డాక్టర్లు, ఇంజనీర్లు ఎక్కువగా కొనేది ఇదే.. 1999 నుంచి హిట్ కారు, రూ.4.98 లక్షలు, 34 కి.మీ మైలేజ్

భారతీయ ఆటోమొబైల్ మార్కెట్లో ఎన్నో కార్లు వచ్చి వెళ్లినా, కొన్ని మోడళ్లు మాత్రం సంవత్సరాల తరబడి తమ స్థానాన్ని నిలబెట్టుకుంటాయి. అలాంటి విజయవంతమైన మోడళ్లలో ఒకటి మారుతి సుజుకి వ్యాగన్‌ఆర్ (Maruti Suzuki WagonR). ప్రముఖ కార్ల తయారీ సంస్థ మారుతి సుజుకి ఇండియా (Maruti Suzuki India) గత రెండున్నర దశాబ్దాలుగా ఈ కారును భారత మార్కెట్లో విజయవంతంగా విక్రయిస్తోంది. 1999లో ప్రారంభమైనప్పటి నుంచి ఇప్పటివరకు ఈ మోడల్‌కు ఉన్న డిమాండ్ ఏమాత్రం తగ్గలేదు. తక్కువ ధర, మంచి మైలేజ్, కుటుంబ అవసరాలకు సరిపోయే ప్రాక్టికల్ డిజైన్ వల్ల ఈ కారు ఇప్పటికీ వినియోగదారుల విశ్వాసాన్ని గెలుచుకుంటూనే ఉంది.

మధ్యతరగతి కుటుంబాలకు సరిపడే ధరలో అందుబాటులో ఉండటం, నిర్వహణ ఖర్చు తక్కువగా ఉండటం వంటి కారణాల వల్ల వ్యాగన్ఆర్ అనేక వర్గాల ప్రజలకు ఇష్టమైన కారుగా మారింది. ముఖ్యంగా మధ్యతరగతి ఉద్యోగులు, వైద్యులు, ఇంజనీర్లు వంటి పనుల్లో ఉన్నవారి నుంచి ఈ కారుకు మంచి ఆదరణ కనిపిస్తుంది. నగర ప్రయాణాలకు అనువైన డిజైన్, విశాలమైన క్యాబిన్, నమ్మకమైన పనితీరు వల్ల ఈ కారు చాలా మందికి మొదటి ఎంపికగా నిలుస్తోంది.

ఈ మోడల్ విజయాన్ని అమ్మకాల గణాంకాలు కూడా స్పష్టంగా తెలియజేస్తున్నాయి. 2025 ఆర్థిక సంవత్సరంలో భారతదేశంలో అత్యధికంగా అమ్ముడైన కారుగా కూడా వ్యాగన్ఆర్ నిలిచింది. ఇటీవల ఈ కారు మరో ముఖ్యమైన మైలురాయిని కూడా సాధించింది. భారతదేశంలో వ్యాగన్ఆర్ మొత్తం ఉత్పత్తి 35 లక్షల యూనిట్లను దాటింది. డిసెంబర్ 1999లో మార్కెట్లోకి వచ్చిన ఈ కారు కేవలం 25 సంవత్సరాల్లోనే ఈ ఘనతను సాధించడం విశేషం.

ఇదే సమయంలో ఆల్టో కె10, స్విఫ్ట్ తర్వాత 35 లక్షల యూనిట్ల ఉత్పత్తి మార్కును దాటిన మరో ప్రముఖ మోడల్‌గా కూడా వ్యాగన్ఆర్ నిలిచింది. ఇప్పటికీ భారత మార్కెట్లో హ్యాచ్‌బ్యాక్ సెగ్మెంట్‌లో పోటీ చాలా ఎక్కువగా ఉన్నప్పటికీ వ్యాగన్‌ఆర్ తన ప్రత్యేక స్థానాన్ని నిలబెట్టుకుంది. ప్రతి నెలా అత్యధికంగా అమ్ముడవుతున్న టాప్-10 హ్యాచ్‌బ్యాక్‌ల జాబితాలో ఈ కారు ఉండటం దీని స్థిరమైన డిమాండ్‌ను సూచిస్తోంది.

ప్రస్తుతం Maruti Suzuki India తమ ప్రముఖ హ్యాచ్‌బ్యాక్ Maruti Suzuki WagonR ను భారత మార్కెట్లో సరసమైన ధరల్లో అందిస్తోంది. ఈ కారు బేస్ వేరియంట్ ధర రూ.4.98 లక్షల నుంచి ప్రారంభమవుతుండగా, టాప్ వేరియంట్ ధర రూ.6.38 లక్షల వరకు ఉంది (ఎక్స్-షోరూమ్). వినియోగదారుల అవసరాలను దృష్టిలో పెట్టుకుని కంపెనీ దీన్ని నాలుగు వేరియంట్లలో అందిస్తోంది. అవి LXi, VXi, ZXi మరియు ZXi+.

ఇంజిన్ ఎంపికల విషయానికి వస్తే, వ్యాగన్ఆర్ రెండు పెట్రోల్ ఇంజిన్ ఆప్షన్లతో లభిస్తుంది. ఇందులో 1.0-లీటర్, 1.2-లీటర్ పెట్రోల్ ఇంజిన్‌లు ఉన్నాయి. 1.0-లీటర్ ఇంజిన్ 67 PS పవర్, 89 Nm టార్క్‌ను ఉత్పత్తి చేస్తుంది. మరోవైపు 1.2-లీటర్ ఇంజిన్ 90 PS పవర్, 113 Nm టార్క్‌ను అందిస్తుంది. ఈ రెండు ఇంజిన్‌లు కూడా 5-స్పీడ్ మాన్యువల్ గేర్‌బాక్స్‌తో వస్తాయి. అదనంగా, CNG ఎంపిక కూడా అందుబాటులో ఉంది.

ఈ CNG వేరియంట్ 57 PS పవర్, 82 Nm టార్క్‌ను ఉత్పత్తి చేస్తూ మాన్యువల్ గేర్‌బాక్స్‌తో మాత్రమే లభిస్తుంది. మైలేజ్ విషయంలో 1.0-లీటర్ AMT వేరియంట్‌లో లీటరుకు 25.19 కిలోమీటర్లు, 1.2-లీటర్ మాన్యువల్‌లో 23.56 కిలోమీటర్లు, 1.2-లీటర్ AMTలో 24.43 కిలోమీటర్లు, 1.0-లీటర్ మాన్యువల్‌లో 24.35 కిలోమీటర్లు మైలేజీ అందిస్తుంది. ఇక CNG వేరియంట్ విషయానికి వస్తే, కిలోగ్రాముకు 33.47 కిలోమీటర్ల మైలేజీని అందిస్తుందని కంపెనీ పేర్కొంది.

ఫీచర్ల పరంగా కూడా వ్యాగన్ఆర్ వినియోగదారులకు మంచి సౌకర్యాలను అందిస్తుంది. ఇందులో ఆండ్రాయిడ్ ఆటో, ఆపిల్ కార్‌ప్లే కనెక్టివిటీతో కూడిన టచ్‌స్క్రీన్ ఇన్ఫోటైన్‌మెంట్ సిస్టమ్, వింగ్ మిర్రర్లలో టర్న్ ఇండికేటర్లు, ఫ్రంట్ ప్యాసింజర్ సీట్ కింద స్టోరేజ్ ట్రే, ఫ్రంట్ ఫాగ్ ల్యాంప్స్, నాలుగు స్పీకర్లు, టాకోమీటర్, ఎలక్ట్రిక్‌గా ఫోల్డయ్యే వింగ్ మిర్రర్లు వంటి అనేక ఫీచర్లు ఉన్నాయి.