ఎర్టిగా కంటే రూ.3.15 లక్షలు తక్కువ ధరకే కారు.. ఒకేసారి 7 మంది వెళ్లొచ్చు! సేల్స్ రిపోర్ట్ చూసేయండి

జపాన్‌కు చెందిన ప్రముఖ ఆటోమొబైల్ తయారీ సంస్థ నిస్సాన్ (Nissan) భారత్ మార్కెట్లో మళ్లీ తన స్థానం బలపరుచుకునే దిశగా ముందుకు సాగుతోంది. ఏప్రిల్ నెలలో ఎగుమతులు, దేశీయ విక్రయాలను కలిపి మొత్తం 5,388 యూనిట్ల అమ్మకాలను నమోదు చేయడం కంపెనీకి ఒక సానుకూల సంకేతంగా కనిపిస్తోంది. గత కొన్ని సంవత్సరాలుగా ఎదురైన మార్కెట్ సవాళ్లు, పోటీ ఒత్తిడి మధ్య ఈ స్థాయి అమ్మకాలు రావడం నిస్సాన్ పునరుజ్జీవనానికి సూచనగా ఆటోమొబైల్ వర్గాలు భావిస్తున్నాయి. కొత్త మోడళ్లు, వినియోగదారులను ఆకర్షించే వ్యూహాలు, అలాగే మార్కెట్ అవసరాలకు అనుగుణంగా తీసుకుంటున్న నిర్ణయాలు కంపెనీకి మళ్లీ ఊపు తెచ్చినట్లు కనిపిస్తోంది. అయితే ఈ సానుకూల వృద్ధి మధ్యలోనే కొన్ని మోడళ్ల పనితీరు మాత్రం ఆందోళన కలిగిస్తోంది.

ప్రత్యేకంగా నిస్సాన్ గ్రావైట్ (Nissan Gravite) అమ్మకాల విషయంలో గత నెలలతో పోలిస్తే తగ్గుదల స్పష్టంగా కనిపిస్తోంది. 2026 మార్చిలో భారత మార్కెట్లో ఈ మోడల్ 2,375 యూనిట్ల అమ్మకాలను నమోదు చేసింది. కానీ ఆ తర్వాతి నెల అయిన ఏప్రిల్‌లో ఈ సంఖ్య తగ్గి కేవలం 1,428 యూనిట్లకే పరిమితమైంది. అంటే నెలలో దాదాపు 947 యూనిట్ల తగ్గుదల చోటుచేసుకుంది, ఇది సుమారు 40 శాతం తగ్గుదలగా చెప్పవచ్చు.

ఈ తగ్గుదల ఒక్కసారిగా వచ్చినదిగా కాకుండా మార్కెట్‌లో పెరుగుతున్న పోటీ, కొత్త SUV మోడళ్ల ప్రవేశం, అలాగే వినియోగదారుల అభిరుచుల్లో మార్పుల ప్రభావం కూడా కారణంగా కనిపిస్తోంది. ప్రస్తుతం భారత ఆటోమొబైల్ మార్కెట్‌లో SUV సెగ్మెంట్‌లో అనేక కొత్త మోడళ్లు విడుదలవుతుండటంతో కస్టమర్లు ఎక్కువ ఆప్షన్లను పరిశీలిస్తున్నారు. దీంతో గతంలో బలమైన అమ్మకాలు నమోదు చేసిన కొన్ని మోడళ్లకు డిమాండ్ కొంత తగ్గినట్లు అర్థమవుతోంది.

భారతదేశంలో 7-సీటర్ MPV సెగ్మెంట్‌లో మారుతి తన ఆధిపత్యాన్ని కొనసాగిస్తోంది. ప్రత్యేకంగా ఎర్టిగా ఈ విభాగంలో అత్యంత ప్రజాదరణ పొందిన మోడల్‌గా నిలుస్తోంది. ప్రస్తుతం దీని బేస్ వేరియంట్ ధర .8.80 లక్షలుగా ఉంది. ఇక ఇదే సెగ్మెంట్‌లో కొత్త పోటీదారుగా వచ్చిన గ్రావైట్ మార్కెట్లోకి అడుగుపెట్టింది. దీని ఎంట్రీ-లెవల్ వేరియంట్ ధర కేవలం రూ.5.65 లక్షలుగా ఉండటం వల్ల ధర పరంగా ఇది చాలా ఆకర్షణీయంగా కనిపిస్తోంది.

ఎర్టిగా‌తో పోలిస్తే దాదాపు రూ.3.15 లక్షల తేడా ఉండటం వినియోగదారుల దృష్టిని ఆకర్షించే అంశంగా మారింది. తక్కువ బడ్జెట్‌లో SUV స్టైల్ కోరుకునే వారికి ఇది ఒక ఆప్షన్‌గా నిలుస్తోంది. అయినప్పటికి కూడా గ్రావైట్ తక్కువ అమ్మకాలను నమోదు చేసింది. రానున్న రోజుల్లో ఇది మరింత పుంజుకునే అవకాశం ఉంది. పనితీరు విషయానికి వస్తే, నిస్సాన్ ఈ మోడల్‌లో 1.0-లీటర్ నాచురల్లీ ఆస్పిరేటెడ్ పెట్రోల్ ఇంజన్‌ను అందిస్తోంది.

ఈ ఇంజన్‌తో 5-స్పీడ్ మాన్యువల్, AMT గేర్‌బాక్స్ ఆప్షన్లు కూడా ఉన్నాయి. సిటీ డ్రైవింగ్‌కు అనువుగా ఉండేలా ఈ సెటప్‌ను రూపొందించినప్పటికీ, పవర్, ప్రాక్టికాలిటీ పరంగా ఇది ఎర్టిగా స్థాయికి పూర్తి పోటీ ఇవ్వడం కాస్త కష్టంగా మారుతోంది. అదనంగా, మార్కెట్‌లో కొన్ని వేరియంట్లకు ప్రభుత్వ-ఆమోదిత CNG కిట్ ఆప్షన్ కూడా అందుబాటులో ఉండటం వల్ల ఇంధన ఖర్చు తగ్గించుకోవాలనుకునే వినియోగదారులకు కొంత ఉపశమనం లభిస్తోంది.

ఫీచర్స్ విషయానికి వస్తే గ్రావైట్‌లో జిటల్ ఇన్‌స్ట్రుమెంట్ క్లస్టర్, వైర్‌లెస్ ఆండ్రాయిడ్ ఆటో, ఎయిర్ ప్యూరిఫైయర్, ఆపిల్ కార్‌ప్లే, ప్రయాణికుల భద్రత కోసం 6 ఎయిర్‌బ్యాగ్‌లు, ముందు, వెనుక పార్కింగ్ సెన్సార్లు, హిల్ స్టార్ట్ అసిస్ట్, ఎలక్ట్రానిక్ స్టెబిలిటీ కంట్రోల్, టైర్ ప్రెజర్ మానిటరింగ్ సిస్టమ్, ట్రాక్షన్ కంట్రోల్ సిస్టమ్ వంటి భద్రతా ఫీచర్లు ఉన్నాయి.