ఇది రాబందు లాంటి SUV.. డిమాండ్ రోజురోజుకూ పెరుగుతోంది! ప్రతిరోజూ 551 కార్లు అమ్ముడయ్యాయి

హ్యుందాయ్ క్రెటా (Hyundai Creta) భారతీయ ఆటో మార్కెట్లో తనకంటూ ప్రత్యేకమైన గుర్తింపును సంపాదించుకున్న ఒక ప్రసిద్ధ SUV. విడుదలైనప్పటి నుంచే ఈ కారు వినియోగదారుల విశ్వాసాన్ని గెలుచుకుంటూ వస్తోంది. కాలం గడిచేకొద్దీ క్రెటాపై డిమాండ్ తగ్గకుండా మరింత పెరుగుతుండటం గమనించవచ్చు. కుటుంబ వినియోగదారుల నుంచి యువత వరకు అందరికీ నచ్చే డిజైన్, ఆధునిక ఫీచర్లు, నమ్మకమైన పనితనం ఈ కారును ఎక్కువగా కొనుగోలు చేయడానికి ప్రధాన కారణాలుగా నిలుస్తున్నాయి. మంచి ఇంధన సామర్థ్యం కూడా హ్యుందాయ్ క్రెటాను ప్రత్యేకంగా నిలబెడుతోంది. రోజువారీ వినియోగంలో ఖర్చు తక్కువగా ఉండటం వల్ల దీర్ఘ ప్రయాణాలకు కూడా ఈ SUV అనుకూలంగా మారింది.

అదే సమయంలో, దీర్ఘకాలం పాటు నమ్మకంగా పనిచేసే ఇంజిన్, బలమైన నిర్మాణం ఈ కారుకు దీర్ఘ జీవితకాలాన్ని అందిస్తున్నాయి. అందుకే ఒకసారి క్రెటాను కొనుగోలు చేసిన వినియోగదారులు సంవత్సరాల తరబడి నిర్భయంగా ఉపయోగించగలుగుతున్నారు. 2025 సంవత్సరంలో హ్యుందాయ్ క్రెటా సాధించిన అమ్మకాల గణాంకాలు ఈ కారుపై ఉన్న ప్రజాదరణను స్పష్టంగా చూపిస్తున్నాయి. ఆ ఏడాదిలో మొత్తం 2,01,122 యూనిట్లు వినియోగదారులకు డెలివరీ చేయబడటం ఒక గొప్ప విజయంగా చెప్పుకోవచ్చు.

ఈ సంఖ్యను గమనిస్తే, ప్రతిరోజూ సగటున దాదాపు 551 కార్లు అమ్ముడైనట్లుగా లెక్కకు వస్తుంది. అంటే రోజూ వందల సంఖ్యలో కుటుంబాలు తమ గ్యారేజ్‌లో క్రెటాను స్థానం కల్పించుకున్నాయి. ఈ స్థాయి అమ్మకాలు సాధించడం వెనుక హ్యుందాయ్ కంపెనీ అందించే నాణ్యత, అలాగే కస్టమర్ సపోర్ట్ కీలక పాత్ర పోషిస్తున్నాయి. స్టైలిష్ లుక్, సౌకర్యవంతమైన ఇంటీరియర్, భద్రతా ఫీచర్లు, సమతుల్యమైన పనితనం కలగలిసి క్రెటాను ఒక సంపూర్ణ SUVగా మార్చాయి.

హ్యుందాయ్ క్రెటా పోటీ ధరలో వినియోగదారులకు అందుబాటులో ఉండడం. ఈ SUV ధరలు రూ. 10.79 లక్షల నుంచి రూ. 20.20 లక్షల వరకు(ఎక్స్-షోరూమ్) ఉండటం వల్ల కొనుగోలుదారులను ఆకర్షించగలుగుతోంది. ఈ ధరలో ఇంత విస్తృతమైన ఫీచర్లు, బలమైన పనితనం కలిగిన SUV లభించడం క్రెటాకు పెద్ద ప్లస్ పాయింట్‌. వినియోగదారుల అవసరాలను దృష్టిలో ఉంచుకుని కంపెనీ దీనిని E, EX, S, SX టెక్ వేరియంట్లలో అందుబాటులో ఉంచింది.

హ్యుందాయ్ క్రెటా ఇప్పుడు ఎలక్ట్రిక్ అవతారంలో కూడా వినియోగదారులకు అందుబాటులోకి రావడం విశేషం. పెట్రోల్, డీజిల్ మోడళ్లతో ఇప్పటికే మార్కెట్లో బలమైన స్థానం సంపాదించుకున్న క్రెటా, ఎలక్ట్రిక్ రూపంలోకి రావడం ద్వారా భవిష్యత్ మొబిలిటీ వైపు మరో అడుగు ముందుకు వేసింది. పర్యావరణహిత వాహనాన్ని కోరుకునే వినియోగదారులకు ఇది ఒక ఆకర్షణీయమైన ఎంపికగా మారుతోంది. క్రెటా ఎలక్ట్రిక్ ధరలు రూ.18.02 లక్షల నుంచి రూ.23.96 లక్షల వరకు(ఎక్స్-షోరూమ్) ఉండటం గమనార్హం.

ఎలక్ట్రిక్ వెర్షన్ అయినప్పటికీ, క్రెటాకు ప్రత్యేకమైన బోల్డ్ లుక్‌ను కొనసాగిస్తూ, మరింత ప్రీమియం టచ్‌ను అందించేలా దీన్ని రూపొందించారు. బ్యాటరీ, రేంజ్ విషయానికి వస్తే, క్రెటా ఎలక్ట్రిక్ రెండు బ్యాటరీ ప్యాక్ ఆప్షన్‌లతో లభిస్తోంది. ఇందులో 42 kWh, 51.4 kWh బ్యాటరీ ప్యాక్‌లు అందుబాటులో ఉండగా, పూర్తి ఛార్జ్‌పై సుమారు 390 నుంచి 473 కిలోమీటర్ల వరకు ప్రయాణించే సామర్థ్యాన్ని ఇది కలిగి ఉంది.

ఒకసారి పూర్తిగా ఛార్జ్ చేస్తే, రోజువారీ వినియోగం మాత్రమే కాకుండా, దూర ప్రయాణాలకు ఈ ఎలక్ట్రిక్ SUV అనుకూలంగా మారుతోంది. ఫీచర్ల పరంగా చూస్తే, క్రెటా ఎలక్ట్రిక్ లోపలికి అడుగుపెట్టగానే ఆధునికత స్పష్టంగా కనిపిస్తుంది. ఇందులో 10.25 అంగుళాల డ్యూయల్ స్క్రీన్ సెటప్ ఉండటంతో డ్రైవర్‌కు కావాల్సిన అన్ని సమాచారం ఒకే చూపులో లభిస్తుంది. ఇది సన్‌రూఫ్, డ్యూయల్-జోన్ ఆటోమేటిక్ AC వంటి ఫీచర్లు ప్రయాణాన్ని మరింత సౌకర్యవంతంగా మారుస్తాయి.