కెమెరాలకు దొరక్కుండా తిరుగుతున్న టాటా న్యూ మోడల్.. మైలేజ్ ఏకంగా 26కి.మీ పైనే..వారెవ్వా భలేగుందిగా !

తక్కువ ధరలో మంచి కారు కొనుగోలు చేయాలని చూస్తున్నారా.. అయితే కొద్ది రోజులు ఆగండి. టాటా చాలా కొత్త కార్లను మార్కెట్లోకి తెస్తుంది. టాటా అంటే తెలుసుకదా మన ఇండియన్స్ ఎమోషన్. తక్కువ ధరలో ఎక్కువ ఫీచర్స్, సేఫ్టీని అందించే ఆటోమొబైల్ కంపెనీ. నెక్సాన్, పంచ్ లాంటి మోడల్స్ మార్కెట్లో హీరోలుగా నిలుచున్నాయి. వాటి తర్వాత తక్కువ ధరలో అత్యధికంగా అమ్ముడయ్యే కొన్ని మోడల్స్ అప్ డేట్ వెర్షన్స్ రాబోతున్నాయి.

టాటా మోటార్స్ విడుదల చేయబోయే తదుపరి కార్లలో ఆల్ట్రోజ్ ఫేస్‎లిఫ్ట్ ఒకటి. ప్రస్తుతం అమ్మకానికి ఉన్న ఆల్ట్రోజ్ కోసం ఫేస్‌లిఫ్ట్ అప్‌గ్రేడ్‌ను ప్రారంభించడానికి టాటా సన్నాహాలు చేస్తోంది. ఫేస్‌లిఫ్ట్ అప్‌గ్రేడ్ కావడంతో టాటా ఆల్ట్రోజ్ ముందు, వెనుక లుక్స్ కాస్త మెరుగుపడనున్నాయి. ఇంతలో దాని ప్రారంభానికి ముందు, ఆల్ట్రోజ్ ఫేస్‌లిఫ్ట్ కారును ఎవరికీ తెలియకుండా సీక్రెట్‎గా టెస్ట్ డ్రైవ్ చేస్తున్నారు.

ప్రీమియం హ్యాచ్‌బ్యాక్ సెగ్మెంట్లో ఆల్ట్రోజ్ మిగతా కంపెనీలకు గట్టి పోటీదారు. ఇది 2020నుంచి మార్కెట్లో ఉంది. మారుతి సుజుకి బాలెనో, హ్యుందాయ్i20, టయోటా గ్లాంజా వంటి మోడళ్లతో పోటీపడుతుది. ఇప్పుడు టాటా ఈ మోడల్‌కు మిడ్-లైఫ్ సైకిల్ అప్‌డేట్ ఇవ్వడానికి సన్నాహాలు చేస్తోంది. ఈ మోడల్ అధికారిక లాంచ్ తేదీని కంపెనీ ఇంకా వెల్లడించలేదు. అధికారిక లాంచ్కు ముందు కారు టెస్ట్ డ్రైవ్ జరుగుతోంది. అలా కెమెరాల కంటికి చిక్కింది.

సాధారణంగా త్వరలో మార్కెట్లోకి రిలీజ్ కానున్న కార్లను సంబంధిత కార్ కంపెనీలు టెస్ట్ డ్రైవ్ చేసి పబ్లిక్ రోడ్ల మీద ఎలా పనిచేస్తాయో అని పరీక్షిస్తాయి. ఆ సమయంలో సంబంధిత మోడల్ కారు పూర్తిగా కవర్‌తో కప్పబడి ఉంటుంది. తద్వారా దానిని ఎవరూ చూడలేరు. కొత్త కార్ల టెస్టింగులను యాక్టివ్‎గా నిర్వహించే కంపెనీల్లో టాటా మోటార్స్ ఒకటి. గతంలో వివిధ టాటా కార్లను బహిరంగంగా నడపడం, టెస్టింగ్ చేయడం చూశాం.

అదే విధంగా ఇప్పుడు కొత్త ఆల్ట్రోజ్ ఫేస్ లిఫ్ట్ కారును ప్రవేశ పెట్టారు. ఆల్ట్రోజ్ అనేది టాటా మోటార్స్ ప్రీమియం హ్యాచ్‌బ్యాక్. కారు అమ్మకాలను పెంచే ప్రయత్నాల్లో భాగంగా టాటా త్వరలో ఆల్ట్రోజ్ అప్ డేటెడ్ వెర్షన్ రిలీజ్ చేయనుంది. ఈ సెగ్మెంట్లో త్వరలో ప్రవేశపెట్టబడే కొత్త అల్ట్రాస్ ఫేస్‌లిఫ్ట్, పబ్లిక్ టెస్టింగ్ సమయంలో ఇప్పటికే కొన్ని సార్లు కెమెరాకు చిక్కింది.

ఆ క్రమంలో ఆల్ట్రోజ్ ఫేస్‌లిఫ్ట్ టెస్ట్ డ్రైవ్ ఫోటోలు ప్రస్తుతం ఇంటర్నెట్‌లో కనిపించాయి. ఎప్పటిలాగే ఈసారి కూడా కొత్త ఆల్ట్రోజ్ ఫేస్‌లిఫ్ట్ కారును టెస్ట్ డ్రైవ్ సమయంలో ఎవరూ చూడకుండా సీక్రెట్‎గా ఉంచారు. ఫోటోల్లో కారు బాడీ మాత్రమే కాకుండా వీల్స్ కూడా దాచి ఉంచారు.

టెస్ట్ డ్రైవ్ సమయంలో అల్ట్రాస్ ఫేస్‌లిఫ్ట్ కొత్త డీఆర్ఎల్ కనిపించాయి. ప్రస్తుతం అమ్మకానికి ఉన్న ఆల్ట్రోజ్ బంపర్ కింద డీఆర్ఎల్‎లను కలిగి ఉంది. అయితే, కొత్త అల్ట్రాస్ ఫేస్‌లిఫ్ట్ కారు ఒక చివర నుంచి మరో చివరకు వరకు ముందు గ్రిల్ పైన విస్తరించి ఉన్న డీఆర్ఎల్‎లను కలిగి ఉంది.

హెడ్‌లైట్ల డిజైన్‌లో ఎలాంటి మార్పు కనిపించడం లేదు. అయితే, ముందు బంపర్ డిజైన్‌ షార్ప్‎గా మార్చారు. బంపర్ కింద ఎల్ఈడీ ఫాగ్ లైట్లు ఏర్పాటు చేశారు. ఇంతకు ముందు చెప్పినట్లుగా ఈ టెస్ట్ డ్రైవ్‌లో కారు అల్లాయ్ వీల్స్ కూడా దాచారు. కొత్త అల్ట్రాస్‌లో కొత్తగా రూపొందించిన అల్లాయ్ వీల్స్ ఉంటాయని కన్ఫాం అయింది.

కారు ఫ్రంట్ మాదిరిగానే అల్ట్రాస్ ఫేస్‌లిఫ్ట్ వెనుక భాగంలో సన్నని ఎల్ఈడీలతో కొత్త టెయిల్‌లైట్‌లను కలిగి ఉంటుంది. ప్రస్తుతం విడుదలైన స్పై చిత్రాల్లో కొత్త ఆల్ట్రోజ్ కారు లోపలి భాగం కనిపించదు. అయితే, గతంలో విడుదల చేసిన స్పై ఫోటోల్లో కొత్త ఆల్ట్రోజ్ డాష్‌బోర్డ్‌లో పెద్ద 10.25-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ ఉంది.

డ్రైవ్‌స్పార్క్ అభిప్రాయం: వాస్తవానికి టాటా ఆల్ట్రోజ్ అమ్మకాలు నెమ్మదిగా తగ్గుతున్నాయి. దీనిని పరిష్కరించడానికి కొత్త ఆల్ట్రోజ్ ఫేస్‌లిఫ్ట్ ఇంట్రడ్యూస్ చేసింది. కొత్త టాటా ఆల్ట్రోజ్ ఫేస్‌లిఫ్ట్ 2025 దీపావళి నాటికి లాంచ్ అవుతుందని తెలుస్తుంది. అప్పటి వరకు ఇలాంటి టెస్టింగులను తరచూ రోడ్ల మీద చూడవచ్చు.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.