డీజిల్ వెర్షన్ ఎతియోస్, లివాలను విడుదల చేసిన టొయోటా

డి-4డి టెక్నాలజీ టొయోటా అందిస్తున్న అత్యంత అడ్వాన్స్‌డ్ డీజిల్ టెక్నాలజీ, ఈ టెక్నాలజీను ఇన్నోవా, కరోలా ఆల్టిస్, ఫార్చ్యూనర్, ప్రాడో మరియు ఎల్‌సి 200 మోడళ్లలో టొయోటా ఉపయోగిస్తుంది. ఈ టెక్నాలజీ ప్రపంచ వ్యాప్తంగా అధిక నాణ్యతకు, మన్నికకు మరియు విశ్వసనీయతకు మంచి పేరును తెచ్చుకుంది. ఈ టెక్నాలజీ అత్యుత్తమ డ్రైవింగ్ పెర్ఫామెన్స్‌తో పాటుగా మెరుగైన మైలేజీని కూడా ఆఫర్ చేస్తుంది.

అధిక పెర్ఫామెన్స్ కలిగిన ఈ ఇంజన్ ఫ్లాట్ టార్క్‌ను విడుదల చేస్తూ తక్కువ గేర్ షిఫ్టింగ్‌కు కారణమవుతుంది, ఫలితంగా మంచి మైలేజ్ లభిస్తుందని కంపెనీ పేర్కొంది. ఈ ఇంజన్ లీటరుకు 23.59 కిలోమీటర్ల మైలేజీని ఇస్తుందని టొయోటా వెల్లడించింది.

నాలుగు డీజిల్ వేరియంట్లలో లభించే ఎతియోస్ సెడాన్ ధరలు రూ.6.44 లక్షల నుండి రూ.7.87 లక్షలు (ఎక్స్-షోరూమ్ ఢిల్లీ) వరకూ ఉన్నాయి. ఇది జిడి, జిడి (ఎస్‌పి), విడి మరియు విఎక్స్‌డి అనే నాలుగు వేరియంట్లలో లభ్యమవుతుంది.

కాగా.. రెండు వేరియంట్లలో లభించే ఎతియోస్ లివా హ్యాచ్‌బ్యాక్ ప్రారంభ ధర రూ. 5.54 లక్షలు ఎక్స్-షోరూమ్ ఢిల్లీగా ఉంది. ఇది జిడి, జిడి (ఎస్‌పి) అనే రెండు వేరియంట్లలో లభ్యమవుతుంది.