పాపులర్ కారు మళ్లీ కొత్తగా వచ్చింది.. ఈసారి అన్నింటిని మార్చేశారు! డిజైర్‌కు టెన్షన్ మొదలైంది!

దక్షిణ కొరియాకు చెందిన హ్యూందాయ్ వెర్నా (Hyundai Verna) భారత మార్కెట్లో ప్రముఖ మిడ్-సైజ్ సెడాన్‌లలో ఒకటిగా గుర్తింపు పొందింది. స్టైలిష్ డిజైన్, ఆధునిక టెక్నాలజీ, సౌకర్యవంతమైన క్యాబిన్‌తో ఈ కారు చాలా కాలంగా వినియోగదారులను ఆకట్టుకుంటోంది. ఇప్పుడు కంపెనీ ఈ సెడాన్‌ను 2026 అప్‌డేట్‌తో మరింత ఆకర్షణీయంగా తీసుకొచ్చింది. కొత్త వెర్నా ప్రారంభ ఎక్స్-షోరూమ్ ధర రూ.10.98 లక్షల నుంచి రూ. 18.25 లక్షల (ఎక్స్-షోరూమ్) వరకు ఉంటాయి. ఈ తాజా వెర్షన్‌లో బాహ్య రూపం, అంతర్గత డిజైన్, ఫీచర్ల పరంగా అనేక మార్పులు చేసి, కారును మరింత ప్రీమియంగా మార్చారు.

బాహ్య డిజైన్ విషయానికి వస్తే, కొత్త వెర్నా ఇప్పుడు మరింత ఆధునిక, స్పోర్టీ లుక్‌ను పొందింది. ముందు భాగంలో బ్లాక్ క్రోమ్ రేడియేటర్ గ్రిల్ కారుకు మరింత స్టైలిష్ రూపాన్ని ఇస్తుంది. దీనితో పాటు డ్యూయల్ LED ప్రొజెక్టర్ హెడ్‌ల్యాంప్‌లు రాత్రి సమయంలో మెరుగైన విజిబిలిటీని అందిస్తాయి. తిరిగి డిజైన్ చేసిన బంపర్లు, 16 అంగుళాల డైమండ్-కట్ అల్లాయ్ వీల్స్ ఈ సెడాన్‌కు ప్రీమియం ఫీలింగ్‌ను కలిగిస్తాయి.

కారు లోపలికి వెళ్లినప్పుడు కూడా అనేక ముఖ్యమైన అప్‌గ్రేడ్‌లు కనిపిస్తాయి. కొత్త హ్యుందాయ్ లోగోతో కూడిన స్టీరింగ్ వీల్ కారుకు తాజా లుక్‌ను ఇస్తుంది. లెథరెట్ సీట్ అప్హోల్స్టరీ క్యాబిన్‌ను మరింత లగ్జరీగా మార్చుతుంది. డ్రైవర్ సౌకర్యాన్ని పెంచేందుకు ఎనిమిది వే పవర్-అడ్జస్టబుల్ డ్రైవర్ సీటును అందించారు. అదే విధంగా కో-డ్రైవర్ సీటును కూడా నాలుగు మార్గాల్లో ఎలక్ట్రికల్‌గా సర్దుబాటు చేసుకునే అవకాశం ఉంది.

ఇందులో D-కట్ స్టీరింగ్ వీల్ అందించారు, ఇది డ్రైవింగ్ సమయంలో స్పోర్టీ ఫీలింగ్‌ను ఇస్తుంది. అంతేకాకుండా, ఈ కారులో కొన్ని సెగ్మెంట్-ఫస్ట్ ఫీచర్లు కూడా అందించారు. డ్రైవర్ సీటుకు మెమరీ ఫంక్షన్, స్వాగత ఫీచర్ ఉండటం వల్ల డ్రైవర్ కారులోకి వచ్చినప్పుడు సీటు ఆటోమేటిక్‌గా సర్దుబాటు అవుతుంది. కో-డ్రైవర్ సీటుకు ఎలక్ట్రిక్ వాక్-ఇన్ ఫంక్షన్ ఉండటం వల్ల వెనుక సీట్లకు వెళ్లడం మరింత సులభమవుతుంది.

అలాగే వెనుక ప్రయాణికుల కోసం రియర్ విండో సన్‌షేడ్‌ను కూడా అందించారు, ఇది వేడిని తగ్గించడంలో సహాయపడుతుంది. ఈ సెడాన్‌లో సెగ్మెంట్‌లోనే అతిపెద్దగా చెప్పబడే డ్యూయల్ 52.06 సెం.మీ (10.25 అంగుళాలు + 10.25 అంగుళాలు) ఇంటిగ్రేటెడ్ ఇన్ఫోటైన్‌మెంట్ స్క్రీన్, డిజిటల్ ఇన్‌స్ట్రుమెంట్ క్లస్టర్ ఉన్నాయి. ఈ పెద్ద డిస్‌ప్లేలు డ్రైవర్‌కు అవసరమైన సమాచారం స్పష్టంగా చూపించడమే కాకుండా కారు టెక్నాలజీ ఫీలింగ్‌ను కూడా పెంచుతాయి.

అలాగే ఎలక్ట్రిక్ సన్‌రూఫ్ ఉండటం వల్ల క్యాబిన్ మరింత విశాలంగా అనిపిస్తుంది. ఈ కారులో సెగ్మెంట్‌లో తొలిసారిగా అందించిన కొన్ని ప్రత్యేక సౌకర్యాలు కూడా ఉన్నాయి. అందులో సరోరౌండ్ వ్యూ మానిటర్ ముఖ్యమైనది. బ్లైండ్ స్పాట్ వ్యూ మానిటర్ కూడా అందించారు, స్మార్ట్‌ఫోన్ వైర్‌లెస్ ఛార్జర్, ముందు సీట్లకు వెంటిలేషన్ సౌకర్యం, స్మార్ట్ కీతో పుష్ బటన్ స్టార్ట్ వంటి ఫీచర్లు రోజువారీ వినియోగాన్ని మరింత సౌకర్యవంతంగా మారుస్తాయి.

అలాగే వైర్‌లెస్ Android Auto, Apple CarPlay సపోర్ట్ ఉంది, Bose ప్రీమియం 8 స్పీకర్ సౌండ్ సిస్టమ్ ఉంది. పనితీరు విషయానికి వస్తే, కొత్త వెర్నా శక్తివంతమైన, రెండు ఇంజిన్ ఎంపికలను అందిస్తోంది. ఇందులో 1.5 లీటర్ MPi పెట్రోల్ ఇంజిన్ ఉంది, ఇది 6-స్పీడ్ మాన్యువల్ ట్రాన్స్‌మిషన్ లేదా IVTతో లభిస్తుంది. 1.5 లీటర్ టర్బో GDi పెట్రోల్ ఇంజిన్ కూడా అందుబాటులో ఉంది.

ఈ ఇంజిన్ 6-స్పీడ్ మాన్యువల్ గేర్‌బాక్స్ లేదా 7-స్పీడ్ DCTతో అందించబడుతుంది. కొత్త మోడల్ భద్రత పరంగా కూడా బలమైన ఫీచర్లతో వస్తుంది. ఇందులో 6 ఎయిర్‌బ్యాగ్‌లు, హిల్ స్టార్ట్ అసిస్ట్ కంట్రోల్(HAC), ఎలక్ట్రానిక్ స్టెబిలిటీ కంట్రోల్(ESC), ABSతో EBD, ముందు డిస్క్ బ్రేక్‌లు, అన్ని సీట్లకు 3-పాయింట్ సీట్‌బెల్ట్‌లు, ISOFIX మౌంట్లు, బర్గ్లర్ అలారం, రియర్ పార్కింగ్ సెన్సర్లు వంటి 35 స్టాండర్డ్ సేఫ్టీ ఫీచర్లు ఉన్నాయి.

అదనంగా TPMS, ముందు-వెనుక డిస్క్ బ్రేక్‌లు, EPB వంటి 75కి పైగా భద్రతా ఫీచర్లు అందించారు. రంగుల విషయానికి వస్తే, మొత్తం 6 మోనోటోన్, 1 డ్యూయల్ టోన్ కలర్ ఎంపికల్లో లభిస్తుంది. కొత్త క్లాసీ బ్లూ, టైటన్ గ్రే మ్యాట్ తో పాటు స్టారీ నైట్, టైటానియం బ్లాక్, టైటన్ గ్రే, అట్లాస్ వైట్, అట్లాస్ వైట్ విత్ బ్లాక్ రూఫ్ (డ్యూయల్ టోన్) రంగులు అందుబాటులో ఉన్నాయి.