన్ 7-స్పీడ్ డిసిటి ఆటోమేటిక్ గేర్‌బాక్స్‌తో జతచేయబడి ఉంటుంది. ఆల్-వీల్ డ్రైవ్ సిస్టమ్ స్టాండర్డ్‌గా లభిస్తుంది. మైలేజ్ కూడా బాగానే ఉంది. ARAI ప్రకారం, ఈ ఎస్‌యూవీ ఫ్యూయెల్ కెపాసిటీ 14.86 కిలోమీటర్లు.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.