ఇలాంటి కార్లతో బయటకి వెళ్తే.. తిరిగి పెట్రోల్ కార్ వైపు చూడరు! ఇండియాలోకి ఇంటర్నేషనల్ బ్రాండ్

విన్‌ఫాస్ట్ (VinFast) అనే ప్రీమియం ఎలక్ట్రిక్ వాహన తయారీ సంస్థ ఇప్పుడు భారత మార్కెట్లోకి అడుగుపెట్టింది. వాస్తవానికి, ఇది వియత్నాం కేంద్రంగా స్థాపితమైన కంపెనీ అయినా, గ్లోబల్‌గా తన వ్యాపారాన్ని విస్తరిస్తూ, భారత మార్కెట్‌లోకి అడుగుపెట్టడం ద్వారా మరో కీలక అడుగు వేసింది. ఈ సంస్థ ఎలక్ట్రిక్ కార్ల తయారీలో ప్రత్యేకతను కలిగి ఉండగా, మన్నికైన నిర్మాణ నాణ్యత, ఆధునిక డిజైన్, స్మార్ట్ టెక్నాలజీకి పేరుగాంచింది. విన్‌ఫాస్ట్ భారత్‌లో తన ఉత్పత్తిని వేగంగా ప్రారంభించేందుకు, తమిళనాడులోని తూత్తుకుడి (Thoothukudi)లో తయారీ యూనిట్‌ను ఏర్పాటు చేసింది. ఈ ఫ్యాక్టరీ సంస్థకు దేశీయంగా గట్టి పునాదిని కల్పించడమే కాక, ప్రస్తుతానికి ఉద్యోగావకాశాలను కూడా సృష్టించబోతోంది. దీని ద్వారా కంపెనీ మేక్ ఇన్ ఇండియా లక్ష్యానికి అనుగుణంగా తన ఉనికిని బలోపేతం చేస్తోంది.

ఇక ఉత్పత్తుల విషయానికి వస్తే, విన్‌ఫాస్ట్ తమ తొలి మోడళ్లుగా VF 6, VF 7 అనే ఎలక్ట్రిక్ కార్లను త్వరలో భారత మార్కెట్‌లో విడుదల చేయనుంది. వీటి తయారీలో నెక్స్ట్-జెన్ టెక్నాలజీ, లేటెస్ట్ సేఫ్టీ ఫీచర్లు, స్మార్ట్ కనెక్టివిటీ సిస్టమ్స్‌ను వంటి అంశాలను ఇవ్వడం ద్వారా వినియోగదారుల ఆకాంక్షలకు తగిన విధంగా మోడల్స్‌ను తీర్చిదిద్దింది. వాటితో పాటు, ధరల విషయంలో కూడా విన్‌ఫాస్ట్ పోటీదారులకంటే అందుబాటులో ఉండేలా భావిస్తోంది.

డిజైన్, బ్యాటరీ లైఫ్, ఆకర్షణీయమైన ఫీచర్లతో VF 6, VF 7 కార్లు సిటీ యూజర్లు, యువతకు బాగా చేరువయ్యే అవకాశం ఉంది. ఇదిలా ఉంటే, భారత మార్కెట్లో ఇప్పటికే టాటా, మహీంద్రా, హ్యుండాయ్, కియా వంటి బ్రాండ్‌లు ఎలక్ట్రిక్ వాహనాల్లో దూసుకుపోతున్న సందర్భంలో, విన్‌ఫాస్ట్ ఎలా నిలదొక్కుకుంటుందన్నది ఆసక్తికరంగా మారింది. VF 6, VF 7 లను త్వరలోనే విడుదల చేయనుంది. వాటి గురించిన వివరాలు ఒకసారి చూద్దాం.

Vinfast VF 6: ఇది 5 మంది ప్రయాణీకుల కోసం రూపొందించిన స్టైలిష్‌, ప్రీమియం ఎలక్ట్రిక్ SUV. దీనిలో 12.9 అంగుళాల టచ్ స్క్రీన్ ఉంది, ఇది ఇన్ఫొటైన్‌మెంట్, వాహనం నియంత్రణ వ్యవస్థలకు కేంద్రంగా పని చేస్తుంది. డ్రైవింగ్ అనుభవాన్ని మరింత సౌకర్యవంతంగా మార్చేలా వెంటిలేటెడ్, హీటెడ్ ఫ్రంట్ సీట్లు ఉన్నాయి. దీనిలో లెవల్ 2 ADAS టెక్నాలజీ అందుబాటులో ఉంది, ఇది డ్రైవింగ్‌ను మరింత సురక్షితంగా, స్మార్ట్‌గా మార్చుతుంది.

బ్యాటరీ విషయానికి వస్తే, VF 6 లో 59.6 kWh సామర్థ్యం గల బ్యాటరీ ప్యాక్ ఉపయోగించబడుతోంది. WLTP ప్రమాణాల ప్రకారం, ఇది ఒకసారి ఫుల్ ఛార్జ్ చేయగానే 410 కి.మీ వరకు రేంజ్ అందించగలదు. అంటే, నగరంలో రోజు ప్రయాణాలకైతే ఇది పూర్తిగా సరిపోతుంది. ఎక్కువగా ఛార్జింగ్ పై డిపెండ్ కాకుండా లాంగ్ డ్రైవ్‌లు కూడా ప్లాన్ చేసుకునే వెసులుబాటు ఉంటుంది.

Vinfast VF 7: ఇది శక్తివంతమైన పనితీరు, ఆధునిక డిజైన్, స్మార్ట్ టెక్నాలజీ సమ్మేళనంతో రూపొందించబడిన ప్రీమియం ఎలక్ట్రిక్ SUV. ఇది కేవలం ఫ్యూచరిస్టిక్ లుక్‌తోనే కాదు, పర్ఫార్మెన్స్ గణాంకాలతోనూ మార్కెట్లో రేసుకు సిద్ధమవుతోంది. దీనిలో 70.8kWh సామర్థ్యమైన LFP (లిథియం ఐరన్ ఫాస్ఫేట్) బ్యాటరీ ప్యాక్ అందించబడింది. ఈ బ్యాటరీ, రెండు రకాల పవర్‌ట్రెయిన్లను సపోర్ట్ చేస్తుంది.

మొదటిది 204 hp పవర్, 310 Nm టార్క్ ఉత్పత్తి చేసే FWD వేరియంట్, 350 hp, 500 Nm టార్క్ ఉన్న AWD వేరియంట్ కొనుగోలు చేయడానికి లభిస్తుంది. రేంజ్ విషయానికి వస్తే, WLTP క్లెయిమ్ ప్రకారం, FWD వేరియంట్ సుమారు 450 కిలోమీటర్లు, AWD వేరియంట్ సుమారు 431 కిలోమీటర్ల దూరం ప్రయాణిస్తుంది. ఇది కేవలం 5.8 సెకన్లలో 0 నుండి 100 కి.మీ/గం వేగాన్ని చేరుకోగలదు.