లీటరు పోస్తే 28కిమీ వెళ్లొచ్చు.. ఎక్కువ మైలేజ్ కారు కావాలనుకున్న వాళ్లకు బెస్ట్ ఛాయిస్ ఇదే

టయోటా(Toyota) నుంచి వచ్చిన కాంపాక్ట్ ఎస్యూవీ అర్బన్ క్రూయిజర్ హైరైడర్ (Urban Cruiser Hyryder) భారత మార్కెట్‌లో తన స్థానాన్ని మరింత పదిలం చేసుకుంటోంది. 2022లో అద్భుతమైన ఫీచర్లు, స్ట్రాంగ్ బాడీ, ముఖ్యంగా అత్యధిక మైలేజ్ తో లాంచ్ అయిన ఈ కారు, వినియోగదారులను విపరీతంగా ఆకర్షిస్తోంది.

అక్టోబర్ నెలలో హైరైడర్ ఏకంగా 11,555 యూనిట్లు అమ్ముడై, గతేడాదితో పోలిస్తే 41.28% వృద్ధిని నమోదు చేసింది. మారుతి గ్రాండ్ విటారాకు రీ-బ్యాడ్జ్ మోడల్‌గా వచ్చిన ఈ ఎస్‌యూవీ గురించి, రూ. 10.95 లక్షల (ఎక్స్-షోరూమ్) ప్రారంభ ధరతో పాటు 27.97 కి.మీ వరకు మైలేజ్ ఇస్తున్న పూర్తి వివరాలు తెలుసుకుందాం.

భారతీయ ఆటోమొబైల్ మార్కెట్‌లో తనదైన ముద్ర వేసుకున్న టయోటా అర్బన్ క్రూయిజర్ హైరైడర్ (Toyota Urban Cruiser Hyryder) ఒక అద్భుతమైన ఎస్యూవీ అనిపించుకుంది. 2022లో ఈ కారును అంగరంగ వైభవంగా విడుదల చేశారు. ఇది చూడటానికి చాలా ఆకర్షణీయంగా ఉండటమే కాకుండా, అనేక ప్రత్యేకమైన ఫీచర్లను కలిగి ఉంది.

కస్టమర్‌లు ఈ కారును కొనుగోలు చేయడానికి పోటీ పడుతున్నారు. అక్టోబర్ నెలలో కూడా హైరైడర్ భారీ సంఖ్యలో అమ్ముడై, 11,555 యూనిట్లను వినియోగదారులకు డెలివరీ చేసింది. 2024 ఇదే కాలంలో 5,449 యూనిట్లు మాత్రమే అమ్ముడవగా, ఈసారి అమ్మకాలు సంవత్సరానికి 41.28% వృద్ధిని సాధించాయి.

అక్టోబర్‌లో టయోటా హైరైడర్ ఇంత భారీ సంఖ్యలో అమ్ముడు కావడానికి అనేక కారణాలు ఉన్నాయి. ముఖ్యంగా ఈ కారు మారుతి సుజుకి గ్రాండ్ విటారా(Maruti Suzuki Grand Vitara) రీ-బ్యాడ్జ్ మోడల్ కావడం వల్ల దీనికి ఒక ప్రత్యేక గుర్తింపు ఉంది. సెప్టెంబర్ 22 నుంచి జీఎస్టీ(GST)ని సవరించడం వల్ల హైరైడర్ ధరలు కూడా తగ్గాయి.

అలాగే దీపావళి (Diwali) పండుగ సందర్భంగా అధిక సంఖ్యలో కస్టమర్లు ఈ SUVని కొనుగోలు చేశారు. ఈ అంశాలన్నీ కలిసి అమ్మకాలు అధికం కావడానికి దోహదపడ్డాయని మార్కెట్ విశ్లేషకులు చెబుతున్నారు. హైరైడర్ సరసమైన ధరలో కస్టమర్లకు అందుబాటులో ఉంది. దీని ధర రూ. 10.95 లక్షల నుంచి రూ. 19.76 లక్షల (ఎక్స్-షోరూమ్) వరకు ఉంటుంది.

మధ్యతరగతి నుంచి ఉన్నత వర్గాల వరకు అందరూ ఈజీగా కొనుగోలు చేయవచ్చు. ఇది E, S, G, V అనే నాలుగు వేరియంట్ల (Variants) ఆప్షన్లలో లభిస్తుంది. ఈ కారు చాలా అడ్వాన్సుడ్ డిజైన్ కలిగి ఉంటుంది. LED హెడ్‌ల్యాంప్‌లు, LED DRLలు, LED టెయిల్ ల్యాంప్‌లు, 17-అంగుళాల అల్లాయ్ వీల్స్‌తో ఆకట్టుకుంటుంది.

210 మి.మీ. గ్రౌండ్ క్లియరెన్స్ (Ground Clearance), 2,600 మి.మీ. వీల్‌బేస్ ను కలిగి ఉంది. దాదాపు 1,755 కిలోల బరువు ఉంటుంది. ఇది హైబ్రిడ్ వెర్షన్లో 27.97 కి.మీ. మైలేజీ ఇస్తుంది. కొత్త టయోటా హైరైడర్ మూడు బలిష్టమైన పవర్‌ట్రైన్ ఆప్షన్లను కలిగి ఉంది, ఇవి అద్భుతమైన పనితీరు, మైలేజ్‌ను అందిస్తాయి.

1.5-లీటర్ నాచురల్లీ ఆస్పిరేటెడ్ పెట్రోల్ ఇంజిన్ 103 PS పవర్, 137 Nm పీక్ టార్క్‌ను ఉత్పత్తి చేస్తుంది. ఇది 5-స్పీడ్ మ్యాన్యువల్, 6-స్పీడ్ ఆటోమేటిక్ గేర్‌బాక్స్‌లతో లభిస్తుంది. మైలేజ్ 19.20 నుంచి 21.11 కి.మీ. (లీటర్‌కు) వరకు ఉంటుంది.

1.5-లీటర్ స్ట్రాంగ్ హైబ్రిడ్ (పెట్రోల్ + ఎలక్ట్రిక్) ఇంజిన్ 116 PS పవర్, 141 Nm పీక్ టార్క్‌ను ఉత్పత్తి చేస్తుంది. ఇది E-CVT గేర్‌బాక్స్‌ను కలిగి ఉంటుంది. దీని మైలేజ్ లీటర్‌కు 27.97 కి.మీ. వరకు ఉంటుంది. ఇది ఈ విభాగంలో అత్యుత్తమం.

1.5-లీటర్ పెట్రోల్ + CNG ఇంజిన్ మోడల్ 88 PS పవర్, 121.5 Nm పీక్ టార్క్‌ను ఉత్పత్తి చేస్తుంది. ఇది 5-స్పీడ్ మ్యాన్యువల్ గేర్‌బాక్స్‌ను కలిగి ఉంటుంది. దీని మైలేజ్ కిలోకు 26.6 కి.మీ. వరకు ఉంటుంది. హైరైడర్ 5-సీటర్ కాంఫిగరేషన్‌ను కలిగి ఉంది. కెఫే వైట్, ఎంటైసింగ్ సిల్వర్, గేమింగ్ గ్రే, స్పోర్టిన్ రెడ్, మిడ్‌నైట్ బ్లాక్, కేవ్ బ్లాక్ వంటి కలర్ ఆప్షన్లలో లభిస్తుంది. 373 లీటర్ల బూట్ స్పేస్‌ను కలిగి ఉంది.

9-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ డ్రైవర్ డిస్‌ప్లే, సన్‌రూఫ్ (Sunroof), USB ఛార్జింగ్ పోర్ట్‌లు వంటి అనేక అడ్వాన్సుడ్ ఫీచర్లను కలిగి ఉంది.

కొత్త టయోటా హైరైడర్ ప్రయాణీకులకు మంచి సేఫ్టీని అందిస్తుంది. ఇందులో 6 ఎయిర్‌బ్యాగ్‌లు (Airbags), ABS (యాంటీ-లాక్ బ్రేకింగ్ సిస్టమ్), EBD (ఎలక్ట్రానిక్ బ్రేక్‌ఫోర్స్ డిస్ట్రిబ్యూషన్), VSC (వెహికల్ స్టెబిలిటీ కంట్రోల్), TPMS (టైర్ ప్రెషర్ మానిటరింగ్ సిస్టమ్), 360-డిగ్రీ కెమెరా వంటి సేఫ్టీ ఫీచర్లను కలిగి ఉంది.