జనాలు ఎగబడి కొంటున్న చీపెస్ట్ 7-సీటర్.. ఫ్యామిలీ కోసం ఇదే ఛాయిస్.. ఒక్క నెలలో 2,000 పైగా సేల్స్!

భారతీయ కార్ మార్కెట్లో తక్కువ ధరలో మంచి ఫీచర్లతో వచ్చే SUVలకి ఎప్పటికీ ప్రత్యేకమైన డిమాండ్ ఉంటుంది. అలాంటి సెగ్మెంట్‌లోనే నిస్సాన్ (Nissan) కంపెనీకి చెందిన గ్రావైట్‌ (Gravite)మంచి గుర్తింపు సంపాదించుకుంది. ఫిబ్రవరి 17న ఈ కారును అధికారికంగా మార్కెట్లోకి తీసుకువచ్చినప్పటి నుంచి, ఇది కొనుగోలుదారుల దృష్టిని గట్టిగా ఆకర్షిస్తోంది. ప్రత్యేకంగా బడ్జెట్‌లో 7-సీటర్ లుక్, SUV స్టైల్, అలాగే అందుబాటు ధర కలయికతో ఈ కారు చాలా మందికి మొదటి ఎంపికగా మారుతోంది. ఈ కారులో ఉన్న డిజైన్ కూడా దాని విజయానికి ఒక ప్రధాన కారణం. స్టైలిష్ ఫ్రంట్ గ్రిల్, ఆకర్షణీయమైన హెడ్‌ల్యాంప్స్, బోల్డ్ బాడీ లైన్స్‌తో ఇది ప్రీమియం ఫీలింగ్ ఇస్తుంది. అంతేకాదు, ఇంటీరియర్‌లో కూడా వినియోగదారుల అవసరాలను దృష్టిలో పెట్టుకుని ఫీచర్లను అమర్చారు.

మార్కెట్లోకి వచ్చిన కొద్ది రోజులకే ఈ మోడల్ మంచి స్పందనను అందుకోవడం విశేషం. ముఖ్యంగా మార్చి నెల సేల్స్ గణాంకాలు చూస్తే, ఈ కారు ఎంత వేగంగా ప్రజాదరణ పొందిందో స్పష్టంగా తెలుస్తుంది. ఆ నెలలో మొత్తం 2,375 యూనిట్లు అమ్ముడవడం అనేది చిన్న విషయం కాదు. ఇదే సమయంలో, అదే నెలలో నిస్సాన్ బ్రాండ్‌లో అత్యధికంగా అమ్ముడైన మోడల్‌గా ఇది నిలవడం మరింత విశేషం.

ఇది కుటుంబ అవసరాలకు సరిపోయే విధంగా, రోజువారీ ప్రయాణాలకు సౌకర్యవంతంగా మారింది. ఈ విజయానికి ప్రధాన కారణం ధర, ఫీచర్ల మధ్య ఉన్న సమతుల్యత. తక్కువ ధరలో SUV లుక్, మంచి మైలేజ్, సరిపడా పవర్, ఆధునిక ఫీచర్లు ప్యాకేజ్‌గా ఈ కారు నిలుస్తోంది. భారతీయ వినియోగదారులు సాధారణంగా 'వాల్యూ ఫర్ మనీ' ప్రొడక్ట్స్‌నే ఎక్కువగా ఇష్టపడతారు. ఆ అంచనాలను ఈ మోడల్ బాగా నెరవేర్చింది.

మూడు వరుసల సీటింగ్ ఏర్పాటుతో మొత్తం 7 మంది సులభంగా ప్రయాణించగలిగే విధంగా డిజైన్ చేయబడింది. అంతేకాదు, లెదరెట్ క్విల్టెడ్ సీట్లు ఉండటం వల్ల దీర్ఘ ప్రయాణాల్లో కూడా మంచి కంఫర్ట్ ఫీలింగ్ కలుగుతుంది. ధర విషయంలో కూడా ఈ మోడల్ చాలా ఆకర్షణీయంగా నిలుస్తోంది. కేవలం రూ.5.65 లక్షల ఎక్స్-షోరూమ్ ధరతో ప్రారంభమై, టాప్ వేరియంట్ వరకు రూ.8.49 లక్షల వరకు లభిస్తుంది.

ఈ ధర రేంజ్‌లో ఇలాంటి ఫీచర్లు ఇవ్వడం నిజంగా వినియోగదారులకు పెద్ద ప్లస్ పాయింట్. మొత్తం ఆరు వేరియంట్లలో అందుబాటులో ఉండటం వల్ల, కొనుగోలుదారులు తమ బడ్జెట్ మరియు అవసరాలకు అనుగుణంగా సరైన వేరియంట్‌ను ఎంచుకునే అవకాశం ఉంటుంది. ఇంజన్, పనితీరు విషయానికి వస్తే, ఈ SUV 1.0-లీటర్ 3-సిలిండర్ నేచురల్ ఆస్పిరేటెడ్ పెట్రోల్ ఇంజన్‌తో వస్తుంది. ఈ ఇంజన్ 72PS పవర్, 96Nm పీక్ టార్క్‌ను ఉత్పత్తి చేస్తుంది.

నగరంలో రోజువారీ డ్రైవింగ్‌కు ఇది సరిపడే స్మూత్, స్థిరమైన పనితీరును అందిస్తుంది. ట్రాన్స్‌మిషన్ పరంగా 5-స్పీడ్ మాన్యువల్ గేర్‌బాక్స్‌తో పాటు 5-స్పీడ్ EZ-షిఫ్ట్ (AMT) ఆప్షన్ కూడా అందుబాటులో ఉండటం వల్ల, ట్రాఫిక్‌లో సౌకర్యవంతమైన డ్రైవింగ్ అనుభవం లభిస్తుంది. మైలేజీ విషయానికి వస్తే, కంపెనీ ప్రకారం, మాన్యువల్ వేరియంట్ లీటర్‌కు సుమారు 19.3 కి.మీ వరకు, AMT వేరియంట్ లీటర్‌కు సుమారు 19.6 కి.మీ వరకు మైలేజీ ఇస్తుంది.

ఇంకా ఒక ప్రత్యేకత ఏమిటంటే, డీలర్ స్థాయిలో CNG ఆప్షన్ కూడా అందుబాటులో ఉండటం. ఇది మరింత తక్కువ ఖర్చుతో ప్రయాణించాలనుకునే వినియోగదారులకు అదనపు ప్రయోజనాన్ని అందిస్తుంది. కారులో అధునాతన ఫీచర్స్ డజన్ల కొద్ది ఉన్నాయి. 8-ఇంచ్ ఇన్ఫోటైన్‌మెంట్ సిస్టమ్, 7-ఇంచ్ డిజిటల్ డ్రైవర్ డిస్‌ప్లే, వైర్‌లెస్ ఛార్జర్, వైర్‌లెస్ ఆండ్రాయిడ్ ఆటో, ఆపిల్ కార్‌ప్లే,భద్రత పరంగా అన్ని వేరియంట్లలో 6 ఎయిర్‌బ్యాగ్‌లు స్టాండర్డ్‌గా వస్తాయి.