దేశంలో అతి తక్కువలో దొరుకుతున్న SUV.. పైగా 27.1 కి.మీ మైలేజ్, ఫీచర్లకు ఢోకా లేదు.. కానీ..

భారత ఆటోమొబైల్ మార్కెట్‌లో గత కొన్ని సంవత్సరాలుగా SUV కార్లకు భారీ డిమాండ్ పెరుగుతోంది. ఒకప్పుడు ఎక్కువ మంది వినియోగదారులు హ్యాచ్‌బ్యాక్‌లు, సెడాన్‌ల వైపు మొగ్గు చూపేవారు. కానీ ఇప్పుడు పరిస్థితి పూర్తిగా మారిపోయింది. ఎక్కువ గ్రౌండ్ క్లియరెన్స్, బలమైన డిజైన్, విశాలమైన కేబిన్ వంటి కారణాల వల్ల చాలా మంది కొనుగోలుదారులు SUVలను ఎంపిక చేసుకోవడానికి ఆసక్తి చూపుతున్నారు. ముఖ్యంగా యువతతో పాటు కుటుంబ వినియోగదారులు కూడా SUVల వైపు మొగ్గు చూపుతున్నారు. అయితే SUVలు సాధారణంగా ఇతర కార్లతో పోలిస్తే కొంచెం ఖరీదైనవిగా ఉంటాయి. అందువల్ల తక్కువ బడ్జెట్ ఉన్న చాలా మంది వినియోగదారులు SUV కొనాలని అనుకున్నప్పటికీ కొన్నిసార్లు ఆ ఆలోచనను వాయిదా వేస్తుంటారు.

అలాంటి వారికోసం మార్కెట్లో కొన్ని సరసమైన SUVలు కూడా అందుబాటులో ఉన్నాయి. అందులో ముఖ్యంగా చెప్పుకోవాల్సింది హ్యూందాయ్ ఎక్స్‌టర్ (Hyundai Exter). ఈ కారు భారత మార్కెట్లో అందుబాటులో ఉన్న అత్యంత సరసమైన SUVలలో ఒకటిగా గుర్తింపు పొందింది. తక్కువ ధర, ఆకర్షణీయమైన డిజైన్, మంచి ఫీచర్ల కారణంగా ఈ కారు విడుదలైనప్పటి నుంచి వినియోగదారుల దృష్టిని ఆకర్షించింది.

అయితే ఇటీవల ఈ కారుకు సంబంధించిన అమ్మకాల గణాంకాలు చూస్తే కాస్త తగ్గుముఖం పట్టినట్టు కనిపిస్తోంది. ముఖ్యంగా 2026 ఫిబ్రవరి నెలలో ఈ కారుకు వచ్చిన డిమాండ్ గత ఏడాది అదే నెలతో పోలిస్తే తగ్గింది. గణాంకాల ప్రకారం 2026 ఫిబ్రవరిలో మొత్తం 4,200 Hyundai Exter కార్లు మాత్రమే విక్రయించబడ్డాయి. కానీ 2025 ఫిబ్రవరిలో మాత్రం 5,361 యూనిట్లు అమ్ముడయ్యాయి.

అంటే ఈ ఏడాది అదే కాలంలో దాదాపు 1,161 కార్లు తక్కువగా అమ్ముడయ్యాయి. ఈ తేడా శాతంగా చూస్తే సుమారు 22 శాతం వరకు అమ్మకాలు పడిపోయినట్లు తెలుస్తోంది. సాధారణంగా కొత్తగా వచ్చిన మోడళ్లకు మొదటి కొన్ని నెలల్లో భారీ డిమాండ్ ఉంటుంది. కానీ మార్కెట్లో పోటీ పెరుగుతున్న కొద్దీ అమ్మకాల్లో కొంత మార్పు రావడం సహజం. ప్రస్తుతం చిన్న SUV సెగ్మెంట్‌లో పోటీ కూడా రోజురోజుకూ పెరుగుతోంది.

ఇతర కంపెనీలు కూడా కొత్త మోడళ్లను తీసుకురావడం వల్ల వినియోగదారులకు ఎన్నో ఎంపికలు అందుబాటులోకి వచ్చాయి. దీంతో కొన్ని మోడళ్ల అమ్మకాలు తాత్కాలికంగా తగ్గడం సహజం. అయినప్పటికీ హ్యూందాయ్ ఎక్స్‌టర్ ఇప్పటికీ తక్కువ ధరలో SUV అనుభవాన్ని అందించే కారుగా మార్కెట్లో తన ప్రత్యేక గుర్తింపును కొనసాగిస్తోంది. సరసమైన ధరలో SUV కొనాలనుకునే వారికి ఇది ఇప్పటికీ ఒక మంచి ఎంపికగా భావించవచ్చు.

ప్రస్తుతం ఈ కారులోని బేస్ వేరియంట్ ధర కేవలం రూ.5.74 లక్షల నుంచి ప్రారంభమవుతోంది.ఇంజిన్ విషయానికి వస్తే, 1.2-లీటర్ కప్పా నాలుగు సిలిండర్ల పెట్రోల్ ఇంజిన్ అందించారు. ఈ ఇంజిన్ గరిష్టంగా 83 bhp శక్తిని, 114 Nm టార్క్‌ను ఉత్పత్తి చేయగలదు. ట్రాన్స్‌మిషన్ పరంగా వినియోగదారులకు రెండు ఎంపికలు ఉన్నాయి. ఒకటి 5-స్పీడ్ మాన్యువల్ గేర్‌బాక్స్ కాగా, మరొకటి AMT ఆటోమేటిక్ గేర్‌బాక్స్.

ఈ మైక్రో SUVలో CNG బై-ఫ్యూయల్ ఆప్షన్ అందుబాటులో ఉంది. CNG వెర్షన్ 5-స్పీడ్ మాన్యువల్ ట్రాన్స్‌మిషన్‌తో వస్తుంది. ఇందులోని ఇంజిన్ 68 bhp పవర్, 95.2 Nm టార్క్‌ను ఉత్పత్తి చేయగలదు. మైలేజ్ విషయానికి వస్తే, CNGతో నడిచే ఎక్స్‌టర్ 27.1 km/kg వరకు అందించగలదు. ఇక పెట్రోల్ వేరియంట్ మాన్యువల్‌కు సుమారు 19.4 kmpl మైలేజ్, AMT వెర్షన్‌కు 19.2 kmpl సామర్థ్యం ఉందని కంపెనీ వెల్లడించింది.