దసరా వేళ కొత్త కారు కొంటున్నారా? డెలివరీ, స్టాక్, ఈఎంఐ వివరాల కోసం ఈ లైవ్ ట్రాకర్ చూడండి!

దసరా పండుగ వేళ కొత్త కార్ల బుకింగ్స్ ఊపందుకున్నాయి. ఈ రోజు, రేపు పండుగ కొనుగోళ్లు పీక్స్‌కు చేరనుండటంతో ఫాస్ట్ డెలివరీ వాగ్దానాల నడుమ కస్టమర్లలో కొంత అయోమయం నెలకొంది. ఈ క్రమంలో కార్ల బుకింగ్స్, షోరూమ్ స్టాక్, సేల్స్, డెలివరీ సమయాలకు సంబంధించిన నిజమైన సమాచారాన్ని ఈ లైవ్ ట్రాకర్ ద్వారా మీకు అందిస్తున్నాం. కేవలం షోరూమ్‌ల నుంచి అఫీషియల్‌గా నిర్ధారించిన వివరాలకే ప్రాధాన్యం ఇస్తున్నాం.. ఎలాంటి గాలి వార్తలు, ప్రచార ఆఫర్లను ఇక్కడ పరిగణనలోకి తీసుకోబోం.

అక్టోబర్ 19, 20 తేదీల్లో ఉదయం 8 గంటల నుంచి రాత్రి 11 గంటల (IST) వరకు ప్రతి సమాచారాన్ని ఇక్కడ అప్‌డేట్ చేస్తాం. ఇందుకోసం టాప్ డీలర్లతో గంటగంటకూ మాట్లాడుతున్నాం. షోరూమ్‌ల రద్దీని ప్రత్యక్షంగా పరిశీలిస్తూ ప్రతీ అప్‌డేట్‌ను టైమ్-స్టాంప్‌తో అందిస్తున్నాం. మెట్రో నగరాలతో పాటు టైర్-2, టైర్-3 నగరాల మార్కెట్ స్నాప్‌షాట్స్‌ను ఇందులో కవర్ చేస్తున్నాం. వీటితో పాటు ఈఎంఐ (EMI) ఆఫర్లు, లోన్ అప్రూవల్ సమయాలను కూడా ట్రాక్ చేస్తున్నాం. డీలర్ల నుంచి ఏదైనా కొత్త అప్‌డేట్ రాగానే వెంటనే పొందుపరుస్తాం.

దసరా లైవ్ బుకింగ్స్: మెట్రోలు వర్సెస్ టైర్-2, టైర్-3 నగరాలు

మెట్రో నగరాల్లో సాయంత్రం వేళల్లో రద్దీ ఎక్కువగా ఉంటుండగా, చిన్న నగరాల్లో మాత్రం ఉదయం పూటే బుకింగ్స్ వేగంగా జరుగుతున్నాయి. షోరూమ్‌లలో రద్దీ తట్టుకోవాలంటే ఉదయమే వెళ్లడం మంచిది. అవసరమైన డాక్యుమెంట్లు వెంట తీసుకెళ్లడంతో పాటు, మీకు నచ్చిన రెండు కార్ వేరియంట్లను ముందే సెలెక్ట్ చేసుకోండి. కేవలం ట్రాన్సిట్‌లో ఉన్న స్టాక్ వివరాలు మాత్రమే కాకుండా, షోరూమ్ యార్డ్‌లో నేరుగా అందుబాటులో ఉన్న స్టాక్ గురించే డీలర్లను అడగండి. టెస్ట్ డ్రైవ్ స్లాట్‌ను ముందే కన్ఫర్మ్ చేసుకోండి. హడావుడిగా చేసే టెస్ట్ డ్రైవ్‌లో కారు రైడింగ్, క్యాబిన్ నాయిస్, విజబిలిటీ లోపాలను సరిగ్గా గమనించలేరు.

ఎస్‌యూవీల హవా.. నగరాల వారీగా స్టాక్ పరిస్థితి ఏంటి?

లేటెస్ట్ ఫీచర్లు, లుక్స్ కారణంగా కాంపాక్ట్, మిడ్‌సైజ్ ఎస్‌యూవీల (SUV) కొనుగోలుకే ఎక్కువమంది మొగ్గు చూపుతున్నారు. అయితే వేర్వేరు నగరాల్లో విభిన్న రంగులు, పాపులర్ ఆటోమేటిక్ వేరియంట్ల స్టాక్ లభ్యతలో తేడాలున్నాయి. కారు త్వరగా డెలివరీ కావాలంటే రంగు లేదా వేరియంట్ విషయంలో కాస్త ఫ్లెక్సిబుల్‌గా ఉండటం మంచిది. డబ్బులు ట్రాన్స్‌ఫర్ చేయడానికి ముందే ప్రోఫార్మా అకౌంట్‌లో వెహికల్ ఐడెంటిఫికేషన్ నంబర్ (VIN) నమోదు చేయాలని డీలర్లను కోరండి.

త్వరిత డెలివరీ వాగ్దానాలు.. అసలైన టైమ్‌లైన్స్

రిజిస్ట్రేషన్, ఫైనాన్స్ క్లియరెన్స్ డేట్స్ కన్ఫర్మ్ అయ్యే వరకు డెలివరీ హామీలను తాత్కాలికమైనవిగానే భావించండి. డెలివరీ డేట్, VIN, రంగు, వేరియంట్ వివరాలను రాతపూర్వకంగా తీసుకోండి. క్యాన్సిలేషన్ నిబంధనలు ఉన్న బైయర్ ఆర్డర్ కాపీని అడగడం మర్చిపోవద్దు. ఒకవేళ అక్టోబర్ 20 లోపే డెలివరీ చేస్తామని డీలర్ వాగ్దానం చేస్తే.. ఆర్టీఏ రిజిస్ట్రేషన్ స్లాట్లు, నంబర్ ప్లేట్ రెడీగా ఉన్నాయో లేదో ఈ రోజే సరిచూసుకోండి.

ఈవీ, హైబ్రిడ్, సీఎన్జీ కార్ల డిమాండ్ ఎలా ఉందంటే..

స్థానిక ప్రభుత్వ నిబంధనలు, ఛార్జింగ్ వసతులను బట్టి ఎలక్ట్రిక్, హైబ్రిడ్, సీఎన్జీ కార్ల సేల్స్ మారుతున్నాయి. డిమాండ్ ఎక్కువగా ఉన్న ప్రాంతాల్లో టెస్ట్ డ్రైవ్‌ల కోసం వేచి చూడాల్సి రావచ్చు. ఛార్జింగ్ ఖర్చులు, ప్రభుత్వ రాయితీలు, రీసేల్ వ్యాల్యూ వంటి అంశాల ఆధారంగా కారు మొత్తం వ్యయాన్ని లెక్కించండి. మీ ప్రాంతంలో ఛార్జింగ్ వసతులు తక్కువగా ఉంటే, సిటీ డ్రైవింగ్‌కు బాగా ఉపయోగపడే స్ట్రాంగ్-హైబ్రిడ్ కార్లను పరిశీలించడం శ్రేయస్కరం.

కార్ ఫైనాన్స్ వాస్తవాలు: ఈఎంఐలు, లోన్ అప్రూవల్స్

ముందే లోన్ అప్రూవల్ (Pre-approved) ఉన్న కొనుగోలుదారులకు వేగంగా ప్రాసెసింగ్ పూర్తవుతుంది. మిగతా వారికి సాయంత్రం వేళల్లో బ్యాంకింగ్ ఆలస్యం కావచ్చు. లోన్ ప్రాసెసింగ్ కట్ ఆఫ్ టైమ్, డౌన్ పేమెంట్ ప్రూఫ్స్, e-NACH లేదా UPI లావాదేవీలు సిద్ధంగా ఉన్నాయో లేదో చూసుకోండి. కేవలం యాడ్స్‌లో కనిపించే తక్కువ వడ్డీ రేట్లను మాత్రమే కాకుండా, అదనపు ఛార్జీల తర్వాత పడే అసలైన ఈఎంఐ (EMI)ని పోల్చి చూడండి. డీలర్ టై-అప్స్ ద్వారా లోన్ ప్రాసెసింగ్ వేగవంతం కాగా, స్వతంత్ర బ్రోకర్ల ద్వారా డాక్యుమెంటేషన్‌లో కొన్ని మినహాయింపులు లభించే అవకాశం ఉంది.

ప్రతి నగరం నుంచి లైవ్ అప్‌డేట్స్ కోసం అక్టోబర్ 20 రాత్రి 11 గంటల (IST) వరకు ఈ పేజీని ఫాలో అవ్వండి. షోరూమ్‌కు త్వరగా వెళ్లడం, వేరియంట్ల ఎంపికలో ఫ్లెక్సిబిలిటీ పాటించడం, చెల్లింపులకు ముందే రాతపూర్వక హామీలు పొందడం వంటి జాగ్రత్తలు తీసుకోండి. యార్డ్‌లో ప్రత్యక్షంగా స్టాక్ ఉన్న కార్లకే మొదటి ప్రాధాన్యం ఇవ్వండి. రిజిస్ట్రేషన్, ఫైనాన్స్ క్లియరెన్స్‌లను ముందే సరిచూసుకోవడం వల్ల దసరా వేళ ఎలాంటి టెన్షన్ లేకుండా మీ కొత్త కారును ఇంటికి తీసుకెళ్లవచ్చు.