ఫ్యామిలీల కోసం కొత్త టోయోటా ఇన్నోవా హైక్రాస్.. నవంబర్ 25న లాంచ్.. ఈ ఫీచర్లు చూస్తే ఫిదా అవ్వాల్సిందే!
టోయోటా తన పాపులర్ ఇన్నోవా హైక్రాస్ ఫేస్లిఫ్ట్కు సంబంధించిన ఫస్ట్ అఫీషియల్ టీజర్ను విడుదల చేసింది. భారత్లో ఈ కొత్త మోడల్ను 2026 నవంబర్ 25న లాంచ్ చేయనున్నట్లు స్పష్టం చేసింది. ఈ ఏడాదినాటికి కొత్త కారు ఇంటికి తెచ్చుకోవాలనుకునే ఫ్యామిలీ బయర్లకు బుకింగ్స్, బడ్జెట్ ప్లానింగ్పై ఒక క్లారిటీ వచ్చింది. ఈ టీజర్లో కొత్త హెడ్లైట్లు, స్టైలిష్గా రూపుదిద్దుకున్న ఫ్రంట్ లుక్ స్పష్టంగా కనిపిస్తున్నాయి. ఇక వేరియంట్ల వారీగా వివరాలు, ధరల సమాచారం లాంచ్ రోజే బయటకు రానున్నాయి.
ఇండోనేషియా మార్కెట్లోని 'కిజాంగ్ ఇన్నోవా జెనిక్స్' తరహాలోనే.. ఇందులోనూ కొత్త ఎల్ఈడీ డేటైమ్ రన్నింగ్ లైట్లు (DRLs), కొత్తగా రూపుదిద్దుకున్న గ్రిల్, బంపర్లు రాబోతున్నట్లు తెలుస్తోంది. ఇక లోపల 12.3 ఇంచుల పెద్ద టచ్స్క్రీన్ ఉండే అవకాశం ఉంది. ఈ కాస్మొటిక్ మార్పుల వల్ల క్యాబిన్ ఎక్స్పీరియన్స్ మరింత మోడ్రన్గా మారనుంది. అంతేకాదు, మెట్రోలతో పాటు టైర్-2 నగరాల ఫ్యామిలీస్ ఎంతో ఇష్టపడే విశాలమైన సీటింగ్ స్పేస్ ఎలాంటి మార్పూ లేకుండా అలాగే కొనసాగనుంది.

టీజర్ విశేషాలు.. లాంచ్ టైమ్లైన్ ఇదే!
నవంబర్ 25 (బుధవారం)న లాంచ్ ఖరారైన ఈ కారు టీజర్లో సరికొత్తగా రీడిజైన్ చేసిన హెడ్ల్యాంప్స్, ఫ్రంట్ ప్రొఫైల్ స్పష్టంగా కనిపిస్తున్నాయి. ఫీచర్లు, బుకింగ్స్, డెలివరీల వివరాలను టోయోటా ఇంకా అధికారికంగా వెల్లడించలేదు. సాధారణంగా లాంచ్ రోజే ఈ వివరాలన్నీ ఇస్తారు. ఈ రెండు వారాల్లో కారు మార్కెట్లోకి వచ్చాక.. డిస్ట్రిబ్యూషన్, డెమో కార్ల రాకపై స్పష్టమైన అవగాహన రానుంది.
టోయోటా ఇన్నోవా హైక్రాస్ ఫేస్లిఫ్ట్: ధరలు, ఈఎంఐ అంచనా
ప్రస్తుతం ఉన్న హైక్రాస్ ఎక్స్-షోరూమ్ ధరలు ₹18.70 లక్షల నుంచి ₹31.84 లక్షల వరకు ఉన్నాయి. కాగా, కొత్త ఫేస్లిఫ్ట్ మోడల్ ధర కొద్దిగా పెరిగే అవకాశం ఉంది. అయినప్పటికీ ప్రధాన నగరాల్లో ఎంట్రీ పెట్రోల్ వేరియంట్ ఆన్-రోడ్ ధర ₹30 లక్షల లోపే ఉండేలా కనిపిస్తోంది. బడ్జెట్ ప్లాన్ చేసుకొనేవారికి.. ₹20 లక్షల లోన్ తీస్కొని 5 ఏళ్ల కాలపరిమితి ఎంచుకుంటే, 10 శాతం వడ్డీతో నెలకు సుమారు ₹42,500 ఈఎంఐ పడుతుంది. అదే 12 శాతం వడ్డీకి అయితే దాదాపు ₹44,500 వరకు ఉంటుంది. మీరు తీసుకునే లోన్ మొత్తాన్ని బట్టి ఈ గణాంకాలు మారుతాయి.
ఇంజిన్ ఆప్షన్లు: స్ట్రాంగ్-హైబ్రిడ్, ఫ్లెక్స్-ఫ్యూయెల్ సంచలనం
ఇంజిన్ పరంగా పాత ఆప్షన్లే కొనసాగే అవకాశం ఉంది. వీటిలో CVT గేర్బాక్స్తో వచ్చే 2.0-లీటర్ పెట్రోల్, e-CVTతో లభించే 2.0-లీటర్ స్ట్రాంగ్-హైబ్రిడ్ ఇంజిన్లు ప్రధానమైనవి. 2023లో టోయోటా ప్రదర్శించిన హైక్రాస్ ప్రొటోటైప్ను బట్టి చూస్తే.. ఇందులో ‘ఫ్లెక్స్-ఫ్యూయెల్’ (Flex-Fuel) స్ట్రాంగ్-హైబ్రిడ్ వెర్షన్ను కూడా పరిచయం చేసే అవకాశం ఉందని టాక్ నడుస్తోంది. అయితే ఇంధన మిశ్రమానికి తగిన సాంకేతికత, లాంచ్ టైమ్లైన్పై ఇంకా క్లారిటీ లేదు. టోయోటా అధికారికంగా ప్రకటించే వరకు ఫ్లెక్స్-ఫ్యూయెల్ను ఒక అంచనాగా మాత్రమే చూడాలి.
పోటీదారులు.. ఫ్యామిలీ బయర్ల బడ్జెట్ లెక్కలు
ఈ ఫేస్లిఫ్ట్ హైక్రాస్ ఎంపీవీ (MPV) సౌకర్యంతో పాటు ఎస్యూవీ (SUV) బడ్జెట్లో కస్టమర్లకు లభించనుంది. దీనికంటే తక్కువ ధరకే కియా క్యారెన్స్ అందుబాటులో ఉన్నప్పటికీ.. హైక్రాస్లో ఉన్నంత స్పేస్, హైబ్రిడ్ టెక్నాలజీ అందులో ఉండవు. ప్రత్యామ్నాయంగా చూస్తే, మహీంద్రా XUV 7XO (ధర ₹13.66–25.79 లక్షలు), టాటా సఫారీ (ధర ₹13.40–26.91 లక్షలు) గట్టి పోటీ ఇస్తున్నాయి. అయినప్పటికీ, ఎక్కువగా ప్రయాణించే ఫ్యామిలీలకు హైక్రాస్ హైబ్రిడ్ ఇచ్చే రియల్ వరల్డ్ మైలేజ్.. దీని ఎక్కువ ధరను కవర్ చేస్తుంది.
డీలర్ల వద్ద పరిస్థితి.. డెలివరీ ప్లానింగ్
వెయిటింగ్ పీరియడ్ నగరాలను బట్టి మారుతోంది. ఇటీవలి డీలర్ సర్వే ప్రకారం ఘాజియాబాద్లో 2 నుంచి 4 నెలలు, ఢిల్లీ, ముంబై, హైదరాబాద్, చెన్నైలలో 3 నుంచి 4 నెలల వెయిటింగ్ ఉంది. అదే పుణే, జైపూర్లలో అయితే ఏకంగా 6 నుంచి 8 నెలల సమయం పడుతోంది. మీరు డిసెంబర్లోనే కారు డెలివరీ కోరుకుంటుంటే.. నవంబర్ 25న కారు రివీల్ కాకముందే VIN అలాట్మెంట్ టైమ్లైన్ను లిఖితపూర్వకంగా తీసుకోవడం, నచ్చిన కలర్ ఎంచుకునేలా ఫ్లెక్సిబిలిటీ కలిగి ఉండటం, ఫైనాన్స్ ప్రీ-అప్రూవల్ తెచ్చుకోవడం మంచిది.


Click it and Unblock the Notifications
