చాలా మంది ఈ కంపెనీ కార్లే కావాలంటున్నారు.. షోరూమ్‌లకు పోటెత్తారు! ఒక్క నెలలో 31 వేల సేల్స్!

ఇండియన్ ఆటోమొబైల్ మార్కెట్లో ఎప్పటికప్పుడు తన ప్రత్యేకతను చాటుకుంటూ ముందుకు సాగుతున్న కంపెనీలలో టయోటా కిర్లోస్కర్ మోటార్ (TKM) ఒకటి. ప్రపంచవ్యాప్తంగా తన మోడళ్ల నాణ్యత, నమ్మకంతో పేరుగాంచిన ఈ బ్రాండ్, భారత మార్కెట్లో కూడా వినియోగదారుల విశ్వాసాన్ని గెలుచుకుంది. తాజాగా విడుదల చేసిన అమ్మకాల గణాంకాలు ఈ విషయాన్ని మరోసారి స్పష్టంగా చెబుతున్నాయి. సెప్టెంబర్ 2025లో టయోటా మొత్తం 31,091 యూనిట్ల అమ్మకాలను నమోదు చేసింది. ఇది గత ఏడాది ఇదే నెలలో విక్రయించిన 26,847 యూనిట్లతో పోలిస్తే 16 శాతం వృద్ధిని సూచిస్తోంది. ఈ సంఖ్యలో దేశీయ మార్కెట్‌లో జరిగిన విక్రయాలు ప్రధాన పాత్ర పోషించాయి. మొత్తం అమ్మకాలలో 27,089 యూనిట్లు భారతీయ వినియోగదారుల చేతికి చేరగా, మిగిలిన 4,002 యూనిట్లు ఎగుమతి మార్కెట్‌లోకి వెళ్లాయి.

గత సంవత్సరం ఇదే కాలంలో ఉన్న అమ్మకాల గణాంకాలను పరిశీలిస్తే, టయోటా నిరంతరం తన స్థిరమైన వృద్ధిని కొనసాగిస్తోందని తేలుతుంది. SUVలు, MPVలు, హ్యాచ్‌బ్యాక్ మోడళ్లలో సమానమైన డిమాండ్‌తో కంపెనీకి మరింత ఊపును అందిస్తోంది. ప్రత్యేకంగా టయోటా ఇన్నోవా హైక్రాస్, ఫార్చ్యూనర్ వంటి మోడళ్లకు ఉన్న పెరుగుతున్న ఆదరణ బ్రాండ్ విజయానికి బలమైన కారణం అవుతోంది. అయితే, నెలవారీ గణాంకాల పరంగా చూస్తే స్వల్ప తగ్గుదల చోటుచేసుకుంది.

ఆగస్టు 2025లో కంపెనీ 29,302 యూనిట్ల అమ్మకాలను నమోదు చేయగా, సెప్టెంబర్ 2025లో దేశీయంగా 27,089 యూనిట్లు విక్రయించబడటంతో అమ్మకాల పరంగా నెలవారీ పోలికలో 7.5 శాతం తక్కువ డిమాండ్ కనిపించింది. ఈ స్వల్ప తగ్గుదల పండుగ సీజన్ ముందు వినియోగదారులు వేచి చూసే ధోరణి, మార్కెట్‌లో ఉన్న సరఫరా సవాళ్లు, డీలర్ స్థాయిలో నిల్వల నిర్వహణ వంటి కారణాల వల్ల జరిగిందని పరిశ్రమ నిపుణులు భావిస్తున్నారు.

టయోటా కిర్లోస్కర్ మోటార్ సెప్టెంబర్ 2025లో మాత్రమే కాకుండా ప్రస్తుత ఆర్థిక సంవత్సరం 2025-26 మొదటి అర్ధభాగంలో కూడా బలమైన ప్రదర్శనను కనబరిచింది. తాజాగా విడుదల చేసిన గణాంకాల ప్రకారం, ఏప్రిల్ నుండి సెప్టెంబర్ వరకు జరిగిన ఆరు నెలల వ్యవధిలో టయోటా మొత్తం 1,84,959 కార్లను విక్రయించింది. ఇది గత ఆర్థిక సంవత్సరం 2024-25 మొదటి అర్ధభాగంలో నమోదైన అమ్మకాలతో పోలిస్తే 14 శాతం వృద్ధిని సూచిస్తోంది.

మొత్తం మీద, సెప్టెంబర్ నెల టయోటా దేశీయ అమ్మకాలలో బలమైన ప్రదర్శన, వార్షిక వృద్ధిలో 16 శాతం పెరుగుదల కంపెనీ స్థిరమైన మార్కెట్ స్థానం ఉందని సూచిస్తే, నెలవారీ అమ్మకాల స్వల్ప తగ్గుదల మార్కెట్ పరిస్థితులను ప్రతిబింబిస్తోంది. అయినప్పటికీ, పండుగ సీజన్‌తో టయోటా మరింత బలమైన సేల్స్ రికార్డులను నమోదు చేస్తుందని పరిశ్రమ విశ్లేషకులు అంచనా వేస్తున్నారు. దీనికి జీఎస్టీ ధరల తగ్గింపు కూడా తోడు కానుంది.

జీఎస్టీ తగ్గింపుతో టయోటా కస్టమర్లకు మంచి ఊరట లభించింది. కొత్త ధరల తగ్గింపుతో టయోటా కార్లపై భారీగా సేవ్ చేసుకునే అవకాశం లభిస్తోంది. ఇప్పటికే సేల్స్‌లో గణనీయమైన వృద్ధిని సాధిస్తున్న టయోటా, ధరల తగ్గింపుతో మరింత కస్టమర్లను ఆకర్షించే దిశగా ముందడుగు వేసింది. లగ్జరీ SUVలలో అగ్రస్థానంలో ఉన్న టయోటా ఫార్చ్యూనర్ ధర ఇప్పుడు రూ.3.49 లక్షలకు తగ్గింది.

ఫార్చ్యూనర్ లెజెండర్‌పై భారీ తగ్గింపు లభించింది, దాని ధర రూ.3.34 లక్షలకు పడిపోయింది. లగ్జరీ MPVలలో వేరొక స్టార్ మోడల్‌గా నిలిచిన టయోటా వెల్‌ఫైర్ ఇప్పుడు రూ.2.78 లక్షల తగ్గింపుతో మరింత అందుబాటులోకి వచ్చింది. హిలక్స్ మోడల్‌పై ధర రూ.2.53 లక్షల వరకు తగ్గించబడింది. ఇన్నోవా క్రిస్టా ఇప్పుడు రూ.1.81 లక్షల తగ్గింపుతో లభిస్తోంది. అదే సమయంలో, ఇన్నోవా హైక్రాస్ ధర రూ.1.16 లక్షల వరకు తగ్గింది.