9 మంది కూర్చోవచ్చు.. షోరూమ్‌లోకి అడుగుపెట్టగానే దీని మీదే చూపు.. గ్రామాలు, నగరాల్లో బెస్ట్

భారతీయ SUV మార్కెట్లో దశాబ్దాలుగా తనకంటూ ప్రత్యేక గుర్తింపును సంపాదించుకున్న మహీంద్రా స్పార్కియో క్లాసిక్ (Mahindra Scorpio Classic) ఇప్పటికీ బలంగా ఉంది. భారీ బాడీ, ఎత్తైన గ్రౌండ్ క్లియరెన్స్, దృఢమైన డిజైన్‌తో రోడ్డుపై కనిపించిన వెంటనే అందరి దృష్టిని ఆకర్షిస్తుంది. స్కార్పియో క్లాసిక్ అనేది కేవలం ఒక కారు కాదు, అది ఒక బలమైన వ్యక్తిత్వానికి ప్రతీకగా భావించబడుతుంది. ముందుభాగంలో ఉన్న బోల్డ్ గ్రిల్, స్టైలిష్ హెడ్‌ల్యాంప్స్, ఎత్తైన బోనెట్ డిజైన్ కలిసి పవర్‌ఫుల్ లుక్‌ను ఇస్తాయి. గ్రామీణ రహదారులైనా, నగర ట్రాఫిక్ అయినా ఎక్కడైనా ఈ SUV తన స్థాయిని చూపిస్తుంది. బలమైన బాడీ నిర్మాణం, విశాలమైన కేబిన్ స్పేస్ వల్ల కుటుంబ ప్రయాణాలకు ఇది ఎంతో అనుకూలంగా ఉంటుంది.

కొత్త SUV కొనాలని ఆలోచిస్తున్నవారికి స్కార్పియో క్లాసిక్ మంచి ఎంపిక. ముఖ్యంగా బడ్జెట్‌ను దృష్టిలో పెట్టుకుని, ఎక్కువ స్థలం, బలమైన పనితీరు కోరుకునే వారికి ఇది సరైన వాహనం. పోటీ ధరలో లభించడం దీని ప్రధాన ఆకర్షణ. ఎక్స్-షోరూమ్ ధర రూ. 12.98 లక్షలతో ప్రారంభమై, గరిష్టంగా రూ. 16.70 లక్షల వరకు ఉంటుంది. ఈ ధరల కారణంగా మధ్యతరగతి కుటుంబాల నుంచి వ్యాపారవేత్తల వరకు కొనుగోలు చేయగలరు.

స్కార్పియో క్లాసిక్ S, S11 అనే రెండు వేరియంట్లలో అందుబాటులో ఉంది. S వేరియంట్ బేసిక్ అవసరాలను సమర్థంగా నెరవేర్చగా, S11 వేరియంట్‌లో మరింత ప్రీమియం ఫీచర్లు, అదనపు సౌకర్యాలు అందిస్తారు. భద్రత, సౌకర్యం, పనితీరు అంశాల్లో సమతుల్యంగా ఉండేలా ఈ SUV రూపొందించబడింది. కుటుంబ అవసరాలు, రోజువారి వాడకం, దూర ప్రయాణాలు ఏ అవసరానికైనా ఇది నమ్మకమైన తోడుగా మారుతుంది.

స్పార్కియో క్లాసిక్ కొత్త వెర్షన్ కుటుంబ అవసరాలను దృష్టిలో పెట్టుకుని 7, 9 సీట్ల ఎంపికలతో అందుబాటులో ఉంది. పెద్ద కుటుంబాలు లేదా ట్రావెల్ అవసరాల కోసం ఎక్కువ సీటింగ్ సామర్థ్యం కావాలనుకునేవారికి ఇది ఎంతో అనుకూలం. విస్తారమైన కేబిన్ స్పేస్, ఎత్తైన సీటింగ్ పొజిషన్ వల్ల ప్రయాణికులు సౌకర్యవంతం, ఆత్మవిశ్వాసంతో ప్రయాణించగలుగుతారు. పనితీరు పరంగా ఈ SUV తన సత్తా చాటుతుంది.

ఇందులో 2.2-లీటర్, 4-సిలిండర్ టర్బోచార్జ్డ్ డీజిల్ ఇంజిన్ అమర్చారు. ఈ శక్తివంతమైన ఇంజిన్ 3,750 rpm వద్ద గరిష్టంగా 130 bhp పవర్‌ను, 2,800 rpm వద్ద 300 Nm పీక్ టార్క్‌ను ఉత్పత్తి చేస్తుంది. బలమైన టార్క్ అవుట్‌పుట్ కారణంగా ఎక్కిళ్లు, గ్రామీణ రహదారులు లేదా పూర్తి లోడ్ ఉన్నప్పుడు కూడా వాహనం సులభంగా ముందుకు సాగుతుంది. ఈ ఇంజిన్‌కు 6-స్పీడ్ మాన్యువల్ గేర్‌బాక్స్ జతచేయబడింది

ఇది సుమారు 14.44 kmpl వరకు మైలేజీ ఇవ్వగల సామర్థ్యం ఉండటంతో, దూర ప్రయాణాలు కూడా ఖర్చు తక్కువగా పూర్తిచేయవచ్చు. 60 లీటర్ల ఇంధన ట్యాంక్ సామర్థ్యం ఉండటం వల్ల ఒకసారి ఫుల్ ట్యాంక్ చేస్తే ఎక్కువ దూరం ప్రయాణించవచ్చు. పనితీరు పరంగా చూస్తే, ఈ SUV గరిష్టంగా గంటకు 165 kmph వేగాన్ని అందుకోగలదు. అలాగే వేగం పరంగా సుమారు 13 సెకన్లలో వేగాన్ని గణనీయంగా పెంచగలదు.

దీని లోపలి క్యాబిన్‌లో ప్రాక్టికల్ లేఅవుట్, బలమైన బిల్డ్ క్వాలిటీ, డ్రైవర్‌కు అవసరమైన ప్రతి అంశం సులభంగా అందుబాటులో ఉండేలా డాష్‌బోర్డ్ డిజైన్ చేయబడింది. ఈ SUVలో 9-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, బ్లూటూత్ కనెక్టివిటీ సపోర్ట్‌తో కాల్స్, మ్యూజిక్ వంటి ఫీచర్లు, ఆటోమేటిక్ క్లైమేట్ కంట్రోల్, ఎత్తు సర్దుబాటు చేయగల డ్రైవింగ్ సీటు, క్రూయిజ్ కంట్రోల్ వంటి ఫీచర్ హైవే డ్రైవింగ్‌ను మరింత సులభతరం చేస్తుంది.