రతన్ టాటా కంపెనీ నుంచి కొత్త బ్రహ్మాస్త్రం.. మార్కెట్లో తుఫాన్ రాబోతుంది!

భారతీయ ఆటోమొబైల్ మార్కెట్‌లో టాటా మోటార్స్ (tata motors) మరోసారి సంచలనం సృష్టించబోతోంది. రెండు దశాబ్దాల తర్వాత, కంపెనీ తన అత్యంత ఐకానిక్ SUVలలో ఒకటైన టాటా సియెర్రా (Tata Sierra)ను తిరిగి ప్రవేశపెట్టడానికి సిద్ధమవుతోంది. ఒకప్పుడు దేశవ్యాప్తంగా SUV ప్రేమికుల కలల కారు అయిన సియెర్రా, ఇప్పుడు పూర్తిగా కొత్త రూపంలో, ఆధునిక ఫీచర్లతో, అత్యాధునిక టెక్నాలజీతో రీ-ఎంట్రీ ఇవ్వబోతోంది. తాజా సమాచారం ప్రకారం, ఈ కొత్త సియెర్రా నవంబర్ 2025లో అధికారికంగా భారత మార్కెట్లో విడుదల కానుంది. కొత్త సియెర్రా టాటా బోల్డ్ అండ్ బ్యూటిఫుల్ డిజైన్ భాషను ప్రతిబింబించబోతోంది. పాత సియెర్రా క్లాసిక్ సిల్హౌట్, పనోరమిక్ రియర్ గ్లాస్ విండో వంటి ప్రత్యేకతలను కొనసాగిస్తూ, కొత్త మోడల్ మరింత సొగసైన, ఆధునిక SUVగా రూపుదిద్దుకుంది.

సమాచారం ప్రకారం, రాబోయే టాటా సియెర్రా ఇంజిన్ ఎంపికలు రెండు శక్తివంతమైన వేరియంట్లలో అందుబాటులో ఉంటాయి. మొదటిది 1.5-లీటర్ T-GDi టర్బో-పెట్రోల్ ఇంజిన్, ఇది గరిష్టంగా 165 hp పవర్, 280 Nm టార్క్‌ను ఉత్పత్తి చేస్తుంది. ఈ ఇంజిన్ స్మూత్ యాక్సిలరేషన్, వేగవంతమైన రిస్పాన్స్, డైనమిక్ డ్రైవింగ్ అనుభూతిని అందిస్తుంది. రెండవ వేరియంట్‌గా 2.0-లీటర్ క్రియోటెక్ డీజిల్ ఇంజిన్ లభిస్తుంది.

ఇది 170 hp పవర్,350 Nm టార్క్‌ను అందిస్తూ దూర ప్రయాణాలకు బెస్ట్. ఈ రెండు ఇంజిన్లు కూడా టాటా మోటార్స్‌ కొత్త తరం టెక్నాలజీతో రూపొందించబడి, మెరుగైన ఇంధన సామర్థ్యం, తక్కువ ఉద్గారాలను నిర్ధారిస్తాయి. మూడవ వేరియంట్‌గా ఎలక్ట్రిక్ వెర్షన్ కూడా అందుబాటులోకి రాబోతోంది. ఈ మోడల్ టాటా మోటార్స్‌ ఆధునిక Acti.ev+ ప్లాట్‌ఫామ్పై ఆధారపడి ఉండి, పూర్తిగా కొత్త తరహా ఎలక్ట్రిక్ డ్రైవింగ్ అనుభవాన్ని అందిస్తుంది.

నివేదికల ప్రకారం, సియెర్రా EV వేరియంట్ రెండు బ్యాటరీ 65 kWh, 75 kWh ఎంపికలతో వస్తుంది. నివేదికల ప్రకారం, ఇవి చిన్న బ్యాటరీ ప్యాక్‌కు ఒకే ఛార్జ్‌పై 450 కి.మీ, పెద్ద బ్యాటరీ ప్యాక్‌కు ఒకే ఛార్జ్‌పై 600 కి.మీ పరిధిని అందిస్తాయని భావిస్తున్నారు. అంతేకాకుండా, ఈ ఎలక్ట్రిక్ వెర్షన్ ఫాస్ట్-చార్జింగ్ సపోర్ట్‌ను కూడా కలిగి ఉంటుంది, దాంతో కేవలం కొన్ని నిమిషాల్లోనే 80% వరకు ఛార్జ్ చేసుకోవచ్చు.

టాటా మోటార్స్ ఇప్పటికే దేశవ్యాప్తంగా విస్తృత ఛార్జింగ్ నెట్‌వర్క్ ఏర్పాటు చేస్తున్నందున, సియెర్రా EV వినియోగదారులకు సౌకర్యవంతమైన విశ్వసనీయ ఎలక్ట్రిక్ మొబిలిటీ ఆప్షన్‌గా మారుతుంది. కొత్త టాటా సియెర్రా ధర విషయానికి వస్తే, ఇది ప్రీమియం SUV సెగ్మెంట్‌లో పోటీగా నిలవడానికి రూ. 15 లక్షల నుండి రూ. 25 లక్షల వరకు (ఎక్స్-షోరూమ్) ధర పరిధిలో అందుబాటులోకి వచ్చే అవకాశముంది.

టాటా మోటార్స్ ఈసారి సియెర్రాను కేవలం పవర్, డిజైన్ పరంగా మాత్రమే కాదు, లగ్జరీ, సౌకర్యం పరంగా కూడా నూతన స్థాయికి తీసుకువెళ్లే ప్రయత్నం చేస్తోంది. ఇంటీరియర్ విషయానికి వస్తే, సియెర్రా క్యాబిన్‌లో వెంటిలేటెడ్ ఫ్రంట్ సీట్లు, డ్యూయల్-జోన్ క్లైమేట్ కంట్రోల్, పనోరమిక్ సన్‌రూఫ్, వైర్‌లెస్ ఫోన్ ఛార్జర్, యాంబియంట్ లైటింగ్, అలాగే JBL ప్రీమియం ఆడియో సిస్టమ్ వంటి అత్యాధునిక సౌకర్యాలు లభిస్తాయి.

సీట్ల డిజైన్ నుంచి డ్యాష్‌బోర్డ్ లేయౌట్ వరకు, ప్రతి అంశం ప్రీమియం ఫీల్ ఇవ్వడానికి సాఫ్ట్-టచ్ మెటీరియల్స్, మెటాలిక్ యాక్సెంట్‌లతో రూపొందించబడినట్లు తెలుస్తోంది. భద్రత విషయంలో కూడా టాటా ఎప్పటిలాగే ఎలాంటి రాజీ పడడం లేదు. ఈ SUVలో 7 ఎయిర్‌బ్యాగ్‌లు, 360-డిగ్రీ సర్వౌండ్ వ్యూ కెమెరా, బ్లైండ్ స్పాట్ మానిటరింగ్, ఎలక్ట్రానిక్ స్టెబిలిటీ కంట్రోల్ (ESC), హిల్ హోల్డ్ అసిస్ట్ వంటి ఫీచర్లు లభించే అవకాశం ఉంది.