హాట్‌కేకుల్లా అమ్ముడవుతున్న 27KM మైలేజ్ కారు.. ప్రజల మనసు దోచుకుంటున్న టయోటా కారు ఇదే!

టయోటా (Toyota) అనే పేరు వినగానే మనసులో మొదటగా వచ్చే భావన నమ్మకం, దీర్ఘకాలికత. ప్రపంచవ్యాప్తంగా టయోటా బ్రాండ్ తన విశ్వసనీయతతో మిలియన్ల మంది కస్టమర్ల విశ్వాసాన్ని సంపాదించింది. ఈ జపనీస్ కంపెనీ తయారుచేసిన వాహనాలు కేవలం స్టైలిష్‌గానే కాకుండా, దృఢమైన పనితీరు, తక్కువ నిర్వహణ ఖర్చుతో కూడా ప్రసిద్ధి పొందాయి. ఇలాంటి నమ్మకమైన వారసత్వానికి కొనసాగింపుగా, టయోటా భారత మార్కెట్లో ప్రవేశపెట్టిన అర్బన్ క్రూయిజర్ హైరైడర్ (Urban Cruiser Hyryder) కాంపాక్ట్ SUV సెగ్మెంట్‌లో కొత్త ప్రమాణాలను సృష్టించింది. ఈ SUV మొదటిసారిగా భారత రోడ్లపై కనిపించిన రోజునుంచే ఆటోమొబైల్ ప్రేమికుల దృష్టిని ఆకర్షించింది. దీనికి కారణం కేవలం టయోటా పేరు కాదు, ఈ కారులో ఉన్న ఆధునిక ఫీచర్లు, శక్తివంతమైన హైబ్రిడ్ ఇంజిన్, మైలేజ్ సామర్థ్యం కూడా.

హైరైడర్ తన క్లాస్‌లో ప్రత్యేకతను సొంతం చేసుకున్నది. ఇది పూర్తి హైబ్రిడ్ టెక్నాలజీతో అందుబాటులో ఉన్న తొలి కాంపాక్ట్ SUVలలో ఒకటి. దీని ఇంజిన్ పెట్రోల్, ఎలక్ట్రిక్ మోటార్‌ల కలయికతో పనిచేస్తుంది, ఫలితంగా ఎక్కువ ఇంధన పొదుపు, తక్కువ ఎమిషన్స్, స్మూత్ డ్రైవింగ్ అనుభవం లభిస్తాయి. ఈ SUVను నడిపేటప్పుడు దాని సైలెంట్ ఆపరేషన్, సులభమైన యాక్సిలరేషన్‌ డ్రైవర్‌కు ఒక ప్రీమియం అనుభూతిని ఇస్తాయి.

టయోటా అర్బన్ క్రూయిజర్ హైరైడర్ భారత మార్కెట్లో తన స్థిరమైన స్థాయిని మరింత బలపరుస్తోంది. సెప్టెంబర్ 2025 నెలలో ఈ SUV అత్యద్భుతమైన అమ్మకాల గణాంకాలను సాధించింది. ఈ నెలలో హైరైడర్ మొత్తం 7,608 యూనిట్లు అమ్ముడవగా, ఇది టయోటా అమ్మకాల జాబితాలో అగ్రస్థానంలో నిలిచింది. ఇది గత సంవత్సరం ఇదే నెలతో పోలిస్తే అర్బన్ క్రూయిజర్ హైరైడర్ గణనీయమైన వృద్ధిని సాధించింది.

సెప్టెంబర్ 2024లో అర్బన్ క్రూయిజర్ హైరైడర్ కేవలం 5,385 యూనిట్లు మాత్రమే అమ్ముడవగా, ఇప్పుడు అది 2,223 యూనిట్ల వృద్ధిను నమోదు చేసింది. అంటే హైరైడర్ 41.28 శాతం వార్షిక వృద్ధి సాధించింది, ఇది టయోటా SUVలకు ఉన్న పెరుగుతున్న డిమాండ్‌ను స్పష్టంగా చూపిస్తుంది. అయితే నెలవారీ పోలికలో కొంత తగ్గుదల కూడా కనిపించింది. ఆగస్టు 2025లో హైరైడర్ అమ్మకాలు 9,100 యూనిట్లు నమోదు అయ్యాయి.

ఇది సెప్టెంబర్‌లో 1,492 యూనిట్లు తక్కువగా, అంటే సుమారు 16.40 శాతం తగ్గుదల నమోదైంది. అయినప్పటికీ, మార్కెట్ పోటీ, సీజనల్ మార్పుల మధ్య కూడా హైరైడర్ తన స్థిరమైన డిమాండ్‌ను కొనసాగించడం గమనించదగ్గ విషయం. సెప్టెంబర్ 2025లో హైరైడర్, టయోటా మరో రెండు ప్రముఖ మోడళ్లను, ఇన్నోవా హైక్రాస్ (6,436 యూనిట్లు), ఇన్నోవా క్రిస్టా (3,347 యూనిట్లు) అధిగమించి, కంపెనీ బెస్ట్-సెల్లింగ్ కారుగా తన స్థానాన్ని నిలబెట్టుకుంది.

టయోటా అర్బన్ క్రూయిజర్ హైరైడర్ భారత మార్కెట్లో విభిన్న రకాల వినియోగదారులను దృష్టిలో ఉంచుకుని మూడు విభిన్న పవర్‌ట్రెయిన్ ఆప్షన్‌లలో అందుబాటులో ఉంది, నేచురల్లీ ఆస్పిరేటెడ్ పెట్రోల్, స్ట్రాంగ్ హైబ్రిడ్ పెట్రోల్, CNG వెర్షన్. ఈ మూడు వేరియంట్లు హైరైడర్‌కి ప్రత్యేకమైన విస్తృత ఎంపికల శ్రేణిని అందిస్తూ, మైలేజ్ కోరుకునే వారినుండి, శక్తి (పవర్) ప్రాధాన్యం ఇచ్చే వారివరకు అందరికీ సరిపోయేలా రూపొందించబడ్డాయి.

డ్రైవింగ్ పరిస్థితుల ఆధారంగా ఇది ఎలక్ట్రిక్ మోడ్, హైబ్రిడ్ మోడ్ లేదా పెట్రోల్ మోడ్‌లలో స్వయంచాలకంగా మారుతూ అత్యుత్తమ ఫ్యూయల్ ఎఫిషియెన్సీని అందిస్తుంది. ఈ హైబ్రిడ్ వెర్షన్ క్లెయిమ్ చేయబడిన మైలేజ్ సుమారు 27 kmpl. అలాగే, టయోటా హైరైడర్‌ను CNG వెర్షన్‌లో కూడా అందిస్తోంది. ఇది దాదాపు 26.6 kmpl వరకు మైలేజ్ అందిస్తుంది.