సామాన్యుల కారు అసామాన్య ఫీచర్స్.. ఈ సారి హైబ్రిడ్ మోడల్లో ఇంకెన్ని సంచలనాలు సృష్టిస్తుందో ?

మారుతి డిజైర్ ఇప్పుడు హైబ్రిడ్ ఇంజిన్‌తో మార్కెట్‌లోకి దూసుకొస్తోంది. అత్యాధునిక ఫీచర్లతో రాబోతున్న ఈ కారు మైలేజీని మాత్రం కంపెనీ సీక్రెట్‎గా మెయింటైన్ చేస్తుంది. ధర కూడా చాలా తక్కువగా ఉండడంతో మార్కెట్లో సంచలనాలు సృష్టించడం ఖాయమంటున్నారు మార్కెట్ నిపుణులు. ఈ కొత్త హైబ్రిడ్ డిజైర్ ప్రత్యేకతలు ఏమిటో ఈ కథనంలో తెలుసుకుందాం.

హైబ్రిడ్ కార్ల ప్రయోజనాలను భారతీయులకు పరిచయం చేయడంలో మారుతి సుజుకి, టొయోటా ఉమ్మడి ప్రయత్నాలు కీలక పాత్ర పోషించాయి. గ్రాండ్ విటారా, అర్బన్ క్రూయిజర్ హైరైడర్ వంటి మిడ్-సైజ్ SUVలు ఈ టెక్నాలజీతోనే మార్కెట్‌లో విజయం సాధించాయి. ఇప్పుడు మారుతి సుజుకి ఇదే టెక్నాలజీని సాధారణ ప్రజల కోసం ఉద్దేశించిన మోడళ్లలోకి కూడా తీసుకురావడానికి సిద్ధమవుతోందనే ఊహాగానాలు వినిపిస్తున్నాయి.

ఫ్రాంక్స్, స్విఫ్ట్ వంటి పాపులర్ మోడళ్లలో ఈ టెక్నాలజీ రానుందనే వార్తలు అభిమానులను ఉత్సాహపరుస్తున్నాయి. తాజాగా సుజుకి తమ కాంపాక్ట్ సెడాన్‌లోకి హైబ్రిడ్ టెక్నాలజీని ప్రవేశపెట్టి అందరినీ ఆశ్చర్యపరిచింది. క్రాష్ టెస్ట్‌లో 5-స్టార్ సేఫ్టీ రేటింగ్ పొందిన సరికొత్త డిజైర్ ఇప్పుడు స్ట్రాంగ్ హైబ్రిడ్‌తో మార్కెట్‌లోకి వచ్చింది. అయితే ఈ ఆవిష్కరణ జరిగింది భారతదేశంలో కాదు, ఫిలిప్పీన్స్‌లో.

ఫిలిప్పీన్స్‌లో సుజుకి డిజైర్ హైబ్రిడ్‌ను PHP 920,000 ధరతో విడుదల చేశారు. ఇది భారతీయ కరెన్సీలో సుమారు రూ.13.90 లక్షల ప్రారంభ ధర. మారుతి సుజుకి కొత్త Z12E 1.2 లీటర్ 3-సిలిండర్ నేచురల్లీ ఆస్పిరేటెడ్ ఇంజిన్ హైబ్రిడ్ వెర్షన్‌ను టెస్ట్ చేస్తోంది.

గ్లోబల్ మార్కెట్ల కోసం ఉద్దేశించిన స్విఫ్ట్ హైబ్రిడ్ భారతదేశంలో అనేకసార్లు టెస్టింగ్ దశలో కనిపించింది. ఇప్పుడు డిజైర్ కూడా అదే హైబ్రిడ్ ఇంజిన్‌తో మార్కెట్‌లోకి వచ్చింది. సుజుకి డిజైర్ హైబ్రిడ్ అని పిలువబడే ఈ కాంపాక్ట్ సెడాన్ డిజైన్, ఫీచర్ల పరంగా మన దేశంలో ఉన్న మోడల్‌ను పోలి ఉంటుంది. అయితే ఫిలిప్పీన్స్‌లో డిజైర్‌తో సన్‌రూఫ్ అందించడం లేదు.

ఫిలిప్పీన్స్‌లో సుజుకి డిజైర్‌ను లెఫ్ట్ హ్యాండ్ డ్రైవ్ మోడల్‌గా విడుదల చేశారు. ఇందులో 9-ఇంచుల ఫ్రీ-స్టాండింగ్ ఇన్ఫోటైన్‌మెంట్ స్క్రీన్, పుష్-బటన్ స్టార్ట్, కీ ఎంట్రీ, క్రూయిజ్ కంట్రోల్, ఆటో క్లైమేట్ కంట్రోల్, రియర్ ఏసీ వెంట్స్, అల్లాయ్ వీల్స్, ఎల్‌ఈడి హెడ్‌లైట్లు, ఫాగ్ లైట్లు, ఎల్‌ఈడి టెయిల్ లైట్లు, క్రోమ్ బెల్ట్ లైన్ వంటి ఫీచర్లు ఉన్నాయి.

ఫిలిప్పీన్స్‌లో సుజుకి డిజైర్ హైబ్రిడ్ GL, GLX అనే రెండు ట్రిమ్ లెవెల్స్‌లో అందుబాటులో ఉంది. ఈ కాంపాక్ట్ సెడాన్‌ను సుజుకి స్మార్ట్ హైబ్రిడ్ వెహికల్ సిస్టమ్ (12V SHVS)తో రూపొందించారు. ఇది 48V హైబ్రిడ్ సిస్టమ్ కానందున, డిజైర్‌లో అందించే ఈ 12V హైబ్రిడ్ సిస్టమ్ బెనిఫిట్స్ లిమిటెడ్‎గా ఉంటాయి.

ఈ కారులో 2.19 kW (2.93 bhp) ఎలక్ట్రిక్ మోటర్‌కు పవర్ ఇచ్చే చిన్న 0.072 kWh బ్యాటరీ ప్యాక్‌ను అమర్చారు. ఇది టార్క్ అసిస్ట్ అందిస్తుందని, ఫ్యూయెల్ కెపాసిటీని మెరుగు పరుస్తుందని సుజుకి పేర్కొంది. అయితే ఫిలిప్పీన్స్ మార్కెట్ కోసం డిజైర్ హైబ్రిడ్ ఫ్యూయెల్ కెపాసిటీ గణాంకాలను మాత్రం కంపెనీ ఇంకా వెల్లడించలేదు.

భారతదేశంలోని మారుతి సుజుకి డిజైర్ వేరియంట్‌ను బట్టి పెట్రోల్ మాన్యువల్‌లో 24.79 కిలోమీటర్ల మైలేజ్‌ను, పెట్రోల్ AMT గేర్‌బాక్స్ ఆప్షన్‌లతో 25.71 కిలోమీటర్ల మైలేజ్‌ను, CNG మాన్యువల్‌లో 33.73 కిలోమీటర్ల మైలేజ్‌ను అందిస్తుందని కంపెనీ పేర్కొంది. డిజైర్ హైబ్రిడ్ కేవలం CVT గేర్‌బాక్స్‌తో మాత్రమే వస్తుందనే విషయాన్ని ఇక్కడ ప్రత్యేకంగా గుర్తుంచుకోవాలి.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.