ఆఫీస్ ప్రయాణాల నుంచి ఫ్యామిలీ ట్రిప్స్ వరకు..బెస్ట్ మైలేజ్ ఇచ్చే టాప్ 5 CNG కార్ల పై భారీ డిస్కౌంట్

భారతదేశంలో ఇంధన ధరల పెరుగుదల మధ్యతరగతి ప్రజలకు పెద్ద భారంగా మారింది. ఈ నేపథ్యంలో సాంప్రదాయ పెట్రోల్, డీజిల్ (ICE) వాహనాలతో పోలిస్తే SUV కార్ల డిమాండ్ మార్కెట్లో రోజురోజుకు అమాంతం పెరుగుతోంది. SUV ధరల్లో ఇటీవల స్వల్ప మార్పులు వచ్చినప్పటికీ, ఇవి పెట్రోల్ కంటే చాలా చౌకగా లభిస్తాయి. వీటికి తోడు ఇవి అద్భుతమైన మైలేజీని ఇస్తూ, తక్కువ కాలుష్యాన్ని విడుదల చేస్తూ పర్యావరణహితంగా ఉంటాయి. ఈ క్రమంలో ఈ నెలలో కొత్త కారు కొనాలనుకునే వారి కోసం దేశంలోని టాప్ 3 కంపెనీలైన హ్యుందాయ్, మారుతి సుజుకి, టాటా మోటార్స్ తమ పాపులర్ 5 మోడళ్లపై భారీ ఆఫర్లను ఇస్తున్నాయి.

1. హ్యుందాయ్ గ్రాండ్ i10 నియోస్ (రూ.75,000 వరకు భారీ లాభం)
ఈ జాబితాలో అత్యధికంగా డిస్కౌంట్లు అందిస్తున్న కారు హ్యుందాయ్ గ్రాండ్ i10 నియోస్ (Grand i10 Nios). ఈ కారుపై కంపెనీ రూ. 25,000 క్యాష్ డిస్కౌంట్, రూ. 10,000 కన్స్యూమర్ ఆఫర్, రూ. 15,000 ఎక్స్ఛేంజ్ బోనస్, రూ. 20,000 స్క్రాపేజ్ బోనస్, రూ. 15,000 అప్‌గ్రేడ్ బోనస్‌లను అందిస్తోంది.

వీటితో పాటు ప్రభుత్వ ఉద్యోగులకు రూ. 3,000, కార్పొరేట్ ఉద్యోగులకు రూ. 3,000, రూరల్ (గ్రామీణ) కస్టమర్లకు రూ. 5,000 అదనపు ప్రయోజనాలు లభిస్తున్నాయి. మొత్తంగా ఈ కారుపై రూ. 75,000 వరకు ఆదా చేసుకోవచ్చు. దీని ఎక్స్-షోరూమ్ ధరలు రూ. 5,59,700 నుంచి రూ. 7,76,700 మధ్య ఉన్నాయి.

2. మారుతి సుజుకి వ్యాగన్ఆర్ (రూ.52,500 వరకు తగ్గింపు)
భారతదేశంలో మోస్ట్ పాపులర్, అందరికీ అందుబాటులో ఉండే ఫ్యామిలీ హ్యాచ్‌బ్యాక్ కార్లలో మారుతి వ్యాగన్ఆర్ (WagonR) మొదటి స్థానంలో ఉంటుంది. ప్రస్తుతం వ్యాగన్ఆర్ అన్ని పెట్రోల్, SUV వేరియంట్లపై కంపెనీ రూ. 52,500 వరకు బెనిఫిట్స్ ఇస్తోంది.

ఇందులో రూ. 25,000 డైరెక్ట్ క్యాష్ డిస్కౌంట్, రూ. 25,000 వరకు ఎక్స్ఛేంజ్ లేదా స్క్రాపేజ్ బోనస్, రూ. 2,500 కార్పొరేట్ ఆఫర్ కలిసి ఉన్నాయి. మిడిల్ క్లాస్ ఫ్యామిలీస్ కి బెస్ట్ ఆప్షన్ అయిన వ్యాగన్ఆర్ ఎక్స్-షోరూమ్ ధరలు రూ. 4.99 లక్షల నుంచి రూ. 6.84 లక్షల వరకు అందుబాటులో ఉన్నాయి.

3. మారుతి సుజుకి స్విఫ్ట్ (రూ. 40,000 వరకు ప్రయోజనాలు)
యువతను ఎంతగానో ఆకట్టుకునే స్టైలిష్ కార్ మారుతి స్విఫ్ట్ (Swift). ఈ కారు మ్యాన్యువల్ గేర్‌బాక్స్ వేరియంట్లతో పాటు SUV మోడల్ పై కూడా మారుతి సుజుకి మంచి ఆఫర్లను ప్రకటించింది. ఈ కారుపై రూ. 10,000 ఫ్లాట్ క్యాష్ డిస్కౌంట్‌తో కలిపి మొత్తంగా రూ. 40,000 వరకు టోటల్ బెనిఫిట్స్ లభిస్తున్నాయి.

రోజువారీ ఆఫీస్ ప్రయాణాలకు, లాంగ్ రైడ్స్ కి పర్ఫెక్ట్ గా సూట్ అయ్యే మారుతి స్విఫ్ట్ బేస్ మోడల్ ఎక్స్-షోరూమ్ ధర రూ. 5.79 లక్షల నుండి ప్రారంభమై టాప్ మోడల్ రూ. 8.65 లక్షల వరకు ఉంది.

4. టాటా ఆల్ట్రోజ్ SUV (రూ. 40,000 వరకు డిస్కౌంట్)
సేఫ్టీ (భద్రత) మరియు ప్రీమియం లుక్ కోరుకునే వారికి టాటా ఆల్ట్రోజ్ (Altroz) ఒక అద్భుతమైన ఎంపిక. టాటా ఆల్ట్రోజ్ SUV వేరియంట్ పై కస్టమర్లకు రూ. 40,000 వరకు మొత్తం బెనిఫిట్స్ లభిస్తున్నాయి. ఇందులో రూ. 15,000 క్యాష్ డిస్కౌంట్, రూ. 5,000 అదనపు ప్రత్యేక డిస్కౌంట్లు కూడా ఉన్నాయి.

ట్విన్-సిలిండర్ టెక్నాలజీతో బూట్ స్పేస్ (డిక్కీ స్థలం) తగ్గకుండా వచ్చే ఈ ప్రీమియం హ్యాచ్‌బ్యాక్ రేంజ్ ధరలు మార్కెట్లో రూ. 6.30 లక్షల రెంయి రూ. 10.77 లక్షల మధ్య (ఎక్స్-షోరూమ్) విక్రయించబడుతున్నాయి.

5. టాటా టియాగో (రూ. 35,000 వరకు లాభాలు)
టాటా మోటార్స్ వారి బడ్జెట్ ఫ్రెండ్లీ కార్ అయిన టాటా టియాగో (Tiago) ప్రీ-ఫేస్‌లిఫ్ట్ మోడల్ పెట్రోల్, SUV వేరియంట్లపై (బేస్ XE ట్రిమ్ మినహా) రూ. 15,000 క్యాష్ డిస్కౌంట్ లభిస్తోంది. దీనికి తోడు రూ. 5,000 అదనపు డిస్కౌంట్, రూ. 15,000 స్క్రాపేజ్ బెనిఫిట్ లేదా రూ. 10,000 ఎక్స్ఛేంజ్ బోనస్ లభిస్తున్నాయి.

కార్పొరేట్ ఉద్యోగులకు రూ. 3,000 డిస్కౌంట్ అదనం. కాగా, సరికొత్త ఫీచర్లతో వచ్చిన 2026 టాటా టియాగో ఫేస్‌లిఫ్ట్ మోడల్ ధరలు ప్రస్తుతం మార్కెట్లో రూ. 4.70 లక్షల నుంచి రూ. 8.55 లక్షల మధ్య అందుబాటులో ఉన్నాయి.