వినాయక చవితి వేళ కార్ల కొనుగోలుదారులకు పండగ ఆఫర్లు! మారుతి, హ్యుందాయ్, టాటా కార్లపై రూ. 3 లక్షల వరకు భారీ డిస్కౌంట్

వినాయక చవితి పండగ వేళ కొత్త కారు కొనాలనుకునే వారికి ఇది మంచి అవకాశం. తెలుగు రాష్ట్రాల్లో (ఆంధ్రప్రదేశ్, తెలంగాణ) డీలర్లు సెప్టెంబర్ 30 వరకు జీరో డౌన్ పేమెంట్ ఈఎంఐలు, పాత కార్ల స్క్రాపేజ్ బోనస్‌లతో భారీ డిస్కౌంట్లు ఆఫర్ చేస్తున్నారు. మారుతి నెక్సా ఎస్‌యూవీలు, హ్యుందాయ్ పాపులర్ మోడళ్లు, టాటా నెక్సాన్-ఆల్ట్రోజ్‌లపై ఊహించని రేంజ్‌లో డీల్స్ నడుస్తున్నాయి. అయితే స్టాక్ అందుబాటులో ఉన్నప్పటికీ.. ఈ ఆఫర్లు వేరియంట్లను బట్టి మారుతుంటాయి. వీకెండ్ బుకింగ్స్ పరిమితంగానే ఉన్నాయి కాబట్టి, కారు కొనే ప్లాన్ ఉంటే మాత్రం త్వరపడటం మంచిది.

ఈ సెప్టెంబర్‌లో మారుతి నెక్సా తమ గ్రాండ్ విటారా స్ట్రాంగ్-హైబ్రిడ్‌పై అత్యధికంగా దాదాపు ₹3.10 లక్షల వరకు ప్రయోజనాలు అందిస్తోంది. హ్యుందాయ్ కూడా తమ కార్లపై సెప్టెంబర్ 30 వరకు "రూ. 1 లక్ష వరకు బెనిఫిట్స్" ఇస్తుండగా.. టాటా నెక్సాన్‌పై రూ. 75,000 వరకు ఆఫర్లు ఇచ్చేందుకు డీలర్లు సిద్ధమయ్యారు. టాటా కర్వ్‌లోని కొన్ని సెలెక్టెడ్ ప్యాక్‌లపై ఈ ఆఫర్ మరికాస్త ఎక్కువగా ఉంది. అయితే బుకింగ్ పేపర్లపై సంతకం చేసేముందు వేరియంట్ వారీగా ఎంత డిస్కౌంట్ వస్తుందో స్పష్టమైన బ్రేక్-అప్ వివరాలు అడిగి తెలుసుకోండి.

వినాయక చవితి కార్ ఆఫర్లు: ఏపీ, తెలంగాణ ప్రధాన నగరాల్లో రేట్లు ఇలా ఉన్నాయి

హైదరాబాద్‌లో గ్రాండ్ విటారా ఆన్-రోడ్ ధర మోడల్, హైబ్రిడ్ టెక్నాలజీని బట్టి రూ.13.25 లక్షల నుంచి రూ.24.14 లక్షల వరకు ఉంది. విజయవాడలో హ్యుందాయ్ i20 కొనాలనుకునే వారు రూ.6.30 లక్షల లోన్‌పై నెలకు దాదాపు రూ.10,136 ఈఎంఐ లెక్క వేసుకోవచ్చు. విశాఖపట్నంలో హ్యుందాయ్ క్రెటా E మోడల్ ఆన్-రోడ్ ధర సుమారు రూ.13.09 లక్షల నుంచి ప్రారంభమవుతోంది. సాధారణంగా 2026 మోడళ్లతో పోలిస్తే 2025 మోడల్ ఇయర్ స్టాక్‌పై ఎక్కువ డిస్కౌంట్లు లభిస్తాయి. అయితే కారు కొనేముందు VIN (విహికల్ ఐడెంటిఫికేషన్ నంబర్), ఓడోమీటర్ రీడింగ్‌ను జాగ్రత్తగా చెక్ చేసుకోవడం ముఖ్యం.

మారుతి నెక్సా డిస్కౌంట్లు: బుకింగ్ చేసే ముందు ఇవి తప్పకుండా అడగండి

నెక్సా షోరూమ్‌లలో గ్రాండ్ విటారా స్ట్రాంగ్-హైబ్రిడ్ కార్లకు విపరీతమైన డిమాండ్ నడుస్తోంది. దీనితో పాటు నాన్-హైబ్రిడ్ మోడళ్లు, బలెనో, ఫ్రాంక్స్ కార్లపై క్యాష్ డిస్కౌంట్, ఎక్స్ఛేంజ్ బోనస్, కార్పొరేట్ ఆఫర్లు లభిస్తున్నాయి. నెక్సా కార్ల ఆన్‌లైన్ బుకింగ్స్ సాధారణంగా రూ. 11,000 నుంచి ప్రారంభమవుతాయి. అయితే నెల చివర్లో బుకింగ్ చేస్తుంటే నచ్చిన రంగు, కారు అలోకేషన్ దొరకడం కాస్త కష్టమవ్వచ్చు. అందుకే క్యాష్, ఎక్స్ఛేంజ్, కార్పొరేట్, లాయల్టీ ఆఫర్లకు సంబంధించి వివరాలతో కూడిన షీట్ తీసుకోండి. అలాగే కారు ఎప్పుడు డెలివరీ ఇస్తారో లిఖితపూర్వకంగా రాసివ్వాలని డీలర్‌ను కోరండి.

హ్యుందాయ్ సెప్టెంబర్ ఆఫర్లు: జీరో డౌన్ పేమెంట్ ఈఎంఐ విషయంలో ఇవి గమనించండి

హ్యుందాయ్ సంస్థ క్రెటా, i20, ఎక్స్‌టర్, ఆరా, గ్రాండ్ i10 నియోస్ మోడళ్లపై సెప్టెంబర్ 30 వరకు రకరకాల ఆఫర్లను అందిస్తోంది. కారు మోడల్, డీలర్‌ను బట్టి బుకింగ్ టోకెన్ అమౌంట్ రూ. 5,000 నుంచి రూ. 25,000 వరకు ఉంటుంది. బ్యాంకులు లేదా NBFCలతో ఉన్న టై-అప్స్‌ ద్వారా జీరో-డౌన్ పేమెంట్ లోన్లు లభిస్తున్నప్పటికీ.. ప్రాసెసింగ్ ఫీజు, RTO చార్జీలు, యాక్సెసరీస్, ఇన్సూరెన్స్ వంటి అదనపు ఖర్చులు తోడవుతాయి. కాబట్టి ఈఎంఐలు ఫైనల్ చేసే ముందు, డీలర్ ఆఫర్ చేసే ఇన్సూరెన్స్‌ను ఆన్‌లైన్ కోట్లతో పోల్చి చూసుకోవడం మంచిది.

సెప్టెంబర్‌లో టాటా కార్లపై డిస్కౌంట్లు: నెక్సాన్, ఆల్ట్రోజ్ ఆఫర్లు.. అసలు స్టాక్ పరిస్థితి ఏంటి?

టాటా నెక్సాన్ పెట్రోల్ వేరియంట్లపై రూ. 75,000 వరకు మొత్తం ప్రయోజనాలు లభిస్తున్నాయి. ఇంధన రకాన్ని (ఫ్యూయల్ టైప్) బట్టి ఆల్ట్రోజ్ కారుపై రూ. 35,000 నుంచి రూ. 55,000 వరకు డిస్కౌంట్ ఉంటే, టాటా కర్వ్ ఎంపిక చేసిన ప్యాక్‌లపై ఏకంగా రూ. 1.25 లక్షల వరకు ఆఫర్లు ఉన్నాయి. తెలుగు రాష్ట్రాల్లోని టాటా డీలర్లు ఆల్ట్రోజ్ బుకింగ్ కోసం రూ. 21,000, పెద్ద ఎస్‌యూవీలకు అంతకంటే ఎక్కువ టోకెన్ అమౌంట్ చార్జ్ చేస్తున్నారు. షోరూమ్ వాళ్లు టెస్ట్ డ్రైవ్ లేదా డెమో కార్లను మీకు అంటగట్టకుండా ఉండాలంటే.. కారు డెలివరీకి ముందే యార్డ్‌లో PDI (ప్రీ-డెలివరీ ఇన్స్పెక్షన్) తప్పనిసరిగా చేయాలని పట్టుబట్టండి.

బడ్జెట్	బెస్ట్ ఆప్షన్లు	ఇప్పుడే ఎందుకు కొనాలంటే..
రూ. 8 లక్షల లోపు	హ్యుందాయ్ ఆరా, టాటా టియాగో	క్యాష్ డిస్కౌంట్ + ఎక్స్ఛేంజ్ ఆఫర్లు; సిటీ స్టాక్ అందుబాటులో ఉంది
రూ. 8–12 లక్షలు	మారుతి బలెనో/ఫ్రాంక్స్, హ్యుందాయ్ i20	డీలర్ అదనపు ఆఫర్లు, తక్కువ ఈఎంఐ ఫైనాన్స్
రూ. 12–18 లక్షలు	టాటా నెక్సాన్, హ్యుందాయ్ క్రెటా E, మారుతి గ్రాండ్ విటారా సిగ్మా	పండుగ స్పెషల్ బండిల్స్, MY2025 క్లియరెన్స్ ఆఫర్లు
రూ. 18–25 లక్షలు	గ్రాండ్ విటారా హైబ్రిడ్, హ్యుందాయ్ అల్కాజార్	పెద్దమొత్తంలో లాయల్టీ/స్క్రాపేజ్ బెనిఫిట్స్

టోకెన్ అమౌంట్ కంటే ఎక్కువ డబ్బు చెల్లించే ముందే.. విన్ (VIN) నంబర్, తయారీ సంవత్సరం (Model Year), ఆఫర్ చేస్తున్న డిస్కౌంట్లను పేపర్‌వర్క్‌తో సరిపోల్చుకోండి. దీనికోసం Team-BHP లేదా Autocar ప్రీ-డెలివరీ ఇన్స్పెక్షన్ (PDI) చెక్‌లిస్ట్‌లు బాగా ఉపయోగపడతాయి. తెలుగు రాష్ట్రాల కొనుగోలుదారులు మీ సిటీకి సంబంధించి ఆన్-రోడ్ ధరలు, డెలివరీ తేదీలను పేపర్‌పై లిఖితపూర్వకంగా తీసుకోండి. అదనపు చార్జీల గురించి పూర్తిగా తెలుసుకున్నాకే బ్యాంక్ మంజూరు చేసే జీరో-డౌన్ ఫైనాన్స్ ఆప్షన్ ఎంచుకోండి. సెప్టెంబర్ 30లోగా లేదా కోటా పూర్తికాక ముందే మీ బుకింగ్‌ను పూర్తి చేయడం శ్రేయస్కరం.