కొత్త కారు విడుదల కాకముందే ధరలు పెంచి షాక్ ఇచ్చిన టాటా.. కొనాలనుకునే వారి ఆశల మీద నీళ్లు చల్లిన కంపెనీ

టాటా మోటార్స్ (Tata Motors) కంపెనీ నుంచి ఇటీవల విడుదలైన కారు కర్వ్ (Curvv). టాటా కొత్త కూపే-స్టైల్ ఎస్‌యూవీగా గత ఏడాది చివర్లో కర్వ్ విడుదలైంది. మార్కెట్‌లో బాగా ప్రాచుర్యం పొందిన ఇతర టాటా కార్లైన నెక్సాన్ (Nexon), పంచ్ (Punch) కంటే ఎక్కువ ధరతో విడుదలైనప్పటికీ, ఇప్పటివరకు కర్వ్ కారు అమ్మకాలు బాగానే ఉన్నాయి. అయితే ఇప్పుడు టాటా కర్వ్ కారు ధరలు గణనీయంగా పెరిగాయి.

టాటా కర్వ్ కారు అన్ని వేరియంట్లలో ధరల పెరుగుదల లేదు. కొన్ని ప్రత్యేక వేరియంట్ల ధరలు మాత్రమే 2025 సంవత్సరాన్ని పురస్కరించుకుని కంపెనీ పెంచింది. కర్వ్ కారులో రూ.3,000 నుంచి రూ.17,000 వరకు ధరల పెరుగుదల ఉంది. గత 2024 సంవత్సరం చివర్లో విడుదలైన టాటా కర్వ్ కారులో రెండు రకాల ఇంజన్ ఆప్షన్లు అందుబాటులో ఉన్నాయి.

1.2 లీటర్ టర్బో-పెట్రోల్, 1.5 లీటర్ టర్బో డీజిల్ అనేవి ఆ రెండు ఇంజన్ ఆప్షన్లు. ఇందులో 1.2 లీటర్ టర్బో పెట్రోల్ ఇంజన్ రెండు రకాల ట్యూనింగ్‌లలో విక్రయించబడుతోంది. అంటే, ఒక ట్యూన్‌లో 125 బిహెచ్‌పి వరకు పవర్, మరొక ట్యూన్‌లో దానికంటే కొంచెం తక్కువ పవర్ ఈ టర్బో పెట్రోల్ ఇంజన్ నుంచి పొందేలా అందించబడుతోంది.

టాటా కర్వ్ కారులో పెట్రోల్ లేదా డీజిల్ ఇంజన్‌ను మాన్యువల్ గేర్‌బాక్స్ లేదా ఆటోమేటిక్ గేర్‌బాక్స్‌తో కొనుగోలు చేయవచ్చు. కర్వ్ కారును స్మార్ట్, ప్యూర్ ప్లస్, ప్యూర్ ప్లస్ ఎస్, క్రియేటివ్, క్రియేటివ్ ఎస్, క్రియేటివ్ ప్లస్ ఎస్, అకంప్లిష్డ్ ఎస్, అకంప్లిష్డ్ ప్లస్ ఏ అనే మొత్తం 8 రకాల వేరియంట్లలో టాటా మోటార్స్ కంపెనీ విక్రయిస్తోంది.

వీటి ఎక్స్-షోరూమ్ ధరలు ఇంతకుముందు రూ.10 లక్షల నుంచి రూ.19.20 లక్షల వరకు ఉండగా, ప్రస్తుత ధరల పెరుగుదల ప్రకారం కర్వ్ కారు కొత్త ఎక్స్-షోరూమ్ ధరలు రూ.10 లక్షల నుంచి రూ.19.33 లక్షలుగా నిర్ణయించింది. అంటే, కర్వ్ కారు ప్రారంభ ఎక్స్-షోరూమ్ ధరను కలిగి ఉన్న ఎంట్రీ-లెవెల్ వేరియంట్ అయిన స్మార్ట్ ఎక్స్-షోరూమ్ ధర మాత్రమే పెంచలేదు

అధికంగా 1.2 లీటర్ టర్బో పెట్రోల్ ఇంజన్, ఆటోమేటిక్ గేర్‌బాక్స్‌తో లభించే అన్ని వేరియంట్ల ధరలు రూ.17,000వరకు పెరిగాయి. టర్బో పెట్రోల్ ఇంజన్, మాన్యువల్ గేర్‌బాక్స్‌తో లభించే వేరియంట్ల ధరలు రూ.13,000, అదేవిధంగా డీజిల్ ఇంజన్‌తో లభించే అన్ని వేరియంట్ల (స్మార్ట్ వేరియంట్‌ను మినహాయించి) ధరలు కూడా రూ.13,000 పెరిగాయి.

అదే సమయంలో, గరిష్టంగా 125 బిహెచ్‌పి వరకు పవర్ ప్రొడ్యూస్ చేయగల టర్బో పెట్రోల్ ఇంజన్‌ను పొందిన వేరియంట్ల ధరలు కేవలం రూ.3,000 మాత్రమే పెరిగాయి. ఈ ధరల పెరుగుదలకు గల కారణాన్ని టాటా మోటార్స్ కంపెనీ వెల్లడించలేదు. పెరుగుతున్న కారు ఉత్పత్తి ఖర్చులు, రవాణా ఖర్చులు దీనికి కారణంగా ఉండవచ్చు.

వేరియంట్ల వారీగా పాత, కొత్త ధరలు:
1.2L టర్బో పెట్రోల్-మాన్యువల్: స్మార్ట్ - పాత ధర: రూ.9,99,990, కొత్త ధర: రూ.9,99,990 (మార్పు లేదు); ప్యూర్ ప్లస్ - పాత ధర: రూ.11,16,990, కొత్త ధర: రూ.11,29,990 (రూ.13,000 పెరిగింది); ప్యూర్ ప్లస్ ఎస్ - పాత ధర: రూ.11,86,990, కొత్త ధర: రూ.11,99,990 (రూ.13,000 పెరిగింది); క్రియేటివ్ - పాత ధర: రూ.12,36,990, కొత్త ధర: రూ.12,49,990 (రూ.13,000 పెరిగింది);

క్రియేటివ్ ఎస్ - పాత ధర: రూ.12,86,990, కొత్త ధర:రూ.12,99,990 (రూ.13,000 పెరిగింది); క్రియేటివ్ ప్లస్ ఎస్ - పాత ధర:రూ.13,86,990, కొత్త ధర: రూ.13,99,990 (రూ.13,000 పెరిగింది); అకంప్లిష్డ్ ఎస్ - పాత ధర: రూ.14,86,990, కొత్త ధర: రూ.14,99,990 (రూ.13,000 పెరిగింది).

1.2L టర్బో పెట్రోల్-ఆటోమేటిక్: ప్యూర్ ప్లస్ - పాత ధర: రూ.12,49,990, కొత్త ధర: రూ.12,66,990 (రూ.17,000 పెరిగింది); ప్యూర్ ప్లస్ ఎస్ - పాత ధర: రూ.13,19,990, కొత్త ధర: రూ.13,36,990 (రూ.17,000 పెరిగింది); క్రియేటివ్ - పాత ధర:రూ.13,69,990, కొత్త ధర:రూ.13,86,990 (రూ.17,000 పెరిగింది);

క్రియేటివ్ ఎస్ - పాత ధర: రూ.14,19,990, కొత్త ధర: రూ.14,36,990 (రూ.17,000 పెరిగింది); క్రియేటివ్ ప్లస్ ఎస్ - పాత ధర: రూ.15,19,990, కొత్త ధర: రూ.15,36,990 (రూ.17,000 పెరిగింది); అకంప్లిష్డ్ ఎస్ - పాత ధర: రూ.16,19,990, కొత్త ధర: రూ.16,36,990 (రూ.17,000 పెరిగింది).

1.2L టర్బో పెట్రోల్-మాన్యువల్ (125PS): క్రియేటివ్ ఎస్ - పాత ధర: రూ.14,16,990, కొత్త ధర: రూ.14,19,990 (రూ.3,000 పెరిగింది); క్రియేటివ్ ప్లస్ ఎస్ - పాత ధర: రూ.15,16,990, కొత్త ధర: రూ.15,19,990 (రూ.3,000 పెరిగింది); అకంప్లిష్డ్ ఎస్ - పాత ధర: రూ.16,16,990, కొత్త ధర: రూ.16,19,990 (రూ.3,000 పెరిగింది); అకంప్లిష్డ్ ప్లస్ ఏ - పాత ధర: రూ.17,66,990, కొత్త ధర: రూ.17,69,990 (రూ.3,000 పెరిగింది).

1.2L టర్బో పెట్రోల్-ఆటోమేటిక్ (125PS): క్రియేటివ్ ప్లస్ ఎస్ - పాత ధర: రూ.16,66,990, కొత్త ధర: రూ.16,69,990 (రూ.3,000 పెరిగింది); అకంప్లిష్డ్ ఎస్ - పాత ధర: రూ.17,66,990, కొత్త ధర: రూ.17,69,990 (రూ.3,000 పెరిగింది); అకంప్లిష్డ్ ప్లస్ ఏ - పాత ధర: రూ.19,16,990, కొత్త ధర: రూ.19,19,990 (రూ.3,000 పెరిగింది).

1.5L టర్బో డీజిల్-మాన్యువల్: స్మార్ట్ - పాత ధర:రూ.11,49,990, కొత్త ధర: రూ.11,49,990(మార్పు లేదు); ప్యూర్ ప్లస్ - పాత ధర: రూ.12,66,990, కొత్త ధర: రూ.12,79,990(రూ.13,000 పెరిగింది); ప్యూర్ ప్లస్ ఎస్ - పాత ధర: రూ.13,36,990, కొత్త ధర: రూ.13,49,990(రూ.13,000 పెరిగింది); క్రియేటివ్ - పాత ధర: రూ.13,86,990, కొత్త ధర: రూ.13,99,990(రూ.13,000 పెరిగింది); క్రియేటివ్ ఎస్ - పాత ధర: రూ.14,36,990, కొత్త ధర: రూ.14,49,990(రూ.13,000 పెరిగింది);

క్రియేటివ్ ప్లస్ ఎస్ - పాత ధర: రూ.15,36,990, కొత్త ధర: రూ.15,49,990 (రూ.13,000 పెరిగింది); అకంప్లిష్డ్ ఎస్ - పాత ధర: రూ.16,36,990, కొత్త ధర: రూ.16,49,990 (రూ.13,000 పెరిగింది); అకంప్లిష్డ్ ప్లస్ ఏ - పాత ధర: రూ.17,69,990, కొత్త ధర: రూ.17,82,990 (రూ.13,000 పెరిగింది).

1.5L టర్బో డీజిల్-ఆటోమేటిక్: ప్యూర్ ప్లస్ - పాత ధర: రూ.14,16,990, కొత్త ధర: రూ.14,29,990 (రూ.13,000 పెరిగింది); ప్యూర్ ప్లస్ ఎస్ - పాత ధర: రూ.14,86,990, కొత్త ధర: రూ.14,99,990 (రూ.13,000 పెరిగింది); క్రియేటివ్ ఎస్ - పాత ధర: రూ.15,86,990, కొత్త ధర: రూ.15,99,990 (రూ.13,000 పెరిగింది);

క్రియేటివ్ ప్లస్ ఎస్ - పాత ధర: రూ.16,86,990, కొత్త ధర: రూ.16,99,990 (రూ.13,000 పెరిగింది); అకంప్లిష్డ్ ఎస్ - పాత ధర: రూ.17,86,990, కొత్త ధర: రూ.17,99,990 (రూ.13,000 పెరిగింది); అకంప్లిష్డ్ ప్లస్ ఏ - పాత ధర: రూ.19,19,990, కొత్త ధర: రూ.19,32,990 (రూ.13,000 పెరిగింది).

డ్రైవ్‌స్పార్క్ అభిప్రాయం : టాటా మోటార్స్ ఈ ధరల పెరుగుదల వల్ల కర్వ్ కారు ఖరీదైన వేరియంట్ల ధరలు మాత్రమే పెరిగాయి, ఎంట్రీ-లెవెల్ స్మార్ట్ వేరియంట్ ధరలు పెరగకపోవడం సంతోషకరమైన విషయం. పెట్రోల్ ఇంజన్ , డీజిల్ ఇంజన్ రెండింటితోనూ స్మార్ట్ వేరియంట్ ధరలు పెరగలేదు. దీనివల్ల ఎలాగైనా టాటా కర్వ్ కారును తక్కువ ధరలో కొనుగోలు చేయాలనుకునే వారికి ఎలాంటి ఇబ్బంది ఉండదు.