పండగ వేళ ఈవీ కార్లపై భారీ ఆఫర్లు! అక్టోబర్ 31 లోపు బుక్ చేస్తే రూ.2.75 లక్షల వరకు ఆదా, ధంతేరాస్ నాటికి డెలివరీ!

పండగ వేళ కొత్త ఎలక్ట్రిక్ కారు కొనాలనుకునేవారికి పర్ఫెక్ట్ టైమ్ వచ్చింది! అక్టోబర్ 28 నుంచి 31 వరకు ఈవీలపై అదిరిపోయే ఆఫర్లు అందుబాటులో ఉన్నాయి. ప్రీమియం ఎలక్ట్రిక్ ఎస్‌యూవీలపై ఏకంగా ₹2.75 లక్షల వరకు డిస్కౌంట్లు లభిస్తున్నాయి. ఈ వారంలో బుకింగ్ చేసుకుంటే, నవంబర్ 6న ధన్ తేరాస్ నాటికి మీ కొత్త కార్ చేతికి వస్తుంది. అయితే డీలర్ల దగ్గర టైమ్, ఫైనాన్స్ విండో చాలా తక్కువగా ఉంది. ఏపీ, తెలంగాణతో పాటు ముఖ్యాతి ముఖ్యమైన మెట్రో నగరాల్లో బెస్ట్ ఆఫర్లు ఎలా ఉన్నాయో ఒకసారి చూద్దాం.

టాటా మోటార్స్ తన 'హారియర్ ఈవీ'పై ఏకంగా ₹2.75 లక్షల వరకు అత్యధిక బెనిఫిట్స్ అందిస్తోంది. ఇందులో క్యాష్, ఎక్స్చేంజ్, లాయల్టీ ఆఫర్లు అన్నీ కలిపి ఉంటాయి. ఇక 'నెక్సాన్ ఈవీ'పై దాదాపు ₹45,000 వరకు ప్రయోజనాలు లభిస్తున్నాయి. మహీంద్రా 'XUV400 EL Pro' మోడల్‌పై స్ట్రెయిట్‌గా ₹1 లక్ష డిస్కౌంట్ ప్రకటించారు. MG ZS EV విషయానికి వస్తే డీలర్లను బట్టి ఆఫర్లు మారుతున్నాయి. BYD Atto 3 కొనేవారికి క్యాష్ డిస్కౌంట్స్ కన్నా ఇన్సూరెన్స్ లేదా ఎక్స్చేంజ్ సపోర్ట్ ఎక్కువ లభిస్తోంది.

ఈవీ ఫెస్టివ్ డీల్స్: ఆఫర్లు ఎలా పనిచేస్తాయి? నిజంగా ఎంత ఆదా అవుతుంది?

క్యాష్ డిస్కౌంట్లు మీ ఇన్వాయిస్ బిల్లును నేరుగా తగ్గించేస్తాయి. అయితే ఎక్స్చేంజ్ లేదా స్క్రాపేజ్ బెనిఫిట్లు అనేది మీ పాత కారు వాల్యుయేషన్ సరిగ్గా ఉన్నప్పుడే లాభ ఇస్తాయి. ఇక ఒకే బ్రాండ్ పాత కారు నుంచి కొత్తదానికి మారినప్పుడు లాయల్టీ ఆఫర్లు ఇస్తుంటారు. కంపెనీలను బట్టి కార్పొరేట్ స్కీమ్స్ మారుతుంటాయి. డీలర్లు ఇవన్నీ ఒకేసారి ఇవ్వరు కాబట్టి, ముందే క్లియర్‌గా బ్రేకప్ షీట్ అడిగి తీసుకోండి. కండిషన్స్ ఉన్న ఆఫర్ల కన్నా డైరెక్ట్ క్యాష్ డిస్కౌంట్‌కే ప్రాధాన్యత ఇవ్వడం మంచిది. అలాగే ఇతర బ్రాండ్ ఈవీల నుంచి మారే వారికి కూడా లాయల్టీ వర్తిస్తుందో లేదో డీలర్‌ను అడిగి తెలుసుకోండి.

వివిధ నగరాల్లో టాటా నెక్సాన్ ఈవీ ఆన్-రోడ్ ధర, ఈఎంఐ వివరాలు

టాటా నెక్సాన్ ఈవీ బేస్ వేరియంట్‌కి సంబంధించి వేర్వేరు నగరాల్లో ఈనాటి ఆన్-రోడ్ ధరలు, అంచనా ఈఎంఐ వివరాలు కింద పట్టికలో ఉన్నాయి. 60 నెలల కాలపరిమితికి 9.5 శాతం వడ్డీ రేటు ప్రకారం.. లోన్ తీసుకునే ప్రతి ₹1 లక్షకు నెలకు దాదాపు ₹2,100 ఈఎంఐ అవుతుంది. ఇక్కడ కారు ధరలో 90 శాతం ఫైనాన్స్ ప్రాతిపదికన ఈఎంఐ అంచనా వేశాం. అయితే పేమెంట్ చేసేముందు డీలర్ ఇన్సూరెన్స్ ఆప్షన్లు, మీ రాష్ట్రంలో ఉన్న ఈవీ రోడ్ టాక్స్ నిబంధనలను ఒకసారి క్రాస్ చెక్ చేసుకోండి.

నగరం	నెక్సాన్ ఈవీ ఆన్-రోడ్ ధర (₹ లక్షల్లో)	అంచనా ఈఎంఐ (90% ఫైనాన్స్‌పై)
హైదరాబాద్	13.25	నెలకు ₹25,000
విశాఖపట్నం	13.68	నెలకు ₹25,900
విజయవాడ	13.25	నెలకు ₹25,000
ఢిల్లీ	13.25	నెలకు ₹25,000
ముంబై	13.65	నెలకు ₹25,800
బెంగళూరు	13.25	నెలకు ₹25,000

అక్టోబర్ 31 లోపు బుకింగ్, ఫైనాన్స్ పూర్తి చేసుకోవడానికి చిట్కాలు

లోన్ వేగంగా మంజూరు కావాలంటే ఈరోజే డీలర్ నుంచి 'ప్రోఫార్మా ఇన్వాయిస్' తీసుకోండి. కార్ లోన్స్ ఇచ్చేందుకు ప్రభుత్వ బ్యాంకులకు రెండు పని దినాల సమయం పడుతుంది. అదే ప్రీ-అప్రూవల్ ఉన్న ప్రైవేట్ బ్యాంక్ కస్టమర్లకు నిమిషాల్లోనే డిజిటల్ అప్రూవల్స్ లభిస్తాయి. అందుకే మీ KYC డాక్యుమెంట్లను వెంటనే సమర్పించండి. అనవసరమైన యాడ్-ఆన్స్ లేకుండా ప్రయోజనకరమైన ఇన్సూరెన్స్‌నే ఎంచుకోండి. లోన్ అమౌంట్ విడుదలయ్యే ముందే కారు VIN నంబర్, తయారీ నెల వివరాలు అడిగి తెలుసుకోండి. బిల్లింగ్ (ఇన్వాయిస్) కంటే ముందే PDI (ప్రీ-డెలివరీ ఇన్స్‌పెక్షన్) ప్లాన్ చేసుకోండి.

అక్టోబర్ 31కి ముందు చేయకూడని చివరి నిమిషపు పొరపాట్లు

PDI పూర్తి చేసి, కారు VIN నంబర్ ద్వారా తయారీ నెలను కన్ఫర్మ్ చేసుకునే వరకు డీలర్‌కు పూర్తి పేమెంట్ చేయకండి. ఇన్సూరెన్స్ ఆప్షన్లతో ఉన్న డీలర్ ప్రైస్ బ్రేకప్ షీట్‌నే అడగండి. వారు బలవంతంగా ఇచ్చే అనవసర యాక్సెసరీలను తిరస్కరించవచ్చు. బ్యాంకర్లను కలిసేటప్పుడు ప్రోఫార్మా ఇన్వాయిస్‌ను తప్పకుండా తీసుకెళ్లండి. లోన్ వాలిడిటీ, హైపోథికేషన్, లోన్ మంజూరు షరతులన్నీ పేపర్‌పై లిఖితపూర్వకంగా ఉండేలా చూసుకోండి.

త్వరగా డెలివరీ అయ్యే మోడళ్లు, యార్డ్ స్టాక్.. ధంతేరాస్ డెలివరీ వివరాలు

షోరూమ్ యార్డ్‌లో కారు స్టాక్ (VIN) అందుబాటులో ఉంటే, పేమెంట్ చేసిన వారంలోనే డెలివరీ ఇవ్వడం సాధ్యమవుతుంది. కానీ మోడల్, నగరాన్ని బట్టి వెయిటింగ్ పీరియడ్ మారుతుంటుంది. ఉదాహరణకు, ముంబైలో MG ZS EV డెలివరీకి 10 నుంచి 42 రోజులు పడుతుంటే, హైదరాబాద్‌లో దాదాపు నాలుగు వారాల సమయం పడుతోంది. మీకు నవంబర్ 6 ధన్ తేరాస్ నాటికే కారు డెలివరీ కావాలనుకుంటే.. ఆల్రెడీ యార్డ్‌లో అందుబాటులో ఉన్న కలర్ వేరియంట్‌ను ఎంచుకోండి. అక్టోబర్ 30 నాటికే పీడీఐ పూర్తి చేసి, ఫైనాన్స్ ప్రాసెస్ క్లోజ్ చేసుకోండి.