సెకండ్ హ్యాండ్‌లో అమ్మిన ఎగబడి కొంటారు.. బైక్ లాగా మైలేజ్, రూ. 6.85 లక్షలు! పేద–మిడిల్ క్లాస్‌కు బెస్ట్

భారత ఆటోమొబైల్ మార్కెట్లో ప్రస్తుతం మారుతి సుజుకి ఫ్రాంక్స్ (Maruti Suzuki Fronx) తనకంటూ ఒక ప్రత్యేక స్థానాన్ని సంపాదించుకుంటూ దూసుకుపోతోంది. ప్రారంభం నుంచే ఆకర్షణీయమైన డిజైన్, ఆధునిక ఫీచర్లు, కంపెనీపై ఉన్న వినియోగదారుల నమ్మకం కలిసి ఈ SUVకు భారీ క్రేజ్ తీసుకువచ్చాయి. రోడ్డుపై ఈ కారు కనిపిస్తేనే ఒక ప్రీమియం ఫీల్ కలిగించగలిగేలా డిజైన్ చేయబడటం దీని ప్రధాన బలం. అందుకే, మధ్యతరగతి కుటుంబాల నుంచి యువత వరకు ప్రతి వర్గం కూడా ఈ మోడల్‌పై ప్రత్యేక ఆసక్తి చూపుతోంది. ఈ పెరుగుతున్న ఆదరణ కేవలం మాటల్లోనే కాదు, అమ్మకాల గణాంకాల్లో కూడా స్పష్టంగా కనిపిస్తోంది. మార్చి 2026లో ఫ్రాంక్స్ మరోసారి తన సేల్స్‌తో దృష్టిని ఆకర్షించింది.

ఆ నెలలో మొత్తం 15,540 యూనిట్లు కస్టమర్లకు డెలివరీ చేయబడటం, మార్కెట్లో దీనికి ఉన్న డిమాండ్‌ను తెలియజేస్తోంది. ఇదే సమయంలో, గత ఏడాది మార్చి నెలలో 13,669 యూనిట్లు మాత్రమే అమ్ముడయ్యాయి. ఈ రెండు సంఖ్యలను పోల్చితే, కేవలం ఒక సంవత్సరంలోనే 1,871 యూనిట్ల అదనపు అమ్మకాలు నమోదు కావడం గమనించదగ్గ విషయం. శాతంగా చూస్తే, ఇది దాదాపు 13.69% వృద్ధి.

ఇప్పటికే బలమైన స్థాయిలో ఉన్న మోడల్‌కు ఇంత స్థాయిలో వృద్ధి రావడం అంటే, ఈ SUVపై వినియోగదారుల విశ్వాసం మరింత పెరుగుతోందని అర్థం. మార్కెట్లో ఉన్న తీవ్ర పోటీ మధ్య కూడా ఫ్రాంక్స్ తన స్థిరమైన డిమాండ్‌ను కొనసాగించడం, దీనికి ఉన్న పాపులారిటీని మరింత బలపరుస్తోంది. అలాగే ఫిబ్రవరి 2026లో ఫ్రాంక్స్ 13,898 యూనిట్ల అమ్మకాలను నమోదు చేసింది. ఈ లెక్కన ఇది 11.81 శాతం నెలవారీగా వృద్ధిగా చెప్పొచ్చు.

మారుతి సుజుకి ఫ్రాంక్స్ ధరల పరంగా కూడా వినియోగదారులకు మంచి బ్యాలెన్స్‌ను అందిస్తోంది. బెంగళూరు ఎక్స్-షోరూమ్ ధరలు రూ. 6.85 లక్షల నుంచి రూ. 11.98 లక్షల వరకు ఉండటం వల్ల, ఇది మధ్యతరగతి కుటుంబాలకు అందుబాటులో ఉండే SUVగా మారింది. అదే సమయంలో, ప్రీమియం లుక్, స్టైలిష్ డిజైన్ కోరుకునే యువతకు కూడా ఇది ఆకర్షణీయమైన ఎంపికగా నిలుస్తోంది.

వేరియంట్ల విషయానికి వస్తే, సిగ్మా, డెల్టా, డెల్టా ప్లస్, జీటా, ఆల్ఫా అనే ఐదు వేరియంట్లలో ఈ SUV లభిస్తుంది. ప్రతి వేరియంట్‌లో ఫీచర్ల పరంగా తేడాలు ఉండటంతో, వినియోగదారులు తమ అవసరాలకు అనుగుణంగా ఎంపిక చేసుకునే అవకాశం ఉంటుంది. ఇంజిన్ ఆప్షన్ల విషయంలో 1.0 లీటర్ టర్బో పెట్రోల్ ఇంజిన్ స్పీడ్, పర్ఫార్మెన్స్ కోరుకునే వారికి బెస్ట్ ఎంపికగా నిలుస్తుంది.

ఇది 99 bhp పవర్, 148 Nm టార్క్‌ను ఉత్పత్తి చేస్తూ డ్రైవింగ్‌లో మంచి ఉత్సాహాన్ని ఇస్తుంది. 5-స్పీడ్ మాన్యువల్, 6-స్పీడ్ ఆటోమేటిక్ గేర్‌బాక్స్‌లతో లభించే ఈ ఇంజిన్, 20.1 నుంచి 21.5 kmpl వరకు మైలేజీని అందిస్తుంది. అంటే, పనితీరు, మైలేజ్ మధ్య మంచి సమతుల్యతను అందిస్తుంది. ఇక రోజువారీ వినియోగానికి సరిపోయే ఎంపికగా 1.2 లీటర్ నేచురల్లీ ఆస్పిరేటెడ్ పెట్రోల్ ఇంజిన్ ఉంది.

ఇది 89 bhp పవర్, 113 Nm టార్క్‌ను ఇస్తూ సిటీ డ్రైవింగ్‌కు అనువుగా ఉంటుంది. 5-స్పీడ్ మాన్యువల్, 5-స్పీడ్ ఆటోమేటిక్ ఎంపికలతో వచ్చే ఈ ఇంజిన్, 21.79 నుంచి 22.89 kmpl వరకు మంచి మైలేజీని అందిస్తుంది. తక్కువ ఖర్చుతో ఎక్కువ ప్రయాణం కోరుకునే వారికి ఇది సరైన ఎంపికగా చెప్పవచ్చు. పర్యావరణాన్ని దృష్టిలో ఉంచుకునే వారికి 1.2 లీటర్ CNG వేరియంట్ అందుబాటులో ఉంది.

ఇది 76 bhp పవర్, 99 Nm టార్క్‌ను ఉత్పత్తి చేస్తూ, 5-స్పీడ్ మాన్యువల్ గేర్‌బాక్స్‌తో వస్తుంది. ముఖ్యంగా, ఈ వేరియంట్ 28.51 kmpl వరకు అద్భుతమైన మైలేజీని అందించడం దీని ప్రధాన ఆకర్షణ. అంటే, ఖర్చు తగ్గించుకోవాలనుకునే వారికి ఇది బెస్ట్ ఆప్షన్‌గా నిలుస్తుంది. భద్రత విషయానికి వస్తే, సుజుకి ఫ్రాంక్స్‌లో ప్రయాణికులకు గరిష్ట రక్షణ అందించేలా అనేక ఆధునిక సేఫ్టీ ఫీచర్లను అందించింది.

ముందుగా చెప్పుకోవాల్సింది ఆరు ఎయిర్‌బ్యాగ్‌లు. అలాగే ABS(యాంటీలాక్ బ్రేకింగ్ సిస్టమ్), EBD (ఎలక్ట్రానిక్ బ్రేక్‌ఫోర్స్ డిస్ట్రిబ్యూషన్) వ్యవస్థ, డ్రైవింగ్ సమయంలో అదనపు భద్రత కోసం ESP(ఎలక్ట్రానిక్ స్టెబిలిటీ ప్రోగ్రామ్) కూడా ఫ్రాంక్స్‌లో ఉంది. మొత్తంగా ఫ్రాంక్స్‌లో అనేక భద్రతా లక్షణాలు ఉన్నప్పటికీ, టెస్టుల్లో వచ్చిన రేటింగ్‌లు మరో కోణాన్ని చూపిస్తున్నాయి.