దీపావళికి కొత్త కారు కొంటున్నారా? టాటా ఈవీపై రూ. 2.75 లక్షల తగ్గింపు.. ఈరోజే డెలివరీ పొందండిలా!

నవంబర్ 9న దేశవ్యాప్తంగా ఉన్న కారు షోరూమ్‌లు దీపావళి కొనుగోలుదారులతో కిటకిటలాడుతున్నాయి. బెస్ట్ డిస్కౌంట్లు దక్కించుకోవడంతో పాటు త్వరగా డెలివరీ పొందాలని, క్లియర్ ఫైనాన్స్ ఆప్షన్లు ఎంచుకోవాలని కస్టమర్లు ఆసక్తి చూపుతున్నారు. నవంబర్ 10 వరకు సత్వర నిర్ణయం తీసుకునేలా.. వివిధ బ్రాండ్ల క్యాష్ డిస్కౌంట్లు, ఎక్స్ఛేంజ్, లాయల్టీ స్కీమ్‌లు, నగరాల్లో ఉన్న స్టాక్ వివరాలు, ఆన్-రోడ్ బడ్జెట్ అంచనాలను ఈ లైవ్ ట్రాకర్‌లో అందిస్తున్నాం. అయితే నగరాలు, డీలర్లను బట్టి ఆఫర్లు మారుతుంటాయి కాబట్టి ప్రైస్ లిస్ట్‌లో ప్రతీ ఐటమ్‌ను సరిచూసుకోవడం మంచిది.

ఈ పండుగ సీజన్‌లో కొన్ని మోడళ్లపై భారీ ప్రయోజనాలు అందుతున్నాయి. పాపులర్ హ్యాచ్‌బ్యాక్ కార్లపై కాంబో సేవింగ్స్ ఉండగా, ఎలక్ట్రిక్ ఎస్‌యూవీలు మరింత భారీ ఆఫర్లతో ఆకట్టుకుంటున్నాయి. టాటా ఈవీలోని కొన్ని ట్రిమ్‌లపై వేరియంట్, స్టాక్‌ను బట్టి గరిష్టంగా ₹2.75 లక్షల వరకు లబ్ధి పొందవచ్చు. అయితే డీలర్ ఇచ్చే కొటేషన్‌లో ఇన్సూరెన్స్, యాక్సెసరీస్, కార్పొరేట్ డిస్కౌంట్లను.. కంపెనీ ఇచ్చే ఫ్యాక్టరీ క్యాష్ ఆఫర్ నుంచి వేరుగా చూపించే ఐటమైజ్డ్ కొటేషన్‌నే డిమాండ్ చేయండి.

ఈరోజే ఇన్స్టంట్ డెలివరీ కావాలా?: సిటీ వైజ్ స్టాక్, కలర్ ఆప్షన్ల వివరాలు

ఒక్క రోజులోనే కారు డెలివరీ కావాలనుకుంటున్నారా? అయితే వైట్, సిల్వర్ వంటి పాపులర్ కలర్లలో డీలర్ యార్డుల్లో ఉన్న వెహికల్స్ గురించి విచారించండి. అలాగే టాప్ ట్రిమ్స్ విషయంలో కాస్త ఫ్లెక్సిబుల్‌గా ఉండటం మేలు. గత దీపావళి సీజన్లలో ఢిల్లీ-ఎన్‌సీఆర్‌లోని కొన్ని అవుట్‌లెట్లు సత్వర డెలివరీలు అందించగా, బెంగళూరులోని కొందరు డీలర్లు సేమ్-డే డెలివరీ ఆఫర్ చేస్తున్నారు. డీలర్ పాయింట్ వద్దే రిజిస్ట్రేషన్, డిజిలాకర్ (DigiLocker) ద్వారా ఇ-ఆర్‌సీ వెసులుబాటు ఉండటంతో త్వరితగతిన డెలివరీ పొందడం సులువవుతోంది.

బ్రాండ్ల వారీగా దీపావళి కార్ డీల్స్: క్యాష్, ఎక్స్ఛేంజ్, లాయల్టీ ఆఫర్లు

మారుతి సుజుకి వ్యాగన్ ఆర్ మోడల్‌పై ఫ్యూయల్ టైప్‌ను బట్టి క్యాష్, ఎక్స్ఛేంజ్, చిన్నపాటి కార్పొరేట్ బెనిఫిట్స్ లభిస్తున్నాయి. టాటా ఎలక్ట్రిక్ కార్లలోని ఎంపిక చేసిన వేరియంట్లపై భారీ పండుగ ఆఫర్లు ఉన్నాయి. మరోవైపు స్కోడా కోడియాక్, ఫోక్స్‌వాగన్ టిగువాన్ వంటి సేల్స్ కాస్త నెమ్మదిగా ఉండే ఎస్‌యూవీలపై డీలర్లను బట్టి భారీ క్యాష్ ఆఫర్లు అందుతున్నాయి. అయితే ఇచ్చే క్యాష్ బెనిఫిట్ తగ్గకుండా బండిల్డ్ ఇన్సూరెన్స్ లేదా అదనపు యాక్సెసరీస్ ధరలను సరిచూసుకోవడం ముఖ్యం.

తక్కువ ఈఎమ్‌ఐ, జీరో డౌన్‌పేమెంట్ ఆప్షన్లు: బ్యాంకులు ఇస్తున్న బెస్ట్ ఫైనాన్స్ డీల్స్

హెచ్‌డీఎఫ్‌సీ బ్యాంక్ ఏడాదికి 8.25 శాతం ప్రారంభ వడ్డీ రేటుతో కార్ లోన్స్ ఆఫర్ చేస్తోంది. అర్హులైన కస్టమర్లకు ఇన్‌స్టంట్ అప్రూవల్స్ కూడా లభిస్తున్నాయి. ఏడేళ్ల కాలపరిమితికి 8.25 శాతం వడ్డీతో తీసుకుంటే, ప్రతి రూ. 1 లక్షకు ఈఎమ్‌ఐ సుమారు ₹1,571గా ఉంటుంది. అదే వడ్డీ రేటు 9 నుంచి 10 శాతం ఉంటే ఈఎమ్‌ఐ ₹1,609 నుంచి ₹1,660 వరకు మారుతుంది. కొన్ని డీలర్ ప్రకటనలు ఏడేళ్ల వ్యవధితో 100 శాతం ఆన్-రోడ్ ఫండింగ్ ఇస్తున్నట్లు చెప్తున్నప్పటికీ, ప్రాసెసింగ్ ఇతర ఛార్జీలను జాగ్రత్తగా చదవండి.

వడ్డీ రేటు (ఏడాదికి)	వ్యవధి	రూ. 1 లక్షకు ఈఎమ్‌ఐ
8.25%	84 నెలలు	₹1,571
9.00%	84 నెలలు	₹1,609
9.50%	84 నెలలు	₹1,634
10.00%	84 నెలలు	₹1,660

ఈవీ/హైబ్రిడ్ స్పెషల్ ఆఫర్లు: ఫ్రీ ఛార్జర్ ఇన్‌స్టాలేషన్, స్టేట్ సబ్సిడీ ఆప్షన్లు

టాటా ఈవీ (Tata.ev) ఎంపిక చేసిన వేరియంట్లపై ఉచిత హోమ్-ఛార్జర్ ఇన్‌స్టాలేషన్‌ను అందిస్తోంది. ఇటీవలి ఆఫర్లలో పబ్లిక్-ఛార్జింగ్ ప్రయోజనాలను కూడా పొడిగించింది. జెడ్ఎస్ ఈవీ కొనుగోలుదారులకు ఎంజీ కంపెనీ 7.4 kW AC ఛార్జర్‌ను ఇన్‌స్టాలేషన్‌తో సహా ఫ్రీగా ఇస్తోంది. మహారాష్ట్ర ఈవీ పాలసీ కింద తొలి 10,000 ప్రైవేట్ కార్లకు సబ్సిడీని ₹1.5 లక్షలకు పరిమితం చేశారు, కాబట్టి బుక్ చేసుకునే ముందు అందుబాటులో ఉన్న కోటాను ఒకసారి చెక్ చేసుకోండి.

దీపావళి తర్వాత ఆఫర్ల పొడిగింపు.. ఎక్స్ఛేంజ్, స్క్రాపేజ్ ప్రయోజనాలు

చాలా కంపెనీల "దీపావళి బోనస్" ఆఫర్లు నవంబర్ 11 వరకు అమలులో ఉంటాయి. ఇక నెల మధ్య నాటికి మిగిలిపోయిన 2024 VIN మోడళ్ల స్టాక్ క్లియరెన్స్ కోసం డీలర్లు డిస్కౌంట్లను మరింత పెంచే అవకాశం ఉంది. పాత కారును ఎక్స్ఛేంజ్ చేయాలనుకుంటే పేపర్‌వర్క్ సులభతరం కావడం కోసం ఆథరైజ్డ్ స్క్రాపేజ్ సెంటర్లను పరిశీలించండి. వాహన్ (Vahan) పోర్టల్ ద్వారా ఆన్‌లైన్‌లో ప్రాసెస్ వేగంగా పూర్తయి సర్టిఫికేట్ త్వరగా అందుతుంది.

నవంబర్ 9 నుంచి 10 మధ్య త్వరగా డెలివరీ పొందాలంటే నగరం పరిధిలోని రకరకాల డీలర్లతో మాట్లాడండి. కలర్, వేరియంట్ విషయంలో కొంత సౌలభ్యంగా ఉంటూ, ప్రీ-అప్రూవ్డ్ ఫైనాన్స్ సిద్ధంగా ఉంచుకుంటే త్వరగా డీల్ క్లోజ్ చేయవచ్చు. ప్రతీ డిస్కౌంట్ వివరాలను లిఖితపూర్వకంగా ధృవీకరించుకోండి. అనవసరమైన యాడ్-ఆన్స్ తీసుకోకండి. స్టాక్, సబ్సిడీలు వేగంగా మారిపోతున్నాయి కాబట్టి సత్వరమే సరైన ఆధారాలతో నిర్ణయం తీసుకుంటే మీ బడ్జెట్ పరిధిలోనే అనుకున్న సమయానికి కారు సొంతమవుతుంది.