డాక్టర్లు, ఇంజినీర్లు ఎక్కువగా ఇష్టపడేకారు..రూ.5లక్షలకే 34కిమీ మైలేజీ..28 రోజుల్లో 15వేల మంది కొన్నారు

సగటు మధ్యతరగతి భారతీయుడి సొంతింటి కల తర్వాత అత్యంత ముఖ్యమైనది సొంత కారు కొనుక్కోవడం. అయితే ప్రస్తుత కాలంలో కార్ల ధరలు ఆకాశాన్ని అంటుతున్నాయి. ఇలాంటి సమయంలో బడ్జెట్ ధరలో లభిస్తూ, అదిరిపోయే మైలేజీని ఇచ్చే కార్ల కోసం జనం కళ్లు కాయలు కాచేలా ఎదురు చూస్తుంటారు. సరిగ్గా ఇదే పాయింట్‌ను క్యాచ్ చేసిన మారుతి సుజుకి తన ఐకానిక్ మోడల్ మరూతి వ్యాగన్ఆర్‎తో మార్కెట్‌ను ఏలుతోంది. ఫిబ్రవరి 2026 నెలలో వెలువడిన సేల్స్ రిపోర్ట్స్ చూస్తుంటే, వ్యాగన్ఆర్ హవా ఏ స్థాయిలో ఉందో అర్థం చేసుకోవచ్చు. ఖరీదైన సెడాన్లు, స్టైలిష్ హ్యాచ్‌బ్యాక్‌లు ఎన్ని ఉన్నా.. సగటు మధ్యతరగతి వాడి ఫేవరెట్ మాత్రం ఎప్పుడూ వ్యాగన్ఆరేనని మరోసారి నిరూపితమైంది.

ఫిబ్రవరి నెలలో ఏకంగా 14,885 మంది వినియోగదారులు వ్యాగన్ఆర్ కారును తమ ఇంటికి తీసుకెళ్లారు. దీనివల్ల ఈ కారు దేశంలోనే అత్యధికంగా అమ్ముడవుతున్న కార్ల జాబితాలో 7వ స్థానాన్ని దక్కించుకుంది. ఆశ్చర్యకరమైన విషయం ఏమిటంటే, చూడటానికి ఎంతో స్టైలిష్‌గా ఉండే మారుతి స్విఫ్ట్, ప్రీమియం హ్యాచ్‌బ్యాక్ అయిన బాలెనో మరియు ఎస్‌యూవీ కింగ్ అయిన మహీంద్రా స్కార్పియోలను కూడా ఈ 'టాల్ బాయ్' హ్యాచ్‌బ్యాక్ వెనక్కి నెట్టేసింది. కేవలం ₹4.98 లక్షల ప్రారంభ ధరతో లభించడమే ఈ కారు సక్సెస్‌కు ప్రధాన కారణం.

వ్యాగన్ఆర్ ఇంతటి ఘన విజయాన్ని సాధించడానికి మరో అతి ముఖ్యమైన కారణం దాని మైలేజీ. పెట్రోల్ ధరలు మండిపోతున్న ఈ రోజుల్లో 33 కిలోమీటర్లకు పైగా మైలేజీ ఇస్తుందంటే ఏ వాహనదారుడు మాత్రం వదులుకుంటాడు? ముఖ్యంగా దీని సీఎన్‌జీ (CNG) వేరియంట్ ఒక కేజీ గ్యాస్‌కు 34.05 కిలోమీటర్ల మైలేజీని ఇస్తుందని కంపెనీ చెబుతోంది. ఇక పెట్రోల్ వేరియంట్లు కూడా లీటరుకు 24 నుంచి 25 కిలోమీటర్ల మైలేజీని అందిస్తున్నాయి. తక్కువ ధరలో ఎక్కువ దూరం ప్రయాణించాలనుకునే మధ్యతరగతి కుటుంబాలకు ఇదొక గొప్ప వరమనే చెప్పాలి.

ఈ కారు కేవలం ధర, మైలేజీకే పరిమితం కాలేదు. ఆధునిక ఫీచర్లతో కూడా వినియోగదారులను ఆకట్టుకుంటోంది. ఇందులో 7-ఇంచుల స్మార్ట్‌ప్లే స్టూడియో టచ్‌స్క్రీన్ ఇన్ఫోటైన్‌మెంట్ సిస్టమ్ ఉంటుంది. దీనికి నావిగేషన్, క్లౌడ్-బేస్డ్ సర్వీసెస్ సదుపాయం కూడా ఉంది. సేఫ్టీ పరంగా చూస్తే డ్యూయల్ ఫ్రంట్ ఎయిర్‌బ్యాగ్‌లు, ఈబీడీతో కూడిన ఏబీఎస్ (ABS with EBD), రివర్స్ పార్కింగ్ సెన్సార్లు వంటి ఫీచర్లు స్టాండర్డుగా వస్తున్నాయి. ఏఎంటీ (AMT) మోడళ్లలో హిల్-హోల్డ్ అసిస్ట్ ఫీచర్ ఉండటం వల్ల కొండ ప్రాంతాల్లో డ్రైవింగ్ చేయడం చాలా సులభతరం అవుతుంది.

ఇంజిన్ విషయానికి వస్తే మారుతి వ్యాగన్ఆర్ రెండు రకాల పెట్రోల్ ఇంజిన్ ఆప్షన్లతో వస్తుంది. ఒకటి 1.0-లీటర్ మూడు సిలిండర్ల ఇంజిన్ కాగా, మరొకటి 1.2-లీటర్ నాలుగు సిలిండర్ల కే-సిరీస్ ఇంజిన్. ఈ రెండూ కూడా డ్యూయల్‌జెట్ డ్యూయల్ వీవీటీ టెక్నాలజీతో పనిచేస్తాయి. దీనివల్ల ఇంజిన్ పనితీరు స్మూత్‌గా ఉండడమే కాకుండా ఇంధన సామర్థ్యం కూడా పెరుగుతుంది. సిటీ ట్రాఫిక్‌లో సులభంగా నడపడానికి వీలుగా ఉండే దీని బాడీ డిజైన్, లోపల ఉండే విశాలమైన లెగ్‌రూమ్ దీనికి అదనపు బలాన్ని ఇస్తున్నాయి.

ధర విషయానికి వస్తే, ఢిల్లీలో దీని బేస్ వేరియంట్ ఎక్స్-షోరూమ్ ధర రూ.4.98 లక్షల నుంచి ప్రారంభమవుతుంది. ఇన్సూరెన్స్, రిజిస్ట్రేషన్ ఇతర ఖర్చులన్నీ కలిపితే ఆన్-రోడ్ ధర సుమారు రూ.5.63 లక్షల వరకు ఉంటుంది. ఒకవేళ మీరు ఫైనాన్స్‌లో తీసుకోవాలనుకుంటే, కేవలం రూ.50,000 డౌన్ పేమెంట్ కట్టి ఈ కారును ఇంటికి తీసుకెళ్లవచ్చు. తక్కువ పెట్టుబడితో సొంత కారు ముచ్చట తీర్చుకోవాలనుకునే వారికి, ముఖ్యంగా టాక్సీ సర్వీసుల నడిపే వారికి వ్యాగన్ఆర్ ఇప్పటికీ నంబర్ వన్ ఛాయిస్‌గా నిలుస్తోంది. అందుకే ఫిబ్రవరి నెలలో కూడా స్విఫ్ట్, బాలెనో వంటి కార్ల జోరును ఇది తగ్గించగలిగింది.