రెండూ పెద్ద ఫ్యామిలీలకు సరిపోయే కార్లే.. కియా కారెన్స్ క్లావిస్ వర్సెస్ ఇన్నోవా క్రిస్టా.. ఏది బెస్ట్ అంటే ?

కియా తన సరికొత్త క్లావిస్ ఎంపీవీని ఎట్టకేలకు నిన్న ఆవిష్కరించింది. దీనిని భారతదేశంలో కియా కారెన్స్ క్లావిస్ పేరుతో పరిచయం చేస్తుంది. ఇది కాస్త ప్రీమియం MPV కాబట్టి, ధరలు ప్రకటించిన తర్వాత ఈ కారు డబ్బుకు తగిన విలువైనదేనా అని చెప్పే వీలుంటుంది. మా అంచనా ప్రకారం ధరలు వచ్చే నెలలో ప్రకటించవచ్చు.

ప్రస్తుతం భారతదేశంలో ఈ కారు టయోటా ఇన్నోవా క్రిస్టాకు ఒక ఆల్టర్నేటివ్ ఆప్షన్‎గా నిలుస్తోంది. మరి స్పెసిఫికేషన్ల విషయంలో ఈ రెండు కార్లు ఎలా ఉన్నాయో ఇప్పుడు ఈ వార్తలో చూద్దాం. టయోటా ఇన్నోవా క్రిస్టా MPV గురించి ప్రత్యేకంగా చెప్పాల్సిన పనిలేదు. భారతదేశంలో టయోటా ఇన్నోవా క్రిస్టా వేరియంట్‌ను బట్టి 7 లేదా 8 మంది ప్రయాణికులకు సీటింగ్ సామర్థ్యాన్ని కలిగి ఉంటుంది.

ఏడు సీట్ల వేరియంట్ రెండవ వరుసలో కెప్టెన్ సీట్లతో వస్తుంది. అయితే ఎనిమిది సీట్ల వేరియంట్ రెండవ వరుసలో బెంచ్ సీటును కలిగి ఉంటుంది. ఇన్నోవా క్రిస్టా తన ప్రయాణికులకు అవసరమైన అన్ని అంశాలను కలిగి ఉండి సరైన స్థాయిలో ఉంటుంది. స్మార్ట్‌ఫోన్ కనెక్టివిటీతో కూడిన 8-అంగుళాల ఇన్ఫోటైన్‌మెంట్ సిస్టమ్, లెదర్ అప్హోల్స్టరీ, పవర్-అడ్జస్టబుల్ సీట్లు, క్రూయిజ్ కంట్రోల్ వంటి అనేక ఫీచర్లను కలిగి ఉంది.

లోపలి భాగంలో క్లావిస్ ట్విన్ 26.62-అంగుళాల పనోరమిక్ డిస్‌ప్లేలు, డ్యూయల్-పేన్ పనోరమిక్ సన్‌రూఫ్‌ను కలిగి ఉంది. కొత్త కియా కారెన్స్ క్లావిస్ ఫీచర్ల విషయానికి వస్తే.. కొత్త పైలట్ హెడ్‌లైట్ సెటప్, కనెక్టెడ్ టెయిల్ ల్యాంప్‌లు, 17-అంగుళాల వీల్స్ కలిగి ఉండి, ఆరు లేదా ఏడు సీట్ల కాన్ఫిగరేషన్‌లో వస్తుంది.

ఫ్రంట్ వెంటిలేటెడ్ సీట్లు, బిల్ట్-ఇన్ నావిగేషన్, బోస్ ఆడియో సిస్టమ్, డ్యూయల్-జోన్ క్లైమేట్ కంట్రోల్, డ్యూయల్-కెమెరా డాష్ క్యామ్ వంటి అనేక ఫీచర్లను కలిగి ఉంది. మొత్తంమీద ఫీచర్ల విషయంలో కియా కారెన్స్ క్లావిస్ బాగా నిండి ఉందని చెప్పవచ్చు.

సేఫ్టీ విషయానికి వస్తే రెండు MPVలు మల్టిపుల్ ఎయిర్‌బ్యాగ్‌లు, ESP, EBDతో కూడిన ABS, రివర్స్ కెమెరా, సెన్సార్‌లు, 360-డిగ్రీ కెమెరాలు, ISOFIX చైల్డ్ సీట్ యాంకర్‌లతో సహా అనేక ఫీచర్లతో వస్తాయి. అయితే క్రిస్టాలో లేని ADAS లెవెల్ 2 సూట్‌ను క్లావిస్ కలిగి ఉంది.

ఇన్నోవా క్రిస్టా 2.4-లీటర్ డీజిల్ ఇంజిన్‌తో 5-స్పీడ్ మాన్యువల్ గేర్‌బాక్స్‌తో వస్తుంది. కారెన్స్ క్లావిస్ మూడు ఇంజిన్ ఆప్షన్లను కలిగి ఉంది: NA 1.5-లీటర్ పెట్రోల్, టర్బోచార్జ్డ్ 1.5-లీటర్ పెట్రోల్ ఇంజిన్, 1.5-లీటర్ డీజిల్ ఇంజిన్. గేర్‌బాక్స్ ఆప్షన్లలో మాన్యువల్, IMT, DCT, ఆటోమేటిక్ ఉన్నాయి.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.