నవంబర్ అమ్మకాల నివేదికను రిలీజ్ చేసిన రాయల్ ఎన్‌ఫీల్డ్, చూసారా !

రెట్రో-క్లాసిక్ బైక్ తయారీదారుగా ప్రసిద్ధి చెందిన రాయల్ ఎన్ఫీల్డ్ 2020 నవంబర్ అమ్మకాల గణాంకాలను విడుదల చేసింది. ఈ గణాంకాల ప్రకారం, గత నెలలో కంపెనీ అమ్మకాలు గత సంవత్సరంతో సమానంగా ఉన్నాయి. కంపెనీ విడుదల చేసిన గణాంకాల ప్రకారం కంపెనీ గత నెలలో 59,084 యూనిట్ల వాహనాలను విక్రయించినట్లు తెలిసింది.

కంపెనీ గత ఏడాది ఇదే నెలలో 58,292 యూనిట్ వాహనాలను విక్రయించింది. రాయల్ ఎన్‌ఫీల్డ్ అమ్మకాలు పెద్దగా పెరగలేదని ఈ గణాంకాలను చూస్తే మనం అర్థం చేసుకోవచ్చు. మొత్తం అమ్మకాలు గమనించినట్లయితే 2020 నవంబర్‌లో కంపెనీ 63,782 బైక్‌లను విక్రయించినాట్లు సమాచారం.

రాయల్ ఎన్‌ఫీల్డ్ గత ఏడాది నవంబర్‌లో 60,411 మోటార్‌సైకిళ్లను విక్రయించింది. కంపెనీ అమ్మకాలు ఈ నెలలో మొత్తం 6 శాతం వృద్ధిని నమోదు చేశాయి. అయితే రాయల్ ఎన్‌ఫీల్డ్ ఎగుమతులు గత నెలలో పెరిగాయి. 2019 నవంబర్‌లో కంపెనీ కేవలం 2,119 యూనిట్లను మాత్రమే విదేశాలకు ఎగుమతి చేయగా, ఈ నవంబర్ 2020 లో కంపెనీ మొత్తం 4,698 యూనిట్లను ఎగుమతి చేసింది. రాయల్ ఎన్‌ఫీల్డ్ చాలా కాలంగా విదేశీ మార్కెట్లపై దృష్టి సారించింది.

రాయల్ ఎన్‌ఫీల్డ్ తన రెండు 650 సిసి బైక్‌లయిన ఎన్‌ఫీల్డ్ హిమాలయన్ మరియు ఇటీవల ప్రారంభించిన రాయల్ ఎన్‌ఫీల్డ్ మీటియోర్ 350 బైకులను ఎక్కువగా ఎగుమతి చేస్తోంది. కొత్త రాయల్ ఎన్‌ఫీల్డ్ మీటియోర్ 350 సిసి ప్లాట్‌ఫామ్‌పై కొత్త ఇంజన్, చాసిస్ మరియు సస్పెన్షన్‌తో నిర్మించబడింది.

రాయల్ ఎన్‌ఫీల్డ్ తన కొత్త మీటియోర్ 350 ను ప్రపంచవ్యాప్తంగా ప్రవేశపెట్టింది మరియు రాయల్ ఎన్‌ఫీల్డ్ ఇటీవలే థాయ్‌లాండ్ నుండి విదేశీ మార్కెట్లకు కొత్త మీటియోర్ 350 ను రవాణా చేయడం ప్రారంభించింది. ఈ కొత్త మీటియోర్ 350 లో ఫైర్‌బాల్, స్టెల్లార్, సూపర్నోవా అనే మూడు వేరియంట్లు అందుబాటులో ఉన్నాయి.

రాయల్ ఎన్‌ఫీల్డ్ మీటియోర్ 350 బైక్ లో 350 సిసి, సింగిల్ సిలిండర్, ఎయిర్-కూల్డ్ ఇంజిన్‌ కలిగి ఉంది. ఈ ఇంజన్ 20.2 బిహెచ్‌పి శక్తిని, 27 ఎన్ఎమ్ టార్క్‌ను అందిస్తుంది. ఈ ఇంజిన్‌తో 5-స్పీడ్ గేర్‌బాక్స్ అందించబడుతుంది. ఏది ఏమైనా రాయల్ ఎన్‌ఫీల్డ్ మీటియోర్ 350 కంపెనీ యొక్క అమ్మకాలను వృద్ధి చేయడంలో సహాయపడుతోంది. ఇది హోండా హైనెస్ సిబి 350 బైక్ కి ప్రత్యర్థిగా కూడా ఉంది.