బైక్ కొనే బదులు ఈ కారు కొనచ్చు.. 31 కి.మీ మైలేజ్.. పైగా మీ బడ్జెట్‌లోనే వస్తోంది

టయోటా (Toyota) భారత మార్కెట్లో తన స్థానాన్ని బలంగా నిలబెట్టుకోవడంలో మారుతి సుజుకితో ఉన్న వ్యూహాత్మక భాగస్వామ్యాన్ని సమర్థవంతంగా వినియోగిస్తోంది. ఈ భాగస్వామ్యంలో భాగంగా, టయోటా కొన్ని మారుతి మోడళ్లను రీ-బ్యాడ్జింగ్ (Rebadging) చేసి తన సొంత బ్రాండ్ కింద విక్రయిస్తోంది. అందులో అత్యంత ప్రజాదరణ పొందిన మోడల్ టయోటా గ్లాంజా (Toyota Glanza). ఇది అసలు మారుతి సుజుకి బాలెనో (Maruti Suzuki Baleno) రీ-బ్యాడ్జ్డ్ వెర్షన్ అయినప్పటికీ, టయోటా తన ప్రత్యేక శైలి, బ్రాండ్ విలువ, సేల్స్ సపోర్ట్ ద్వారా ఈ కారును ప్రత్యేకంగా నిలబెట్టింది. టయోటా గ్లాంజా మార్కెట్లోకి వచ్చినప్పటి నుంచే యువత, ఫ్యామిలీ యూజర్స్ మధ్య విశేష ఆదరణ పొందింది.

అందమైన ఎక్స్‌టీరియర్ డిజైన్, ప్రీమియం ఇంటీరియర్, మైలేజ్‌, టయోటా కస్టమర్ సర్వీస్ కలిపి ఈ కారును ఒక ఆప్షన్‌గా కాకుండా స్మార్ట్ ఛాయిస్‌గా మార్చాయి. అమ్మకాల గణాంకాలు చూస్తే, టయోటా గ్లాంజా తన స్థిరమైన డిమాండ్‌ను కొనసాగించడమే కాకుండా, కొంచెం వృద్ధి సాధించింది. సెప్టెంబర్ 2025లో మొత్తం 3,299 గ్లాంజా కార్లు అమ్ముడయ్యాయి, ఇది గత సంవత్సరం ఇదే నెలలో నమోదైన 3,246 యూనిట్లతో పోలిస్తే 53 యూనిట్ల అధికం.

ఈ వృద్ధి చిన్నదిగా కనిపించినా, ఇది సుమారు 2 శాతం పెరుగుదలను సూచిస్తోంది. ఇది టయోటా గ్లాంజా భారత మార్కెట్లో తన స్థిరమైన ఆకర్షణను కొనసాగిస్తున్నదనే విషయానికి నిదర్శనం. చిన్న హ్యాచ్‌బ్యాక్ సెగ్మెంట్‌లో తీవ్రమైన పోటీ ఉన్నప్పటికీ కస్టమర్ల విశ్వాసాన్ని నిలబెట్టుకుంది. ఈ విజయవంతమైన రీ-బ్యాడ్జింగ్ వ్యూహం ద్వారా టయోటా భవిష్యత్తులో కూడా భారత మార్కెట్లో మరిన్ని ఇలాంటి విజయాలను సాధించే అవకాశం ఉంది.

ప్రస్తుతం భారత మార్కెట్లో టయోటా గ్లాంజా కాంపాక్ట్ హ్యాచ్‌బ్యాక్ సెగ్మెంట్‌లో ధర, మైలేజీ, పనితీరు పరంగా ఆకర్షణీయమైన ప్యాకేజీగా నిలుస్తోంది. గ్లాంజా ప్రారంభ ధర రూ. 6.39 లక్షలు(ఎక్స్-షోరూమ్) వద్ద లభిస్తోంది, ఇది బడ్జెట్ కస్టమర్లను ఆకట్టుకునే స్థాయిలో ఉంది. అదే సమయంలో, టాప్ వేరియంట్ ధర రూ. 9.15 లక్షలు(ఎక్స్-షోరూమ్) వరకు ఉంటుంది. అంటే, గ్లాంజా తన విభాగంలో విలువకు తగిన ఫీచర్లు, కంఫర్ట్, బ్రాండ్ రిప్యూటేషన్‌ను అందిస్తోంది.

మైలేజీ విషయానికి వస్తే, టయోటా గ్లాంజా తన క్లాస్‌లో అగ్రస్థానంలో నిలుస్తోంది. పెట్రోల్-మాన్యువల్ వేరియంట్ ప్రతి లీటరుకు 22.35 కి.మీ, పెట్రోల్-AMT వేరియంట్ ప్రతి లీటరుకు 22.94 కి.మీ మైలేజీని ఇస్తుంది. ఇది సిటీ ట్రాఫిక్‌లోనూ, హైవే డ్రైవింగ్‌లోనూ సౌకర్యవంతమైన ప్రయాణాన్ని అందించడమే కాకుండా, ఇంధన వ్యయాన్ని తగ్గించే సమర్థతను చూపిస్తోంది.

మరింత ఆర్థికంగా ప్రయాణించాలనుకునే వినియోగదారుల కోసం టయోటా CNG వేరియంట్‌ను కూడా అందిస్తోంది. ఈ వెర్షన్‌లో 1.2 లీటర్ ఇంజిన్‌ను ఉపయోగించారు, ఇది మంచి పనితీరు, తక్కువ ఉద్గారాలతో పాటు మంచి ఫ్యూయల్ ఎఫిషెన్సీని అందిస్తుంది. సిఎన్‌జి మోడ్‌లో ఇంజిన్ గరిష్టంగా 57 kW పవర్ (సుమారు 76.6 bhp)ను 6,000 ఆర్‌పిఎమ్ వద్ద ఉత్పత్తి చేస్తుంది. అలాగే, 98.5 Nm టార్క్‌ను 4,300 ఆర్‌పిఎమ్ వద్ద అందిస్తుంది.

అసలైన ఆకర్షణ, దీని మైలేజీ. సిఎన్‌జి వెర్షన్ ప్రతి కిలో సిఎన్‌జీకి 30.61 కి.మీ మైలేజీని అందిస్తుంది. ఈ గణాంకం గ్లాంజాను తన సెగ్మెంట్‌లో అత్యుత్తమ మైలేజీ కార్లలో ఒకటిగా నిలబెడుతుంది. మొత్తంగా చెప్పాలంటే, టయోటా గ్లాంజా ఇప్పుడు కేవలం రీ-బ్యాడ్జ్డ్ బాలెనో కాకుండా, తనదైన ఐడెంటిటీని సంపాదించుకుంది. బడ్జెట్‌లో ప్రీమియమ్ ఫీలింగ్, మైలేజీ పరంగా టయోటా నమ్మకంతో కలిపి ఈ కారు ప్రస్తుతం భారత మార్కెట్లో బెస్ట్‌గా ఉంది.