బస్సులు, రైళ్లను మర్చిపోయేలా చేస్తున్న కారు.. 26 కి.మీ మైలేజ్! రెండు కుటుంబాలకు సరిపోద్ది

ప్రస్తుతం భారత ఆటోమొబైల్ మార్కెట్‌లో 7-సీటర్ కార్లకు డిమాండ్ రోజు రోజుకూ పెరుగుతున్న వేళ, టయోటా రూమియన్ (Toyota Rumion) ఒక ప్రత్యేక స్థానాన్ని సంపాదించుకుంది. కుటుంబ అవసరాలకు సరిపోయే విస్తృత స్థలం, నమ్మకమైన పనితీరు, అలాగే సరసమైన నిర్వహణ ఖర్చులు కలిపి ఈ కారును చాలా మందికి ఫస్ట్ చాయిస్‌గా మార్చేశాయి. Toyota ఈ మోడల్‌ను, మారుతి సుజుకి ఎర్టిగా ప్లాట్‌ఫారమ్‌పై ఆధారపడి, తన ప్రత్యేక డిజైన్ టచ్‌తో రీ-బ్యాడ్జ్ చేసి మార్కెట్లోకి తీసుకువచ్చింది. అయితే కేవలం రీబ్యాడ్జ్ మోడల్‌గా కాకుండా, తన బ్రాండ్ విశ్వసనీయతతో రూమియన్‌కు ప్రత్యేక గుర్తింపును తీసుకురావడంలో టయోటా సక్సెస్ అయింది. ఈ కారు మార్కెట్లో ఎంతగా ఆదరణ పొందుతోందో చెప్పడానికి తాజా సేల్స్ ఫిగర్స్ చాలు.

2026 మార్చి నెలలో మాత్రమే రూమియన్ 3,892 యూనిట్ల అమ్మకాలను నమోదు చేసింది. ఇది ఒక సాధారణ సంఖ్య కాదు, MPV సెగ్మెంట్‌లో పోటీ తీవ్రంగా ఉన్నప్పటికీ, ఈ స్థాయిలో అమ్మకాలు సాధించడం అంటే వినియోగదారుల నమ్మకాన్ని గెలుచుకున్నట్టే. ముఖ్యంగా ఫ్యామిలీ కార్ కోసం చూస్తున్నవారికి ఇది పర్ఫెక్ట్ ప్యాకేజీగా మారింది. ఇక ఈ వృద్ధి నిజంగా ఎంత పెద్దదో అర్థం చేసుకోవాలంటే గత ఏడాది డేటాను ఒకసారి చూడాలి.

2025 మార్చిలో ఇదే Toyota Rumion కేవలం 1,793 యూనిట్లు మాత్రమే అమ్ముడైంది. కానీ కేవలం ఒక సంవత్సరంలోనే ఈ సంఖ్య దాదాపు రెట్టింపు కాకుండా, 117 శాతం పెరుగుదలను నమోదు చేయడం నిజంగా విశేషం. ఇది కేవలం సంఖ్యల పెరుగుదల కాదు, మార్కెట్లో రూమియన్‌కు ఏర్పడుతున్న బలమైన డిమాండ్‌కు స్పష్టమైన ఉదాహరణ. ఈ వృద్ధి వెనుక ఉన్న ముఖ్య కారణాలు కూడా స్పష్టంగానే కనిపిస్తున్నాయి.

విశాలమైన కేబిన్, 7 మంది సౌకర్యంగా కూర్చోగల సామర్థ్యం, టయోటా బ్రాండ్‌పై వినియోగదారులకు ఉన్న విశ్వాసం కలిసి ఈ కారును మార్కెట్లో ఒక సేఫ్, స్మార్ట్ చాయిస్‌గా నిలబెట్టాయి. ఈ కారు ముఖ్యంగా బస్సులు, రైళ్లను మర్చిపోయేలా చేస్తుంది. ఇది ఇంట్లో ఉంటే వాటి అవసరం చాలా తక్కువగా ఉంటుంది. ఎందుకంటే ఒక పెద్ద కుటుంబం మొత్తం కూడా ఈ కారులో హాయిగా ప్రయాణించవచ్చు.

ఈ కార్ ఎంట్రీ-లెవల్ వేరియంట్ ధర రూ. 9.55 లక్షల నుంచే ప్రారంభమవుతుండటం పెద్ద ప్లస్ పాయింట్. అదే సమయంలో టాప్ వేరియంట్ ధర రూ. 13.86 లక్షల వరకు ఉంటుంది (ఎక్స్-షోరూమ్). ఈ ధరలో 7-సీటర్ కంఫర్ట్, ప్రీమియం ఫీచర్లు ఒకే ప్యాకేజీలో లభించడం అరుదైన విషయం. ఇంజిన్ విషయానికి వస్తే, రూమియన్‌లో ఉన్న 1.5 లీటర్ నాచురల్లీ ఆస్పిరేటెడ్ పెట్రోల్ ఇంజన్ ఈ కార్‌కు ప్రధాన బలం.

ఇది 102 bhp పవర్, 137 Nm టార్క్‌ను ఉత్పత్తి చేస్తూ సిటీ డ్రైవ్‌లోనూ, హైవేల్లోనూ స్మూత్, నమ్మకమైన అనుభవాన్ని అందిస్తుంది. డ్రైవింగ్ స్టైల్‌కు అనుగుణంగా ఎంపిక చేసుకునేలా 5-స్పీడ్ మాన్యువల్, 6-స్పీడ్ టార్క్ కన్వర్టర్ ఆటోమేటిక్ గేర్‌బాక్స్ ఆప్షన్లు అందుబాటులో ఉన్నాయి. ఈ ఫ్లెక్సిబిలిటీ వల్ల రూమియన్ విభిన్న రకాల వినియోగదారులకు సరిపోయేలా మారింది. మైలేజ్ విషయంలో కూడా ఈ MPV ఆకట్టుకుంటుంది.

మాన్యువల్ వేరియంట్ లీటరుకు 20.11 కిలోమీటర్ల మైలేజీ ఇస్తుండగా, ఆటోమేటిక్ వేరియంట్ మరింత ఎఫిషియంట్‌గా 20.51 కిలోమీటర్ల వరకు అందిస్తుంది. అంటే సౌకర్యం కోసం ఆటోమేటిక్ తీసుకున్నా మైలేజ్‌లో పెద్దగా రాజీ పడాల్సిన అవసరం ఉండదు. ఇంకా CNG ఆప్షన్ కూడా ఉంది. ఈ వేరియంట్‌లో పవర్, టార్క్ కొద్దిగా తగ్గి 87 bhp, 121 Nm వరకు వస్తాయి. ఇది కిలోగ్రాముకు 26.11 కిలోమీటర్ల వరకు మైలేజీ ఇస్తుంది.