మధ్యతరగతి వారికి గుడ్ న్యూస్.. జూన్ 30 వరకే ఛాన్స్.. ఆ టాటా కార్ల పై ఏకంగా రూ.40,000 డిస్కౌంట్

సొంతంగా ఒక మంచి కారు కొనుగోలు చేయాలని ప్లాన్ చేస్తున్నారా? అయితే మధ్యతరగతి వాళ్ల కోసం టాటా మోటార్స్ ఒక అద్భుతమైన అవకాశాన్ని తీసుకొచ్చింది. ఈ జూన్ నెలలో తన అత్యంత ప్రజాదరణ పొందిన మోడల్స్ అయిన అల్ట్రోజ్, టియాగో హ్యాచ్‌బ్యాక్‌లతో పాటు టిగోర్ సెడాన్ కార్లపై కంపెనీ భారీ ఆఫర్లను ప్రకటించింది. జూన్ 30వ తేదీ వరకు అందుబాటులో ఉండే ఈ ప్రత్యేక సేల్‌లో భాగంగా కస్టమర్లు గరిష్టంగా రూ.40,000 వరకు ప్రయోజనాలను పొందవచ్చు. క్యాష్ డిస్కౌంట్లు, ఎక్స్ఛేంజ్ బోనస్, స్క్రాపేజ్ బెనిఫిట్స్ రూపంలో ఈ ఆఫర్లు అందిస్తున్నారు.

టాటా అల్ట్రోజ్ పై రూ.40 వేల వరకు లాభం
టాటా ప్రీమియం హ్యాచ్‌బ్యాక్ అయిన టాటా అల్ట్రోజ్ (Tata Altroz) సిరీస్‌లో 2026 మోడల్ సీఎన్‌జీ వేరియంట్‌పై గరిష్టంగా రూ.40,000 వరకు బెనిఫిట్స్ లభిస్తున్నాయి. ఇందులో రూ.15,000 ఫ్లాట్ క్యాష్ డిస్కౌంట్, మరో రూ.5,000 అడిషనల్ డిస్కౌంట్ ఉన్నాయి. ఇదే రకమైన క్యాష్ డిస్కౌంట్ ఆఫర్ పెట్రోల్, డీజిల్ వేరియంట్లకు కూడా వర్తిస్తుంది.

వీటితో పాటు అల్ట్రోజ్ లోని అన్ని వేరియంట్లపై రూ.15,000 ఎక్స్ఛేంజ్ బోనస్ లేదా రూ.20,000 స్క్రాపేజ్ బెనిఫిట్ (పాత కారును స్క్రాప్ కింద మార్చితే వచ్చే లాభం) లభిస్తుంది. అదనంగా రూ.3,000 కార్పొరేట్ డిస్కౌంట్ కూడా పొందవచ్చు. ప్రస్తుతం అల్ట్రోజ్ కార్ల రేంజ్ ఎక్స్-షోరూమ్ ధర రూ.6.30 లక్షల నుంచి రూ.10.77 లక్షల మధ్య ఉంది.

టాటా టియాగోపై క్రేజీ ఆఫర్లు
కంపెనీ తన బడ్జెట్ ఫ్రెండ్లీ కారు టాటా టియాగో (Tata Tiago) ప్రీ-ఫేస్‌లిఫ్ట్ మోడల్ పెట్రోల్, సీఎన్‌జీ వేరియంట్లపై (బేస్ XE ట్రిమ్ మినహాయించి) రూ.15,000 నగదు తగ్గింపును ఇస్తోంది. దీనికి అదనంగా రూ.5,000 ప్రత్యేక డిస్కౌంట్, రూ.15,000 స్క్రాపేజ్ బోనస్ లేదా రూ.10,000 ఎక్స్ఛేంజ్ ఆఫర్ కూడా అందుబాటులో ఉంది.

ఉద్యోగుల కోసం రూ.3,000 కార్పొరేట్ డిస్కౌంట్ కూడా ఆఫర్ చేస్తున్నారు. కాగా, మార్కెట్లో అందుబాటులో ఉన్న సరికొత్త 2026 టాటా టియాగో ఫేస్‌లిఫ్ట్ ధరలు రూ.4.70 లక్షల నుంచి రూ.8.55 లక్షల వరకు (ఎక్స్-షోరూమ్) ఉన్నాయి.

టాటా టిగోర్ సెడాన్ పై రూ.30 వేల వరకు తగ్గింపు
మంచి లుక్ మరియు సేఫ్టీ ఫీచర్లు ఉన్న సెడాన్ కార్ కావాలనుకునే వారికి టాటా టిగోర్ (Tata Tigor) ఈ నెలలో చాలా తక్కువ ధరకే లభించనుంది. ఈ కారుపై ఈ నెలలో మొత్తం రూ.30,000 వరకు ప్రయోజనాలు ఉన్నాయి. ఇందులో రూ.15,000 డైరెక్ట్ క్యాష్ డిస్కౌంట్, రూ.10,000 ఎక్స్ఛేంజ్ బోనస్ లేదా రూ. 15,000 స్క్రాపేజ్ బెనిఫిట్ ఉన్నాయి. పెట్రోల్, సీఎన్‌జీ రెండు ఆప్షన్లలోనూ లభించే ఈ కారుపై రూ.3,000 కార్పొరేట్ డిస్కౌంట్ కూడా అదనంగా లభిస్తుంది.

త్వరలోనే మార్కెట్లోకి టాటా సియెర్రా ఈవీ
భారత మిడ్‌సైజ్ ఎలక్ట్రిక్ కార్ల మార్కెట్లో మహేంద్ర బీఈ 6, హ్యుందాయ్ క్రేటా ఈవీ వంటి మోడళ్లకు గట్టి పోటీ ఇచ్చేందుకు టాటా మోటార్స్ సరికొత్త ప్లాన్ సిద్ధం చేసింది. తన ఐకానిక్ మోడల్ అయిన సియెర్రాను ఎలక్ట్రిక్ వెర్షన్‌లో లాంచ్ చేయడానికి కంపెనీ ముమ్మరంగా ఏర్పాట్లు చేస్తోంది.

దీనిని ప్రస్తుతం మార్కెట్లో ఉన్న కర్వ్ ఈవీ మరియు హారియర్ ఈవీల మధ్య రేంజ్ సెగ్మెంట్‌లో ప్రవేశపెట్టనున్నారు. ఈ సరికొత్త ఈవీని అధునాతన Acti.ev మోడ్యులర్ ప్లాట్‌ఫారమ్‌పై డిజైన్ చేస్తున్నారు. ఇది 55 kWh, 65 kWh అనే రెండు పవర్‌ఫుల్ బ్యాటరీ ఆప్షన్లతో వచ్చే అవకాశం ఉందని సమాచారం.

(గమనిక: పైన పేర్కొన్న కార్ల ధరలన్నీ ఎక్స్-షోరూమ్ బేసిస్ లో ఇవ్వబడ్డాయి. ఆఫర్లు, లభ్యత, ఖచ్చితమైన ధరల వివరాల కోసం మీ సమీపంలోని టాటా మోటార్స్ డీలర్‌షిప్‌ను సంప్రదించవచ్చు).