నెలకు రూ.21 వేలతో అదిరిపోయే కారు.. స్టైల్‌కు పెట్టింది పేరు.. బడ్జెట్ ధరలో లగ్జరీ ఫీచర్స్

టయోటా అర్బన్ క్రూయిజర్ హైరైడర్(Toyota Urban Cruiser Hyryder) భారత SUV మార్కెట్‌లో ఒక ప్రసిద్ధ వాహనం. ఈ SUV ఆకర్షణీయమైన డిజైన్, బలమైన బాడీ స్ట్రక్చర్‌తో ప్రతి నెలా అమ్ముడవుతూ మంచి గణంకాలను సాధిస్తుంది. నగరాల్లో, హైవే రోడ్లలో లేదా ఆఫ్-రోడ్ పరిస్థితుల్లోనైనా, హైరైడర్ బెస్ట్. దీని ధర రూ.10.95 లక్షల నుండి రూ.19.76 లక్షల (ఎక్స్-షోరూమ్) మధ్య ఉంటుంది. అంటే, వినియోగదారుల బడ్జెట్, అవసరాలు, వేరియంట్ల ఆధారంగా సరైన ఎంపికను చేసుకోవచ్చు. కొత్త కారు కొనడానికి ఆలోచిస్తున్న వారు, అర్బన్ క్రూయిజర్ హైరైడర్ ఒక ప్రత్యేక ఎంపిక అవుతుంది. ఈ SUV లో ఉన్న శక్తివంతమైన ఇంజిన్, సౌకర్యవంతమైన ఇంటీరియర్, సాంకేతికత మీ ప్రయాణాన్ని భద్రతగా చేస్తుంది. ఈ కారు EMI ఆప్షన్లను ఒకసారి ఈ కింది కథణంలో చూద్దాం.

మొదట, E పెట్రోల్ వేరియంట్ ఆన్-రోడ్ ధర రూ. 13.45 లక్షలు. మీరు దీన్ని రూ. 3 లక్షల డౌన్ పేమెంట్‌తో కొనుగోలు చేస్తే, రుణ మొత్తం సుమారు రూ. 10.45 లక్షలు అవుతుంది. ఈ లోన్ 9% వార్షిక వడ్డీ రేటుతో 5 సంవత్సరాల పాటు చెల్లిస్తే, నెలవారీ EMI రూ. 21,600 వరకు ఉంటుంది. ఇది చిన్న బడ్జెట్ ఉన్న వినియోగదారులకు అద్భుతమైన ఎంపికగా నిలుస్తుంది.

సాధారణ S పెట్రోల్ వేరియంట్‌ను తీసుకుంటే, దీని ఆన్-రోడ్ ధర రూ. 15.29 లక్షలు. మీరు దీన్ని రూ. 3 లక్షల డౌన్ పేమెంట్‌తో తీసుకోవాలనుకుంటే, బాకీ లోన్ మొత్తం రూ. 12.29 లక్షలు అవుతుంది. ఈ రుణం 9% వార్షిక వడ్డీ రేటుతో 5 సంవత్సరాల పాటు, నెలకు సుమారు రూ. 25,500 EMIగా చెల్లించవచ్చు. ఇది వ్యక్తిగత బడ్జెట్‌లో సులభంగా అమర్చుకునే స్థాయి.

G హైబ్రిడ్ వేరియంట్(పెట్రోల్ + ఎలక్ట్రిక్) కొరకు ఆన్-రోడ్ ధర రూ. 22.57 లక్షలు. అదే విధంగా, రూ.3 లక్షల డౌన్ పేమెంట్ చేస్తే, రుణ మొత్తం రూ. 19.57 లక్షలు అవుతుంది. దీన్ని 9% వడ్డీ రేటుతో 5 సంవత్సరాల కాలంలో చెల్లిస్తే, నెలకు సుమారు రూ.40,500 EMI వస్తుంది. హైబ్రిడ్ వేరియంట్ మంచి మైలేజ్, ఎక్కువ ఫీచర్లు, సాంకేతికతతో లభిస్తుంది, అందువలన EMI కొంచెం ఎక్కువగా ఉంటుంది.

అదేవిధంగా, S CNG వేరియంట్ కొనుగోలుకు కూడా సరైన ఆప్షన్ ఉంది. ఆన్-రోడ్ ధర రూ. 16.35 లక్షలు, రూ. 3 లక్షల డౌన్ పేమెంట్ చేసినట్లయితే, రుణ మొత్తం రూ. 13.35 లక్షలు అవుతుంది. 5 సంవత్సరాల పాటు నెలవారీ EMI రూ. 27,700 ఉంటుంది, వడ్డీ రేటు 9%గా ఉంటుంది. ఈ వేరియంట్ ఇంధన సామర్థ్యాన్ని కాంబైన్ చేస్తూ, వినియోగదారికి LPG/CNG వినియోగంలో ఆర్థిక ప్రయోజనాన్ని అందిస్తుంది.

మొత్తం మీద, టయోటా అర్బన్ క్రూయిజర్ హైరైడర్ వివిధ వేరియంట్లలో పెట్రోల్, హైబ్రిడ్, CNG ఎంపికలు వినియోగదారులకు వారి అవసరాలకు తగిన దృష్టిలో సౌకర్యవంతంగా ఉంటాయి. దీనికి శక్తివంతమైన పవర్‌ట్రెయిన్ ఉంది. ఇందులో 1.5-లీటర్ నేచురల్లీ ఆస్పిరేటెడ్ పెట్రోల్, 1.5-లీటర్. హైబ్రిడ్ (పెట్రోల్ + ఎలక్ట్రిక్), 1.5-లీటర్ పెట్రోల్ / CNG ఇంజిన్ ఉన్నాయి. ఇది 19 నుండి 27.97 kmpl మైలేజీని ఇస్తుంది.