రూ.7.99 లక్షలకే పట్టణాల్లో ఉండే వారికి బెస్ట్ కారు.. రోడ్డుపై వెళ్తుంటే అందరి చూపు మీపైనే

పట్టణాల్లో రోజూ ప్రయాణించే వారికి సౌకర్యవంతమైన, స్టైలిష్ వాహనం కావాలంటే కొత్త హ్యుందాయ్ వెన్యూ (VENUE) ఒక బెస్ట్ ఆప్షన్‌గా నిలుస్తుంది. నగర అవసరాలను దృష్టిలో పెట్టుకొని రూపొందించిన ఈ కాంపాక్ట్ SUV, బోల్డ్ డిజైన్‌తోనే కాకుండా ఆధునిక సాంకేతికత, ప్రాక్టికల్ ఫీచర్లతో కూడా వినియోగదారులను ఆకట్టుకుంటోంది. చిన్న కుటుంబాల నుంచి యువత వరకు అందరికీ సరిపోయేలా హ్యుందాయ్ ఈ వెన్యూను డిజైన్ చేసింది. ధర విషయానికి వస్తే, కొత్త హ్యుందాయ్ VENUE ప్రారంభ ధర రూ.7,99,900 (ఎక్స్-షోరూమ్) నుంచి ప్రారంభమవుతుంది. ఈ ధరలో స్టైలిష్ డిజైన్, సౌకర్యవంతమైన ఇంటీరియర్, ఆధునిక ఫీచర్లు, నమ్మకమైన పనితీరుతో ఇది అందుబాటులో ఉంటుంది.

పనితీరు పరంగా, హ్యుందాయ్ VENUE నగర డ్రైవింగ్‌కు అనువైన ఇంజిన్ ఆప్షన్లను అందిస్తుంది. స్మూత్ పవర్ డెలివరీ, మంచి మైలేజీతో ఇది రోజువారీ వినియోగానికి ఖర్చు తక్కువగా ఉంటుంది. అందుకే ఆఫీస్‌కు రోజూ వెళ్లేవారు, చిన్న కుటుంబాలతో ప్రయాణించే వారు ఈ కారును ఎక్కువగా ఇష్టపడుతున్నారు. రోడ్డుపై ఈ కారు వెళ్తే వెంటనే చూపు తిప్పుకునేలా చేసే లుక్ దీనిది. వీకెండ్ ట్రిప్స్‌కు వెళ్లాలన్నా ఇందులో కంఫర్ట్ ఫీలవుతారు.

కొత్త హ్యుందాయ్ VENUE విభిన్నమైన ఇంజిన్, ట్రాన్స్‌మిషన్‌లతో అందుబాటులో ఉంది. ఇందులో 1.2 లీటర్ కప్పా MPi పెట్రోల్ ఇంజిన్, 1.0 లీటర్ కప్పా టర్బో GDi పెట్రోల్ ఇంజిన్, అలాగే 1.5 లీటర్ U2 CRDi డీజిల్ ఇంజిన్ వంటి ఆప్షన్‌లు ఉన్నాయి. నగర డ్రైవింగ్‌కు సరిపోయే స్మూత్ పెట్రోల్ ఇంజిన్‌లతో పాటు, ఎక్కువ మైలేజీ, టార్క్ కోరుకునే వారికి డీజిల్ ఇంజిన్ కూడా ఉంది.

ట్రాన్స్‌మిషన్ విషయంలో కూడా మాన్యువల్, ఆటోమేటెడ్ (AMT) మరియు డ్యూయల్-క్లచ్ (DCT) గేర్‌బాక్స్‌లను అందించడం ద్వారా డ్రైవింగ్‌ను మరింత సౌకర్యవంతంగా మార్చింది. డిజైన్ పరంగా చూస్తే, కొత్త హ్యుందాయ్ VENUE గత తరం మోడల్‌తో పోలిస్తే మరింత బోల్డ్, మస్క్యులర్ లుక్‌ను పొందింది. ముందుభాగంలో ట్విన్ హార్న్ LED DRLలు, క్వాడ్ బీమ్ LED హెడ్‌ల్యాంప్‌లు దీనికి స్ట్రాంగ్ రోడ్ ప్రెజెన్స్‌ను ఇస్తాయి.

డార్క్ క్రోమ్ ఫినిష్‌తో ఉన్న రేడియేటర్ గ్రిల్, సిగ్నేచర్ C-పిల్లర్ గార్నిష్ SUV ఫీల్‌ను మరింత పెంచుతాయి. మస్క్యులర్ వీల్ ఆర్చ్‌లు, R16 డైమండ్-కట్ అల్లాయ్ వీల్స్ వలన ఈ కారు మరింత ప్రీమియంగా కనిపిస్తుంది. పాత తరం హ్యుందాయ్ వెన్యూతో పోలిస్తే ఇది ఎత్తు, వెడల్పులో కొద్దిగా పెద్దదిగా ఉండటం వల్ల లోపల స్థలం కూడా మెరుగైంది. ఇంటీరియర్‌లోకి వస్తే, లగ్జరీ టచ్‌తో కూడిన క్యాబిన్‌ను అందిస్తుంది.

డ్యూయల్-టోన్ లెథరెట్ సీట్లు, స్పోర్టీ D-కట్ స్టీరింగ్ వీల్, టెర్రాజో-టెక్చర్డ్ క్రాష్‌ప్యాడ్ ఫినిషింగ్ క్యాబిన్‌కు ప్రీమియం లుక్‌ను ఇస్తాయి. మూన్ వైట్ యాంబియంట్ లైటింగ్‌తో కూడిన కాఫీ-టేబుల్ స్టైల్ సెంటర్ కన్సోల్ ప్రయాణికులకు ప్రత్యేక అనుభూతిని అందిస్తుంది. టెక్నాలజీ, కంఫర్ట్ విషయంలో ఈ కారు మరింత ముందంజలో ఉంది. డ్యూయల్ కర్వ్డ్ పనోరమిక్ డిస్ప్లేలు డ్రైవర్‌కు అవసరమైన సమాచారం స్పష్టంగా చూపిస్తాయి.

ముందు సీట్లకు వెంటిలేటెడ్ ఫీచర్ ఉండటం వల్ల వేడికాలంలో కూడా ప్రయాణం హాయిగా ఉంటుంది. ఎలక్ట్రిక్ 4-వే డ్రైవర్ సీటు, వెనుక AC వెంట్స్, ప్రీమియం లెదర్ ఆర్మ్‌రెస్ట్ వంటి ఫీచర్లు ముందువారికే కాకుండా వెనుక సీటులో కూర్చున్న ప్రయాణికులకు మంచి కంఫర్ట్‌ను అందిస్తాయి. మొత్తంగా చెప్పాలంటే, కొత్త హ్యుందాయ్ VENUE డిజైన్, పవర్‌ట్రెయిన్ ఆప్షన్‌లు, ఆధునిక ఫీచర్లు, ప్రీమియం ఇంటీరియర్‌తో నగర జీవనశైలికి చక్కగా సరిపోయే SUVగా నిలుస్తోంది.