దేశంలో నంబర్-1 కారు.. హైదరాబాద్‌లో ఇంటికి తీసుకెళ్లాలంటే ఎంత ఖర్చవుతుంది?

భారత కార్ల మార్కెట్లో టాటా మోటార్స్‌(Tata Motors)కు చెందిన టాటా పంచ్ (Tata Punch) మరోసారి తన ఆధిపత్యాన్ని చాటుకుంది. జూన్ 2026లో 21,006 యూనిట్ల అమ్మకాలతో దేశంలో అత్యధికంగా అమ్ముడైన కారుగా నిలిచి అగ్రస్థానాన్ని కైవసం చేసుకుంది. గత ఏడాది ఇదే నెలలో విక్రయించిన 10,446 యూనిట్లతో పోలిస్తే, ఈసారి అమ్మకాలు 101 శాతం పెరగడం విశేషం. ఆకర్షణీయమైన డిజైన్, 5-స్టార్ సేఫ్టీ రేటింగ్, అలాగే పెట్రోల్, సీఎన్‌జీ, ఎలక్ట్రిక్ పవర్‌ట్రెయిన్ ఎంపికలు ఉండటంతో టాటా పంచ్‌కు అన్ని వర్గాల కొనుగోలుదారుల నుంచి మంచి ఆదరణ లభిస్తోంది. ఈ కారుకు ప్రస్తుతం ఇండియాలో చాలా డిమాండ్ నెలకొంది.

ప్రస్తుతం టాటా పంచ్ ఎక్స్-షోరూమ్ ధర రూ.5.70 లక్షల నుంచి రూ.10.67 లక్షల వరకు ఉంది. అయితే వాహనాన్ని కొనుగోలు చేసే సమయంలో RTO రిజిస్ట్రేషన్, ఇన్సూరెన్స్, ఇతర ఛార్జీలు కలవడంతో ఆన్-రోడ్ ధర మరింత పెరుగుతుంది. ఈ ఛార్జీలు నగరాన్ని బట్టి మారుతాయి. మరి హైదరాబాద్‌లో టాటా పంచ్ వివిధ వేరియంట్ల ఎక్స్-షోరూమ్, ఆన్-రోడ్ ధరలు ఎలా ఉన్నాయో ఇప్పుడు తెలుసుకుందాం.

హైదరాబాద్‌లో టాటా పంచ్ Smart పెట్రోల్ 5-స్పీడ్ మాన్యువల్ వేరియంట్ ప్రారంభ ఎక్స్-షోరూమ్ ధర సుమారు రూ.5.70 లక్షలు. అయితే షోరూమ్‌లో కనిపించే ఈ ధరతోనే కారు ఇంటికి రాదు. వాహనాన్ని రోడ్డుపైకి తీసుకురావాలంటే RTO రిజిస్ట్రేషన్, టెంపరరీ రిజిస్ట్రేషన్, రోడ్ ట్యాక్స్, ఇన్సూరెన్స్, హ్యాండ్లింగ్ ఛార్జీలు వంటి అదనపు ఖర్చులు కూడా చెల్లించాల్సి ఉంటుంది. మొత్తంగా హైదరాబాద్‌లో ఈ వేరియంట్ ఆన్-రోడ్ ధర సుమారు రూ.6.90 లక్షలకు చేరుకుంటుంది.

టాటా పంచ్ Pure పెట్రోల్ 5-స్పీడ్ మాన్యువల్ వేరియంట్ విషయానికి వస్తే, ఎక్స్-షోరూమ్ ధర సుమారు రూ.7.65 లక్షలు. అయితే ఈ ధరకు RTO రిజిస్ట్రేషన్, ట్యాక్స్, ఇన్సూరెన్స్, ఇతర తప్పనిసరి ఛార్జీలు జత కావడంతో మొత్తం ఖర్చు పెరుగుతుంది. దీంతో హైదరాబాద్‌లో ఈ వేరియంట్ ఆన్-రోడ్ ధర సుమారు రూ.9.20 లక్షల వరకు ఉంటుంది. అదనపు ఫీచర్లు, మెరుగైన సౌకర్యాల కోసం ఈ వేరియంట్‌ను చాలామంది కొనుగోలుదారులు ఎంచుకుంటున్నారు.

CNG వేరియంట్‌ను కొనుగోలు చేయాలనుకునే వారికి టాటా పంచ్ Smart CNG 5-స్పీడ్ మాన్యువల్ మంచి ప్రత్యామ్నాయంగా ఉంది. దీని ఎక్స్-షోరూమ్ ధర సుమారు రూ.6.79 లక్షలు. అయితే రిజిస్ట్రేషన్, ఇన్సూరెన్స్, ఇతర ప్రభుత్వ పన్నులు, తప్పనిసరి ఛార్జీలు కలిపి చెల్లించాల్సి రావడంతో హైదరాబాద్‌లో దీని ఆన్-రోడ్ ధర సుమారు రూ.8.19 లక్షలు. తక్కువ ఇంధన వ్యయంతో ఎక్కువ మైలేజ్ కోరుకునే వినియోగదారులు ఈ వేరియంట్‌పై ఎక్కువ ఆసక్తి చూపుతున్నారు.

ఇక మరింత ఫీచర్లతో కూడిన టాటా పంచ్ Pure CNG 5-స్పీడ్ మాన్యువల్ వేరియంట్ ఎక్స్-షోరూమ్ ధర సుమారు రూ.7.60 లక్షలు. అయితే RTO ఛార్జీలు, టెంపరరీ రిజిస్ట్రేషన్, రోడ్ ట్యాక్స్, ఇన్సూరెన్స్, ఇతర ఖర్చులు జత కావడంతో ఈ వేరియంట్ ఆన్-రోడ్ ధర సుమారు రూ.9.15 లక్షలకు చేరుకుంటుంది. రోజువారీ వినియోగంతో పాటు తక్కువ నిర్వహణ ఖర్చులు కోరుకునే వారికి ఈ CNG వేరియంట్ మంచి ఎంపికగా చెప్పవచ్చు.

గమనించాల్సిన విషయం ఏమిటంటే, ఇక్కడ పేర్కొన్న ఆన్-రోడ్ ధరలు సుమారుగా మాత్రమే ఉంటాయి. ఇన్సూరెన్స్ ప్లాన్, డీలర్ ఆఫర్లు, ఐచ్ఛిక యాక్సెసరీలు, అలాగే రిజిస్ట్రేషన్ సమయంలో అమల్లో ఉండే ప్రభుత్వ పన్నులను బట్టి తుది ధరలో స్వల్ప మార్పులు ఉండే అవకాశం ఉంది. కాబట్టి వాహనాన్ని కొనుగోలు చేసే ముందు సమీప టాటా డీలర్‌షిప్‌ను సంప్రదించి తాజా ఆన్-రోడ్ ధరను తెలుసుకోవడం ఉత్తమం.