భారతీయ మార్కెట్లోకి రెనిగేడ్ జీప్ కాంపాక్ట్ యస్‌యువి

By Anil

Updated: Friday, December 18, 2015, 15:43 [IST]

అంతర్జాతీయంగా జీపులకు మంచి బ్రాండ్ గా పేరు గల ఫియట్ క్రిస్లర్ ఆటోమొబైల్స్(ఎఫ్‌సిఎ) వారు భారతీయ మార్కెట్లోకి తమ జీపులను పరిచయం చేయాలని భావిస్తున్నారు. అందుకోసం 2016 లో జరగబోయే ఢిల్లీ ఆటో ఎక్స్‌‌-పో ను వేదికగా చేసుకుంటున్నారు. ఈ ఆటో ఎక్స్‌-పో ద్వారా తమ కాంపాక్ట్ యస్‌‌యువి జీప్ రెనిగేడ్ ను ప్రదర్శించనున్నారు.
మరింత చదవండి: భారతీయ మార్కెట్లో అమ్మకాలను విరమించుకున్న టాప్-10 మోడల్స్

ఫియట్ క్రిస్లర్ ఆటోమొబైల్స్ వారు ఇండియన్ మార్కెట్లోకి తమ జీప్ రెనిగేడ్ ద్వారా ప్రవేశిస్తున్నారు. ఇప్పుడిప్పుడే భారతీయులు వ్యక్తిగతంగా జీపులను ఉపయోగించడానికి ఎక్కువగా ఇష్టపడుతున్నారు. దీని దృష్ట్యా వీరు భారతీయ మార్కెట్లోకి అడుగుపెడుతున్నారని తెలిస్తోంది. ఈ జీప్ రెనిగేడ్ గురించి మరింత సమాచారం క్రింది కథనం ద్వారా తెలుసుకుందాం రండి.

యువత కోసం

రెనిగేడ్ జీపును భారత్ కు దిగుమతి చేసుకోవడం కూడా జరిగింది. దీనిని 2016 ఆటో ఎక్స్-పోలో ప్రదర్శించిన తరువాత అమ్మకాలకు సిద్దం చేయాలని ఫియట్ క్రిస్లర్ ఆటోమొబైల్స్ సంస్థ నిర్ణయం తీసుకుంది. ముఖ్యంగా దేశంలో ఉన్న యువత కోసం దీనిని ప్రత్యేకంగా రూపొందించినట్లు తెలిపారు.

ఇంజన్

దిగుమతి చేసుకుంటున్న ఈ జీప్ రెనిగేడ్ లో 2.0-లీటర్ ఎమ్‍‌‌‌జెడి 2 డీజల్ ఇంజన్ కలదు. దీని పని తీరు అంతర్జాతీయ మార్కెట్లో ఉన్న జీపు కన్నా కొంత డిఫరెంట్‌గా ఉంటుందని తెలిపారు.

ట్రాన్స్‌‌మిషన్

ఇందులో గల ఇంజన్ 9-స్పీడ్ ఆటోమేటిక్ ట్రాన్స్‌మిషన్ ను కలిగి ఉంది. అయితే ఇందులో మ్యాన్యువల్ ట్రాన్స్‌మిషన్ ఆప్షన్ లేదన్నారు.

డిజైన్

దీని బాహ్య భాగాలు ఎంతో ప్రత్యేకంగా తయారు చేయబడ్డాయి. ఈ కాంపాక్ట్ యస్‌యువి రూపం మన భారతీయుల అభిరుచికి దగ్గరా ఉండే విధంగా రూపొందించారు.

మొత్తం మీద దీని డిజైన్ స్మూత్ అండ్ స్టైలిష్ అని చెప్పవచ్చు.

మరిన్ని మోడల్స్

2016 లో జరిగే ఆటో ఎక్స్-పోలో జీప్ రెనిగేడ్ తో పాటుగా వ్రాంగ్లర్ మరియు చెరోకీ యస్‌‌యువి వంటి మోడల్స్‌ను ప్రదర్శించనున్నారు. ఇలాంటి జీపులకు చెందిన సమాచారం కోసం డ్రైవ్‌స్పార్క్‌తో కలిసి ఉండండి.