దేశంలోనే అత్యధిక మంది కొంటున్న కారు ఇదే.. షోరూమ్‌ ముందు పడిగాపులు.. టాప్ 10 కార్స్‌లో ఫస్ట్

భారతదేశంలో జూన్ నెల కార్ల అమ్మకాల గణాంకాలు ఆసక్తికరంగా మారాయి. టాప్ 10 కార్ల జాబితా చూస్తే, మళ్లీ మారుతి సుజుకి దాదాపు ఎక్కువ కార్లను విక్రయించింది. టాటా, మహీంద్రా లాంటి దేశీయ బ్రాండ్‌లు కూడా తమ ఉనికిని చాటుకున్నాయి. అయినప్పటికి మొత్తం జాబితాలో మారుతి కార్లు స్పష్టమైన ఆధిపత్యాన్ని కొనసాగించాయి. బ్రాండ్ పట్ల ఉన్న నమ్మకం, అందుబాటు ధరలో లభించడం వంటి అంశాల కారణంగా మారుతీ తన సత్తా చాటింది. మొత్తం టాప్ 10 కార్లను చూసినట్లయితే ఈ జాబితాలో 10వ స్థానాన్ని దక్కించుకున్నది మారుతికి చెందిన స్టైలిష్ హ్యాచ్‌బ్యాక్ ఫ్రాంక్స్. జూన్ 2025లో ఫ్రాంక్స్ కారు మొత్తం 9815 యూనిట్లు అమ్ముడవ్వగా, గత ఏడాది ఇదే నెలలో 9688 యూనిట్లు అమ్ముడుపోయింది. అంటే సంవత్సరానికొకసారి లైట్‌గా అయినా 1 శాతం వృద్ధి నమోదైంది.

9వ స్థానాన్ని టాటా మోటార్స్‌కు చెందిన పాపులర్ మోడల్ పంచ్ ఆక్రమించింది. జూన్ 2025లో టాటా పంచ్ అమ్మకాలు 10,446 యూనిట్లకు పరిమితమయ్యాయి. ఇదే కారును 2024 జూన్‌లో 18,238 మంది కొనుగోలు చేశారు. అంటే ఈ ఏడాది అదే నెలలో అమ్మకాల్లో దాదాపు 43 శాతం తగ్గుదల కనిపించింది. వినియోగదారుల అభిరుచులు మారడమా? లేక కొత్త పోటీ మోడల్స్ ఎంట్రీ వల్లా? అన్నదానిపై పరిశ్రమలో చర్చ నడుస్తోంది.

8వ స్థానంలో నిలిచిన కారు టాటా నెక్సాన్. ఈ కారు SUV లవర్స్‌కి ఏ పదాన్ని వినిపించినా గుర్తొచ్చేది నెక్సాన్ అనేంతగా నిలిచింది. అయితే జూన్ 2025లో నెక్సాన్ అమ్మకాలు కొంత తగ్గుముఖం పట్టాయి. మొత్తం 11,602 యూనిట్లు మాత్రమే అమ్ముడుపోయింది, ఇది గత సంవత్సరం ఇదే నెలలో 12,066 యూనిట్లు అమ్ముడయ్యాయి. ఈ లెక్కన చూస్తే, అమ్మకాల్లో సుమారుగా 4 శాతం తగ్గుదల నమోదైంది.

కొత్త పోటీ SUV మోడల్స్ ఎంట్రీ, టాటా కొత్త వేరియంట్ల కోసం ఎదురు చూడటం ఇందుకు కారణమై ఉండవచ్చు. 7వ స్థానాన్ని మహీంద్రా స్కార్పియో సంపాదించింది. డిజైన్‌, రఫ్ అండ్ టఫ్, బ్రాండ్ ఇలా అన్నిటితోపాటు, భద్రతపై కూడా మంచి పేరు సంపాదించుకున్న ఈ SUV, జూన్ 2025లో 12,740 యూనిట్లు అమ్ముడుపోయింది. ఇది గత ఏడాది జూన్‌లో నమోదైన 12,307 యూనిట్లతో పోలిస్తే, సుమారుగా 4 శాతం వృద్ధి.

స్కార్పియోకు నగరాల్లోనే కాకుండా గ్రామీణ మార్కెట్లోనూ మంచి డిమాండ్ కొనసాగుతోంది. ఇక ఆరవ స్థానంలో మారుతీ కంపెనీ ప్రసిద్ధ మోడల్ వ్యాగన్‌ఆర్ నిలిచింది. ఈ కారు చిన్న ఫ్యామిలీలకు, రోజువారీ ప్రయాణికులకు అనువుగా ఉండే ఫంక్షనాలిటీతో ఎంతో మంది అభిమానం సంపాదించుకుంది. జూన్ 2025లో 12,930 యూనిట్లు సేల్ కాగా, ఇది గత సంవత్సరం ఇదే నెలలో 13,790 యూనిట్లు అమ్ముడయ్యింది. దీంతో అమ్మకాల్లో 6 శాతం తగ్గుదల నమోదైంది.

ఇక, 5వ స్థానంలో మారుతి సుజుకికి చెందిన మరో పాపులర్ మోడల్ స్విఫ్ట్ నిలిచింది. స్పోర్టీ డిజైన్, నమ్మకమైన ఇంజిన్, మైలేజ్ ఫ్రెండ్లీ పెర్ఫార్మెన్స్‌తో మార్కెట్లో బాగా పేరుగాంచిన ఈ హ్యాచ్‌బ్యాక్, జూన్ 2025లో 13,275 యూనిట్లు అమ్ముడవ్వగా, గత ఏడాది ఇదే నెలలో 16,422 యూనిట్లు సేల్ అయింది. ఇది దాదాపు 19 శాతం తగ్గుదల. 4వ స్థానంలో మారుతి ఎర్టిగా, ఫ్యామిలీ MPV ఉంది.

జూన్ 2025లో ఎర్టిగా అమ్మకాలు 14,151 యూనిట్లుగా నమోదయ్యాయి. అయితే గత సంవత్సరం ఇదే నెలలో 15,902 కార్లు విక్రయమయ్యాయి. అమ్మకాల పరంగా దాదాపు 11 శాతం క్షీణత కనిపిస్తోంది. 3వ స్థానాన్ని దక్కించుకున్నది మారుతి బ్రెజ్జా. ఇది జూన్ 2025లో 14,507 యూనిట్లు అమ్ముడవ్వగా, గత ఏడాది అదే నెలలో 13,172 యూనిట్లు మాత్రమే విక్రయమయ్యాయి. దీంతో బ్రెజ్జా అమ్మకాల్లో 10 శాతం వృద్ధి నమోదైంది.

2వ స్థానంలో మారుతికి డిజైర్ ఉంది. జూన్ 2025లో 15,484 యూనిట్లు అమ్ముడవగా, 2024 జూన్‌లో 13,421 యూనిట్లు మాత్రమే అమ్ముడయ్యాయి. ఇది 15 శాతం పెరుగుదల. అఖరికి, 1వ స్థానంలో హ్యుందాయ్ క్రెటా మారుతిని దాటి అత్యధికంగా అమ్ముడైన కారుగా నిలిచింది. కానీ జూన్ 2024లో 16,293 యూనిట్లు అమ్ముడవ్వగా, ఈ సంవత్సరం అదే నెలలో 15,786 యూనిట్లకు పరిమితమైంది. అంటే అమ్మకాల్లో 3 శాతం తగ్గుదల కనిపించింది.