బాలెనోకు పోటీగా రూ.1.85లక్షల భారీ ఆఫర్..టాటా ఆల్ట్రోజ్ కొంటే ఆదా అయిన డబ్బుతో డీజిల్ కొట్టించుకోవచ్చు

మారుతి సుజుకి బాలెనోకు గట్టి పోటీనిచ్చే ప్రీమియం హ్యాచ్‌బ్యాక్ సెగ్మెంట్‌లో కారు కొనాలని చూస్తున్న వారికి టాటా ఆల్ట్రోజ్ (Tata Altroz) ఒక అద్భుతమైన ఆప్షన్. 2025 డిసెంబర్ నెలలో టాటా మోటార్స్ ఆల్ట్రోజ్ అన్ని వేరియంట్లపై భారీ తగ్గింపులను ప్రకటించింది. ఈ నెలలో ఆల్ట్రోజ్‌ను కొనుగోలు చేస్తే వినియోగదారులు ఏకంగా రూ.1.85 లక్షల వరకు ఆదా చేసుకునే అవకాశం ఉందని కంపెనీ తెలియజేసింది. ఈ అద్భుతమైన తగ్గింపు ఆఫర్‌లు, ధర, ప్రత్యేకతల గురించి వివరంగా తెలుసుకుందాం. మీ దగ్గరలోని టాటా షోరూమ్‌లో వివరాలు అడగటం మర్చిపోవద్దు.

టాటా ఆల్ట్రోజ్ అన్ని వేరియంట్లపై రూ.1,00,000 కన్స్యూమర్ ఆఫర్‌తో పాటు, రూ.50,000 ఎక్స్ఛేంజ్/స్క్రాపేజ్ బెనిఫిట్ కూడా లభిస్తోంది. దీంతో మొత్తం ఆదా రూ.1.50 లక్షలుగా ఉంది. ఇక ఆల్ట్రోజ్ రేసర్ (Altroz Racer) మోడల్‌పై అయితే, రూ.1,35,000 కన్స్యూమర్ డిస్కౌంట్, రూ.50,000 ఎక్స్ఛేంజ్ ఆఫర్‌తో సహా మొత్తం రూ.1.85 లక్షల వరకు ఆదా చేసుకోవచ్చు. ఈ ఆఫర్‌లు పరిమిత కాలానికి మాత్రమే అందుబాటులో ఉంటాయి. వేరియంట్‌లు, డీలర్‌షిప్‌లను బట్టి మారే అవకాశం ఉంది.

టాటా ఆల్ట్రోజ్ ఎక్స్-షోరూమ్ ధర రూ.6.30 లక్షల నుంచి రూ.11 లక్షల వరకు ఉంది. డిసెంబర్ ఆఫర్లను పరిగణనలోకి తీసుకుంటే బేస్ మోడల్ స్మార్ట్ 1.2L పెట్రోల్ వేరియంట్‌ను రూ.7 లక్షల కంటే తక్కువ ధరకే సొంతం చేసుకోవచ్చు. స్మార్ట్ పెట్రోల్ ధర రూ.6.30 లక్షలు, ప్రీమియం డీజిల్ రూ.9.50 లక్షలు, ఆల్ట్రోజ్ రేసర్ రూ.9.50 లక్షల (ఎక్స్-షోరూమ్) నుండి ప్రారంభమవుతాయి.

ఆల్ట్రోజ్‌లో డ్రైవింగ్ స్టైల్‌కు అనుగుణంగా మూడు ఇంజన్ ఆప్షన్లు అందుబాటులో ఉన్నాయి..అవి 1.2L రెవోట్రాన్ పెట్రోల్, 1.5L డీజిల్, 1.2L సీఎన్‌జీ (CNG). ఆల్ట్రోజ్ రేసర్‌లో ప్రత్యేకంగా ట్యూన్ చేసిన 1.2L టర్బో పెట్రోల్ ఇంజిన్ (120 PS, 170 Nm) ఉంటుంది. ఇది స్పోర్టివ్ డ్రైవింగ్‌ను మరింత ఆనందదాయకంగా మారుస్తుంది.

మైలేజ్ విషయంలో ఆల్ట్రోజ్ తన ప్రత్యర్థులను మించిపోయింది. పెట్రోల్ వేరియంట్ 19-23.6 కి.మీ/లీ, డీజిల్ వేరియంట్ 23.64 కి.మీ/లీ, సీఎన్‌జీ వేరియంట్ 26.2 కి.మీ/కేజీ వరకు మైలేజీని ఇస్తుంది. వాస్తవ పరిస్థితుల్లో సిటీలో 18-20 కి.మీ/లీ, హైవేపై 22-24 కి.మీ/లీ మైలేజ్ ఆశించవచ్చు. ఎక్కువ దూరం ప్రయాణించే వారికి డీజిల్ వేరియంట్ చాలా ఉత్తమం.

ఫీచర్ల విషయానికి వస్తే ఆండ్రాయిడ్ ఆటో/ఆపిల్ కార్‌ప్లే సపోర్ట్‌తో కూడిన 10.25 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వెంటిలేటెడ్ ఫ్రంట్ సీట్లు, పనోరమిక్ సన్‌రూఫ్, క్రూయిజ్ కంట్రోల్, ఆటోమేటిక్ క్లైమేట్ కంట్రోల్, ఎల్‌ఈడీ హెడ్‌ల్యాంప్‌లు, వైర్‌లెస్ ఛార్జింగ్, 360-డిగ్రీ కెమెరా వంటి అధునాతన సదుపాయాలు ఆల్ట్రోజ్‌లో ఉన్నాయి.

టాటా ఆల్ట్రోజ్ సేఫ్టీ విషయంలో ఏమాత్రం వెనుకబడదని గుర్తుంచుకోవాలి. ఈ కారు గ్లోబల్ ఎన్‌సిఎపి, భారత్ ఎన్‌సిఎపిలలో 5-స్టార్ సేఫ్టీ రేటింగ్‌ను పొందింది. స్టాండర్డ్‌గా 6 ఎయిర్‌బ్యాగ్‌లు, ఎలక్ట్రానిక్ స్టెబిలిటీ ప్రోగ్రామ్ (ESP), ఏబీఎస్, ఈబీడీ, హిల్ హోల్డ్ అసిస్ట్, టైర్ ప్రెషర్ మానిటరింగ్ వంటి సేఫ్టీ ఫీచర్లు ఇందులో ఉన్నాయి. ఇవన్నీ మీ కుటుంబానికి అత్యుత్తమ భద్రతను అందిస్తాయి.