మార్కెట్ నుండి ఎస్-క్రాస్ ను తొలగించిన మారుతి

మారుతి సుజుకి తమ ప్రీమియమ్ కాంపాక్ట్ ఎస్‌యూవీ ఎస్-క్రాస్ లోని కొన్ని వేరియంట్లను తమ లైనప్‌ నుండి తొలగించింది.

By Anil

Published: Monday, January 30, 2017, 11:56 [IST]

దేశీయ ప్యాసింజర్ కార్ల దిగ్గజం మారుతి సుజుకి తమ ఎస్-క్రాస్ ఎస్‌యూవీని రెండు విభిన్నమైన ఇంజన్ వేరియంట్లలో అందిస్తోంది. అవి, డిడిఐఎస్ 320 మరియు డిడిఐఎస్ 200 -- ఇక్కడ డిడిఐఎస్320 అనగా 1.6-లీటర్ సామర్థ్యం ఉన్న డీజల్ వేరియంట్ మరియు డిడిఐఎస్200 అనగా 1.3-లీటర్ సామర్థ్యం ఉన్న డీజల్ వేరియంట్. అయితే వీటిలో 1.6-లీటర్ వేరియంట్‌ను మార్కెట్ నుండి తొలగించింది.

మారుతి సుజుకి తమ ప్రీమియ్ విక్రయ కేంద్రం నెక్సా ద్వారా తమ ప్రీమియమ్ కాంపాక్ట్ ఎస్‌యూవీ ఎస్-క్రాస్ ను అందుబాటులో ఉంచింది. ఇది సిగ్మా అనే ఎంట్రీ, డెల్టా మరియు జెటా అనే మిడ్ అదే విధంగా ఆల్ఫా అనే టాప్ ఎండ్ వేరియంట్లో లభిస్తోంది.

అయితే ఎస్-క్రాస్ లో టాప్ ఎండ్ వేరియంట్ మినహాయించే మిగిలిన అన్ని వేరియంట్లలో కూడా ఈ 1.6-లీటర్ ఇంజన్ ఉన్న డిడిఐఎస్ 320 శ్రేణి వాహనాలను తొలగించి, టాప్ ఎండ్ వేరియంట్ ఆల్ఫాలో మాత్రమే 12.03 లక్షల ఎక్స్ షోరూమ్ ధరతో అందుబాటులో ఉంచింది.

ఇక ఎస్-క్రాస్ లోని 1.3-లీటర్ సామర్థ్యం ఉన్న డిడిఐఎస్ 200 వేరియంట్లు యథావిధిగా నెక్సా విక్రయ కేంద్రాలలో అందుబాటులో ఉన్నాయి. వీటి ధరల శ్రేణి రూ. 8.78 లక్షల నుండి 10.63 లక్షల మధ్య ఎక్స్ షోరూమ్ (ఢిల్లీ)గా ఉన్నాయి.

ఎక్కువ సామర్థ్యం ఉన్న వాహనాలు ఎంట్రీ లెవల్ వేరియంట్లలో ప్రవేశపెట్టడంతో కస్టమర్లు ఎంచుకోవడానికి కాస్త వెనకాడటం జరిగింది. అయితే టాప్ ఎండ్ వేరియంట్లో 1.6-లీటర్ ఇంజన్ గల ఎస్-క్రాస్ మంచి ఫలితాలనివ్వడం మరియు ఎట్రీలెవల్ వేరియంట్ లోని 1.3-లీటర్ మంచి అమ్మకాలు సాధిస్తుంటడంతో కస్టమర్ల అభిరుచికి తగ్గట్లుగానే 1.6-లీటర్ వేరియంట్‌ను ప్రారంభ వేరియంట్ నుండి తొలగించనున్నట్లు తెలిసింది.

మారుతి తమ నెక్సా విక్రయ కేంద్రాల ద్వారా విడుదల చేసిన మొదటి ఉత్పత్తి ఎస్-క్రాస్ కాంపాక్ట్ ఎస్‌యూవీ. అయిచే ధరలు ఎక్కువగా ఉండటం చేత మారుతి ఎస్-క్రాస్ మీద ఊహించిన అమ్మకాలను సాధించలేకపోయింది.

ఇప్పుడు ప్రతి నెలా 2000 నుండి 2,100 యూనిట్లకు దగ్గరా ఎస్-క్రాస్ విక్రయాలు నమోదవుతున్నాయి. మారుతి యుటిలిటి వాహనాల మార్కెట్లో వితారా బ్రిజా అమ్మకాలు కలిసి రావడంతో ఎస్‌యూవీ సెగ్మెంట్లో మారుతి వాటా స్వల్పమేరకు పెంచుకుంది.

వితారా బ్రిజా విడుదల అనంతరం, ఎస్-క్రాస్ తరహాలో కాకుండా విక్రాయల్లో భారీ దూకుడు సృష్టించింది. అమ్మకాల్లో జోరు లేకపోయినప్పటికీ మారుతి బ్రాండ్ విలువను కలిగి ఉంది ఎస్-క్రాస్. మారుతి సుజుకి ఇండియా లైనప్‌లో ఒక్క మోడల్ ఒక్కో విలువను కలిగి ఉంది.

ఎంట్రీ లెవల్ కార్ల ఉత్పత్తి పేరుగాంచిన మారుతి ఇప్పుడు యుటిలిటి వాహనాల సెగ్మెంట్లో తనదమైన ముద్ర వేసుకుంది. గత ఏప్రిల్-డిసెంబర్ 2016 కాలంలో ఎస్‌యూవీ సెగ్మెంట్లో మారుతి 120 శాతం వృద్దిని సాధించింది మరియు దేశీయ యుటిలిటి సెగ్మెంట్ మార్కెట్లో మారుతి 65 శాతం వాటాను కలిగి ఉంది.

మారుతి సుజుకి తాజాగ నెక్సా షోరూమ్‌లో మరో మోడల్‌ను విడుదల చేసింది. ఎస్-క్రాస్ మరియు బాలెనో అనంతరం విడుదలైన ఇగ్నిస్ క్రాసోవర్ కారు ఫోటోలు గల గ్యాలరీ....