పట్టణాలు పల్లెలు అన్న తేడా లేదు..ఎంత పెద్ద ఫ్యామిలీ అయినా ఫ్రీగా వెళ్లే కారు పై ఏకంగా 70,000 తగ్గింపు

భారతదేశపు నంబర్ వన్ యుటిలిటీ వాహనాల తయారీ సంస్థ మహీంద్రా అండ్ మహీంద్రా (Mahindra) తన కస్టమర్లకు అదిరిపోయే గుడ్ న్యూస్ అందించింది. దేశీయ మార్కెట్లో రఫ్ అండ్ టఫ్ వాడకానికి, గ్రామీణ, పట్టణ ప్రాంతాల్లో విపరీతమైన క్రేజ్ ఉన్న తన ఐకానిక్ 7-సీటర్ ఎస్‌యూవీ మహీంద్రా బొలేరో (Mahindra Bolero) శ్రేణిపై జూలై 2026 నెలకు గాను భారీ డిస్కౌంట్లను ప్రకటించింది. ఇటీవల కంపెనీ బొలేరో కార్ల ధరలను రూ.30,500 వరకు పెంచినప్పటికీ, కస్టమర్లపై భారం పడకుండా ఉండేందుకు వీలుగా సరికొత్త జూలై డిస్కౌంట్ ఆఫర్లను తీసుకువచ్చింది. ఇందులో భాగంగా ఎంపిక చేసిన వేరియంట్లపై ఏకంగా రూ.70,000 వరకు ప్రయోజనాలు కల్పించనున్నారు.

మహీంద్రా బొలేరో నియో ప్లస్ రేంజ్ కార్ల ప్రారంభ ఎక్స్-షోరూమ్ ధర కేవలం రూ.8.49 లక్షల నుంచి ప్రారంభమై టాప్-ఎండ్ వేరియంట్ రూ.13.49 లక్షల వరకు అందుబాటులో ఉంది. ఫ్యామిలీతో కలిసి ప్రయాణించడానికి బడ్జెట్ ధరలో అత్యుత్తమ సేఫ్టీ, పవర్‌ఫుల్ పర్ఫార్మెన్స్ ఇచ్చే 7-సీటర్ ఎస్‌యూవీని వెతుకుతున్న వారికి ఈ జూలై ఆఫర్లు చాలా బాగా ఉపయోగపడతాయి. అయితే ఈ డిస్కౌంట్లు మీ ప్రాంతం లేదా డీలర్ షిఫ్‎ను బట్టి కొద్దిగా మారే అవకాశం ఉంటుంది కాబట్టి, కొనుగోలు చేయడానికి ముందు స్థానిక షోరూమ్‌ను సంప్రదించడం మంచిది.

మహీంద్రా తన స్టాండర్డ్ బొలేరో క్లాసిక్ మోడల్లోని అన్ని వేరియంట్ల పై (B2, B4, B6, B6 (O), B8) ఒకే రకమైన ప్రయోజనాలను అందిస్తోంది. ఎవరైనా కస్టమర్ పాత కారును ఎక్స్ఛేంజ్ చేయాలనుకుంటే రూ.10,000 ఎక్స్ఛేంజ్ బోనస్ లభిస్తుంది. ఒకవేళ పాత స్క్రాప్ వాహనాన్ని రీప్లేస్ చేస్తే గరిష్టంగా రూ.20,000 వరకు స్క్రాపేజ్ బెనిఫిట్స్ అందుకోవచ్చు. దీనివల్ల కస్టమర్లకు మొత్తంగా రూ.20,000 వరకు ఆదా చేసుకునే అవకాశం లభిస్తుంది.

మహీంద్రా బొలేరో నియో మోడళ్లపై కంపెనీ మరింత ఎక్కువ డిస్కౌంట్లను ఇస్తోంది. బొలేరో నియో N8 వేరియంట్‌పై రూ.10,000 ఎక్స్ఛేంజ్ లేదా రూ.20,000 స్క్రాపేజ్ బెనిఫిట్‌తో పాటు అదనంగా రూ.10,000 విలువైన యాక్సెసరీస్ ప్రయోజనాలను అందిస్తోంది. దీనివల్ల ఈ వేరియంట్‌పై గరిష్టంగా రూ.30,000 వరకు తగ్గింపు లభిస్తుంది. ఇక బొలేరో నియో లోని మిగిలిన మోడల్స్ అయిన N4, N10, N11 వేరియంట్లపై ఎలాంటి యాక్సెసరీస్ బెనిఫిట్ లేనప్పటికీ, రూ.10,000 ఎక్స్ఛేంజ్ లేదా రూ.20,000 స్క్రాపేజ్ ఆఫర్ ద్వారా గరిష్టంగా రూ.20,000 వరకు తగ్గింపు పొందవచ్చు.

మరోవైపు మరింత విశాలంగా ఉండే బొలేరో నియో ప్లస్ సిరీస్ పై గరిష్ట ప్రయోజనాలు అందుబాటులో ఉన్నాయి. దీని పి4 వేరియంట్‌పై రూ.15,000 క్యాష్ డిస్కౌంట్, రూ.10,000 ఎక్స్ఛేంజ్ లేదా రూ.20,000 స్క్రాపేజ్ బెనిఫిట్, రూ.10,000 విలువైన యాక్సెసరీస్ ఆఫర్ కలిసి మొత్తంగా రూ.45,000 వరకు ప్రయోజనం లభిస్తుంది.

ఇక టాప్ మోడల్ పి10 వేరియంట్‌పై క్యాష్ డిస్కౌంట్ లేనప్పటికీ, రూ.10,000 ఎక్స్ఛేంజ్ లేదా రూ.20,000 స్క్రాపేజ్, రూ.10,000 యాక్సెసరీస్ ఆఫర్ ద్వారా రూ.30,000 వరకు లబ్ధి చేకూరుతుంది. ఇవన్నీ కాకుండా అత్యంత కీలకమైన పి4 ఆంబులెన్స్ మోడల్‌పై ఏకంగా రూ.50,000 క్యాష్ డిస్కౌంట్‌తో పాటు రూ.10,000 ఎక్స్ఛేంజ్ లేదా రూ.20,000 స్క్రాపేజ్ ఆఫర్‌తో కలిసి మొత్తంగా రూ.70,000 వరకు బంపర్ డిస్కౌంట్ లభిస్తోంది.

మహీంద్రా బొలేరో క్లాసిక్ లో అందిస్తున్న సరికొత్త బోల్డ్ ఎడిషన్ కస్టమర్లను ఎంతగానో ఆకట్టుకుంటోంది. దీని ముందు గ్రిల్, డోర్ హ్యాండిల్స్ మరియు హెడ్‌లైట్లపై అదిరిపోయే డార్క్ క్రోమ్ ఫినిషింగ్ ఇచ్చారు. ముందు భాగంలో బ్లాక్-అవుట్ ఫాగ్ లైట్, బోల్డ్ ఎడిషన్ బ్యాడ్జింగ్ ఈ కారుకు ప్రీమియం లుక్‌ను తీసుకువచ్చాయి. ఇంటీరియర్‌లో సరికొత్త బెేజ్ హైలైట్స్‌తో కూడిన బ్లాక్ సీట్ అప్‌హోల్స్టరీ, కొత్త డోర్ సిల్ ప్లేట్లు మరియు మ్యాట్లు ఉన్నాయి.

ఇక బొలేరో నియో మోడల్‌లో అధునాతన ఇంటీరియర్ కంఫర్ట్‌ను అందించారు. సెంటర్ కన్సోల్‌కు సిల్వర్ టచ్ ఇవ్వడంతో పాటు, రెండు వరుసల ప్రయాణికులకు ఆర్మ్‌రెస్ట్ సపోర్ట్ ఇచ్చారు. ఇందులో 7 ఇంచుల అధునాతన టచ్‌స్క్రీన్ ఇన్ఫోటైన్‌మెంట్ సిస్టమ్, రివర్స్ పార్కింగ్ కెమెరా, క్రూయిజ్ కంట్రోల్, మహీంద్రా బ్లూసెన్స్ కనెక్టివిటీ యాప్, స్టీరింగ్ మౌంటెడ్ ఆడియో కంట్రోల్స్ లాంటి ఎన్నో ఫీచర్లు ఉన్నాయి. డ్రైవర్ సీటు కింద ప్రత్యేకమైన అండర్-సీట్ స్టోరేజ్ ట్రే కూడా ఉంది. 4 మీటర్ల కంటే తక్కువ పొడవున్న ఈ కారులో వెనుక వైపు సైడ్-ఫేసింగ్ సీట్లు ఉండటం వల్ల ఇది పూర్తి స్థాయి 7-సీటర్‌గా ఉపయోగపడుతుంది.

పర్ఫార్మెన్స్ పరంగా మహీంద్రా ఈ ఎస్‌యూవీలో ఎలాంటి మార్పులు చేయలేదు. బొలేరో మోడల్స్ అత్యంత నమ్మకమైన 1.5-లీటర్ mHawk 100 డీజిల్ ఇంజన్‌తో రన్ అవుతాయి. ఇది గరిష్టంగా 100bhp పవర్, 260Nm లీనియర్ టార్క్‌ను ఉత్పత్తి చేయగలదు. ఈ ఇంజన్‌కు 5-స్పీడ్ మాన్యువల్ గేర్‌బాక్స్‌ను జత చేశారు. కొండ ప్రాంతాలు, గుంతల రోడ్లపై కూడా ఈ ఇంజన్ పవర్ ఏమాత్రం తగ్గకుండా దూసుకెళ్తుంది. ఇక సేఫ్టీ పరంగా ప్రయాణికుల సేఫ్టీ కోసం ఇందులో డ్యూయల్ ఫ్రంట్ ఎయిర్‌బ్యాగ్‌లు, రియర్ పార్కింగ్ సెన్సార్లు, క్రాష్ సెన్సార్లను మహీంద్రా ఏర్పాటు చేసింది.