దేశంలో అత్యంత సేఫ్టీ కారును విపరీతంగా కొంటున్న జనాలు.. ఫ్యామిలీ సేఫ్టీ కోసం ఇదే ఫస్ట్ ఛాయిస్!

టాటా మోటార్స్ (Tata Motors) తయారు చేసిన టాటా ఆల్ట్రోజ్ (Tata Altroz) భారతదేశంలో ప్రీమియం హ్యాచ్‌బ్యాక్ సెగ్మెంట్‌లో ప్రత్యేక గుర్తింపు సంపాదించుకున్న మోడల్. స్టైలిష్ డిజైన్, 5-స్టార్ సేఫ్టీ రేటింగ్, ఫీచర్ల పరంగా మంచి విలువ ఇవ్వడం వంటి అంశాలు ఈ కారును కుటుంబాలకే కాదు, యువతకు కూడా ఎంతో ఆకర్షణీయంగా మారుస్తున్నాయి. జనవరి 2026లో ఆల్ట్రోజ్ అమ్మకాలు ఈ ప్రజాదరణను మరొకసారి నిరూపించాయి. ఆ ఒక్క నెలలోనే మొత్తం 3,135 కార్లు డెలివరీ అయ్యాయి. ఇదే కాలంలో గత సంవత్సరం, అంటే జనవరి 2025లో కేవలం 2,033 యూనిట్లు మాత్రమే అమ్ముడయ్యాయి. ఈ సంఖ్యలను పోలిస్తే, కేవలం ఏడాది వ్యవధిలోనే అదనంగా 1,102 కార్లు ఎక్కువగా అమ్ముడవడం గమనార్హం.

ఈ పెరుగుదల కేవలం సాధారణ వృద్ధి కాదు, ఇది సుమారు 54 శాతం ఆకట్టుకునే గ్రోత్. ప్రస్తుతం మార్కెట్‌లో పోటీ తీవ్రంగా ఉన్నప్పటికీ, ఆల్ట్రోజ్ తన స్థానం కోల్పోకుండా మరింత బలపడిందని ఈ గణాంకాలు స్పష్టం చేస్తున్నాయి. వినియోగదారుల నమ్మకం, బ్రాండ్‌పై ఉన్న విశ్వాసం, టాటా మోటార్స్ అందిస్తున్న సేఫ్టీ, టెక్నాలజీ, విలువ ఫర్ మనీ అనే మూడూ కలిసివచ్చి ఈ విజయానికి ప్రధాన కారణాలుగా చెప్పుకోవచ్చు.

టాటా ఆల్ట్రోజ్ ఫేస్‌లిఫ్ట్ విస్తృత ఇంజిన్, వేరియంట్ ఎంపికలతో భారత ప్రీమియం హ్యాచ్‌బ్యాక్ మార్కెట్‌లో ప్రత్యేక స్థానం సంపాదించింది. ఎక్స్-షోరూమ్ ధర రూ. 6.30 లక్షల నుంచి రూ. 10.51 లక్షల వరకు ఉండటంతో, వినియోగదారులకు బడ్జెట్, ఫీచర్ల ఆధారంగా సరైన ఎంపిక చేసుకోవడానికి అవకాశం ఉంది. ఈ కార్ 7 వేరియంట్లలో స్మార్ట్, ప్యూర్, ప్యూర్ S, క్రియేటివ్, క్రియేటివ్ S, అక్ప్లిష్డ్ S, అక్ప్లిష్డ్ ప్లస్ S.

అన్ని వేరియంట్లలో సేఫ్టీ, టెక్నాలజీ, స్టైలిష్ ఫీచర్లు సరిగా ఉండటం వల్ల, వాడుకదారుల నమ్మకాన్ని మరింత పెంచుతుంది. ఇంజిన్ ఎంపికలు విభిన్నంగా ఉంటాయి. 1.2-లీటర్ 3-సిలిండర్ NA పెట్రోల్ ఇంజిన్ 86 bhp శక్తి, 113 Nm గరిష్ట టార్క్‌తో, నగర రైడ్స్ కోసం చక్కగా సరిపోతుంది. అదే విధంగా, CNG 6,000 rpm వద్ద 72.4 bhp శక్తి, 3,500 rpm వద్ద 103 Nm టార్క్‌ను అందిస్తుంది.

డీజిల్ ఆప్షన్ 1.5-లీటర్ 4-సిలిండర్ టర్బో ఇంజిన్‌తో 89 bhp శక్తి, 200 Nm గరిష్ట టార్క్‌ను ప్రదర్శిస్తుంది, దీని వల్ల దూర ప్రయాణాల కోసం ఇది చాలా అనుకూలంగా ఉంటుంది. అంతేకాక, ఆల్ట్రోజ్ ఫేస్‌లిఫ్ట్ మాన్యువల్, AMT, DCT వంటి వివిధ ట్రాన్స్‌మిషన్ ఎంపికలతో కూడా అందుబాటులో ఉంది, దీని వల్ల డ్రైవర్స్ తమ ఇష్టానికి సరిపడే డ్రైవింగ్ అనుభవాన్ని ఎంచుకోవచ్చు.

టాటా ఆల్ట్రోజ్ అత్యంత సురక్షితమైన హ్యాచ్‌బ్యాక్‌గా గుర్తింపు పొందింది. గ్లోబల్ NCAP, భారత్ NCAP క్రాష్ టెస్ట్‌లలో పూర్తి 5-స్టార్ సేఫ్టీ రేటింగ్ పొందడం ద్వారా, ఇది అత్యధిక స్థాయి రక్షణను అందించగల కారుగా నిర్ధారించబడింది. టాటా మోటార్స్ అధికారిక వెబ్‌సైట్ ప్రకారం, ఈ రేటింగ్ ఆల్ట్రోజ్‌ను భారతదేశంలో అత్యంత సురక్షితమైన హ్యాచ్‌బ్యాక్‌గా నిలిపింది, డ్రైవర్లు, ప్రయాణీకులు, కుటుంబాల కోసం అత్యంత విశ్వసనీయ ఎంపికగా మార్చింది.

ఇది కేవలం సేఫ్టీ ఫీచర్ల పరిమితి కాదు క్రమంగా ఉన్న స్ర్కవ్ రీన్‌ఫోర్స్డ్ బాడీ, బలమైన క్రాష్ జోన్‌లు, అధునాతన ఎయిర్‌బ్యాగ్ సిస్టమ్, ABS, EBD వంటి ఆధునిక సేఫ్టీ టెక్నాలజీలు కూడా ఇందులో ఉన్నాయి. అందువల్ల, ఆల్ట్రోజ్ కేవలం ఆకర్షణీయమైన హ్యాచ్‌బ్యాక్ మాత్రమే కాకుండా, ప్రతి ప్రయాణానికి భరోసా ఇచ్చే కార్‌గా నిలిచింది. టాటా ఆల్ట్రోజ్ అన్ని వేరియంట్లలో 6 ఎయిర్‌బ్యాగ్‌లు ప్రామాణికంగా అందించబడ్డాయి.