స్విఫ్ట్ సైజులో ఉంటుంది.. మీరు కొంటే పక్కింటోళ్లు ఆశ్చర్యపోతారు! 1965 లెజెండ్ మళ్లీ వచ్చేసింది

ప్రపంచవ్యాప్తంగా ప్రత్యేకమైన స్టైల్, కాంపాక్ట్ డిజైన్, స్పోర్టీ పనితీరుతో గుర్తింపు పొందిన కార్లలో మినీ కూపర్ (Mini Cooper) ఒకటి. చిన్న సైజులో ఉన్నప్పటికీ పెద్ద స్థాయి క్రేజ్ సంపాదించుకున్న ఈ కార్లు కేవలం నగర ప్రయాణాలకే కాకుండా మోటార్‌స్పోర్ట్స్ ప్రపంచంలో కూడా తమ సత్తాను నిరూపించాయి. ముఖ్యంగా అంతర్జాతీయ ర్యాలీల్లో మినీ కూపర్ కార్లు సాధించిన విజయాలు ఇవి ఎంత సామర్థ్యం కలిగినవో స్పష్టంగా చెబుతాయి. అందులోనూ 1965లో జరిగిన Monte Carlo Rally 1965 మినీ కూపర్ చరిత్రలో ఒక మైలురాయిగా నిలిచింది. ఆ ర్యాలీలో మినీ కూపర్ కారు టైటిల్‌ను గెలుచుకోవడం ద్వారా ప్రపంచవ్యాప్తంగా తన పేరు మరింత బలంగా నిలబెట్టుకుంది.

అదే విజయాన్ని గుర్తుచేసుకుంటూ, ఆ లెజెండరీ క్షణాన్ని మళ్లీ సజీవం చేసేలా కంపెనీ ఇప్పుడు మిని కూపర్ ఎస్ విక్టరీ ఎడిషన్ (Mini Cooper S Victory Edition)ను విడుదల చేసింది. ఈ స్పెషల్ ఎడిషన్ కారు కేవలం ఒక వాహనం మాత్రమే కాదు, ఒక చరిత్రను మోసుకొస్తున్న మోడల్‌గా చెప్పుకోవచ్చు. దీని ఎక్స్-షోరూమ్ ధరను రూ. 57.5 లక్షలుగా నిర్ణయించడం ద్వారా ఇది ప్రీమియం సెగ్మెంట్‌లో నిలిచింది.

ఫిబ్రవరి నెలాఖరులోనే దీనికి బుకింగ్‌లు ప్రారంభమవడం, మార్కెట్లో దీనిపై ఉన్న ఆసక్తిని చూపిస్తోంది. అంతేకాదు, అన్ని మినీ కార్ల మాదిరిగానే ఈ వాహనం కూడా పూర్తిగా విదేశాల్లో తయారై, CBU (Completely Built Unit) రూపంలో భారతదేశానికి దిగుమతి చేయబడుతోంది. అందువల్ల ఇది పరిమిత సంఖ్యలో మాత్రమే అందుబాటులో ఉండటం దీని ప్రత్యేకతను మరింత పెంచుతోంది. డిజైన్ విషయానికి వస్తే, ఈ స్పెషల్ ఎడిషన్ అసలు హైలైట్ ఇక్కడే ఉంది.

1965 మాంటె కార్లో ర్యాలీలో విజయం సాధించిన మినీ కూపర్‌ను గుర్తు చేసేలా ఈ కారును ఎరుపు రంగులో ప్రత్యేకంగా రూపొందించారు. క్లాసిక్ లుక్‌తో పాటు మోడర్న్ టచ్ కలిపి ఈ కారును చూసిన వెంటనే ఆకట్టుకునేలా డిజైన్ చేశారు. గతాన్ని గుర్తుచేస్తూనే వర్తమానానికి తగ్గ స్టైల్‌ను అందించడం ఈ ఎడిషన్ ప్రత్యేకతగా నిలుస్తుంది. ఈ లగ్జరీ హ్యాచ్‌బ్యాక్ డెలివరీలు త్వరలో ప్రారంభమవుతాయని BMW గ్రూప్ కూడా ప్రకటించింది.

మిని కూపర్ ఎస్ విక్టరీ ఎడిషన్ మోడల్ లోపలి భాగం కూడా బయట డిజైన్‌లాగే ప్రత్యేకమైన ఫీల్‌ను ఇస్తుంది. మొదటి చూపులో క్లాసిక్ మినీ స్టైల్ కనిపించినా, లోపలికి వెళ్తే స్పోర్టీ టచ్‌తో పాటు ప్రీమియం ఫినిష్ స్పష్టంగా కనిపిస్తుంది. ఈ మోడల్‌ను మరింత ఆకర్షణీయంగా మార్చేందుకు కంపెనీ స్పోర్ట్స్-ఆధారిత ట్రిమ్ ఎలిమెంట్స్‌తో పాటు హై-క్వాలిటీ మెటీరియల్స్‌ను ఉపయోగించింది.

ఇంటీరియర్‌లో ఆంత్రాసైట్, ఎరుపు రంగుల డ్యూయల్-టోన్ థీమ్‌ను అందంగా ఇచ్చారు. స్టీరింగ్ వీల్‌ను స్పోర్ట్స్ స్టైల్‌లో రూపొందించి, దాని దిగువ భాగంలో "1965" బ్యాడ్జింగ్‌ను ప్రత్యేకంగా చేర్చారు. ఇదే బ్యాడ్జింగ్ సెంటర్ కన్సోల్ స్టోరేజ్ కంపార్ట్‌మెంట్‌పైన కనిపించడం ఈ ఎడిషన్‌కు ఉన్న చారిత్రాత్మక కనెక్షన్‌ను గుర్తు చేస్తుంది. అంతేకాదు, 1965లో విజయం సాధించిన కూపర్ S రేస్ నంబర్‌ను కీ ఫాబ్‌లో చేర్చడంతో చిన్న డీటైల్‌లోనూ ఆ లెగసీని ప్రతిబింబించారు.

పనితీరు విషయంలో కారు ఎక్కడా తగ్గదు. మెకానికల్‌గా ఇది స్టాండర్డ్ కూపర్ S మాదిరిగానే ఉండి, 2.0-లీటర్ టర్బో ఫోర్-సిలిండర్ ఇంజన్‌తో పనిచేస్తుంది. ఈ ఇంజన్ 7-స్పీడ్ డ్యూయల్-క్లచ్ ఆటోమేటిక్ గేర్‌బాక్స్‌తో జతచేయబడి, స్మూత్, వేగవంతమైన డ్రైవింగ్ అనుభవాన్ని ఇస్తుంది. మొత్తం 204 bhp శక్తి, 300 Nm టార్క్ ఉత్పత్తి చేయగల ఈ పెర్ఫార్మెన్స్ హ్యాచ్‌బ్యాక్, కేవలం 6.6 సెకన్లలో 0 నుంచి 100 kmph వేగాన్ని అందుకుంటుంది.

ఈ ప్రత్యేక ఎడిషన్ కారును దేశవ్యాప్తంగా ఎంపిక చేసిన నగరాల్లో మాత్రమే కొనుగోలు చేయవచ్చు. ఈ కారును కొచ్చి, ఢిల్లీ NCR, ముంబై, పూణే, చెన్నై, బెంగళూరు, హైదరాబాద్, అహ్మదాబాద్, చండీగఢ్, జైపూర్, కోల్‌కతా, లక్నో, గౌహతి, రాంచీ, సూరత్‌ వంటి నగరాల్లోని పరిమిత డీలర్‌షిప్‌ల ద్వారా అందుబాటులో ఉంటుంది. మరిన్ని వివరాలకు సంబంధిత షోరూమ్‌లో సంప్రదించగలరు.