రెనో స్కాలా మీడియా రిలీజ్; సెప్టెంబర్‌లో అసలు విడుదల

భారత్‌లో జపనీస్ కార్ మేకర్ నిస్సాన్ అందిస్తున్న సన్నీ సెడాన్ ఫ్లాట్‌ఫామ్ ఆధారంగా చేసుకొని ఫ్రెంచ్ కార్ మేకర్ రెనో ఓ సరికొత్త సెడాన్ (రెనో స్కాలా)ను అభివృద్ధి చేస్తున్న సంగతి తెలిసిందే. మరి కొద్ది రోజుల్లో మార్కెటోకి రానున్న ఈ కారును కంపెనీ ఇటీవలే మీడియా ముందుంచింది. నిస్సాన్ సన్నీ క్లోన్‌తో వస్తున్న రెనో స్కాలా దాదాపుగా నిస్సాన్ సన్నీ మాదిరిగానే ఉంటుంది.

More Photos

ఇంటీరియర్స్‌లో కూడా దాదాపు నిస్సాన్ సన్నీలో ఉపయోగించిన వాటినే ఇందులోనూ ఉపయోగించారు. సన్నీలో ఉపయోగించిన డ్యాష్ బోర్డ్, రీ బ్యాడ్జ్‌డ్ స్టీరింగ్, స్టీరింగ్‌పై ఆడియో కంట్రోల్స్, లోపలివైపు డోర్ హ్యాండిల్స్, సీట్ కవర్స్ వంటి ఫీచర్లను రెనో స్కాలాలో గమనించవచ్చు. అలాగే, ఇంజన్ విషయంలో కూడా ఇదే విధానాన్ని అనుసరించారు. సెప్టెంబర్ నెలలో దీపావళి కానుకగా రెనో స్కాలా భారత ఆటోమొబైల్ మార్కెట్లో సందడి చేయనుంది.