మతి పోగొడుతున్న న్యూ మారుతి సియాజ్ ఫేస్‌‌లిఫ్ట్

ఈ కొత్త తరం 2018 మారుతి సియాజ్ ఫేస్‌లిఫ్ట్ కారు ధర ప్రస్తుతం ఉన్న మోడల్‌తో పోల్చుకుంటే కాస్త అధికంగా ఉండే అవకాశం ఉంది. ఢిల్లీ మరియు కేంద్ర రాజధాని పరిధిలో ఉన్న పలు నెక్సా డీలర్లు రూ. 11,000 ధరతో బుకింగ్స్ ఆహ్వానిస్తున్నట్లు తెలిసింది.

ప్రస్తుతం ఉన్న సియాజ్‌తో పోల్చుకుంటే సియాజ్ ఫేస్‌లిఫ్ట్ ఎక్ట్సీరియర్‌లో పలు కాస్మొటిక్ మార్పులు చోటు చేసుకున్నాయి. సియాజ్ ముందు వైపున రీడిజైన్ చేయబడిన ఫ్రంట్ బంపర్ మరియు చతుర్భుజాకారంలో ఉన్న ఫ్రంట్ గ్రిల్‌తో పాటు సరికొత్త ఎల్ఈడీ డే టైం రన్నింగ్ ల్యాంప్స్ కూడా ఉన్నాయి.

ఫాగ్ ల్యాంప్స్ చుట్టూ క్రోమ్ మెరుగులు ఉన్నాయి మరియు కండలు తిరిగిన రూపాన్ని గుర్తించవచ్చు. బానెట్ మీద అద్దం నుండి ఫ్రంట్ గ్రిల్ వరకు క్యారెక్టర్ లైన్స్ ఉన్నాయి. కారు సైడ్ ప్రొఫైల్ విషయానికి వస్తే ఎలాంటి మార్పులు జరగలేదు. వెనుక వైపున రీడిజైన్ చేయబడిన టెయిల్ ల్యాంప్ హౌసింగ్ మరియు బంపర్ ఉన్నాయి.

రహ్యంగా లీకైన ఫోటోల ద్వారా ఇంటీరియర్‌ను పరిశీలిస్తే, డ్యాష్‌బోర్డు మీద లైట్ కలర్ ఫాక్స్ వుడ్ లేయర్ గమనించవచ్చు. క్రూయిజ్ కంట్రోల్, స్టీరింగ్ వీల్ మీద పలు రకాల బటన్స్, ఆపిల్ కార్‌ప్లే మరియు ఆండ్రాయిడ్ ఆటో అప్లికేషన్లను సపోర్ట్ చేయగల పెద్ద పరిమాణంలో ఉన్న టచ్‌స్క్రీన్ ఇన్ఫోటైన్‌మెంట్ సిస్టమ్ వంటి ఫీచర్లు ఉన్నాయి.

2018 మారుతి సియాజ్ ఫేస్‌లిఫ్ట్‌లో అధునాతన 1.5-లీటర్ కెపాసిటి గల కె15బి పెట్రోల్ ఇంజన్‌‌ కలదు. 5-స్పీడ్ మ్యాన్యువల్ లేదా 4-స్పీడ్ ఆటోమేటిక్ ట్రాన్స్‌మిషన్ అనుసంధానం గల ఇంజన్ గరిష్టంగా 103బిహెచ్‌పి పవర్ మరియు 138ఎన్ఎమ్ టార్క్ ప్రొడ్యూస్ చేస్తుంది.

డీజల్ ప్రియుల కోసం అదే మునుపటి 1.3-లీటర్ డిడిఐస్ డీజల్ ఇంజన్‌ను యధావిధిగా వస్తోంది. కేవలం 5-స్పీడ్ మ్యాన్యువల్ గేర్‌బాక్స్‌తో మాత్రమే లభించే ఇది గరిష్టంగా 89బిహెచ్‌పి పవర్ మరియు 200ఎన్ఎమ్ టార్క్ ప్రొడ్యూస్ చేస్తుంది.

ఇండియన్ మార్కెట్లోని మిడ్-సైజ్ సెడాన్ సెగ్మెంట్లో మారుతి సియాజ్ సెడాన్ అత్యధిక విక్రయాలు సాధిస్తోంది. భారీ మార్పులు చేర్పులతో వస్తున్న ఫేస్‌లిఫ్ట్ వెర్షన్‌ పూర్తి స్థాయిలో విడుదలైతే భారీ సేల్స్ సాధించడం ఖాయం.

డ్రైవ్‌స్పార్క్ తెలుగు అభిప్రాయం!

మారుతి సుజుకి సియాజ్ ఫేస్‌లిఫ్ట్ ప్రీమియం సెడాన్ కారుగా మరో సంచనలం సృష్టించనుంది. అధునాతన ఎక్ట్సీరియర్ మరియు ఇంటీరియర్‌‌తో పాటు పలు సేఫ్టీ ఫీచర్ల జోడింపుతో పోటీదారులకు చుక్కలు చూపెట్టనుంది. 2018 సియాజ్ కారు హోండా సిటీ, హ్యుందాయ్ వెర్నా మరియు టయోటా యారిస్ మోడళ్లకు గట్టి పోటీనిస్తుంది.