భారత్‌కు దిగుమతి అవుతున్న సుజుకి జిమ్నీ; త్వరలోనే మారుతి జీప్ విడుదల!

ఢిల్లీ ఆటో ఎక్స్‌పో 2020 మారుతి సుజుకి త్రీ-డోర్ వెర్షన్ సుజుకి జిమ్నీని ప్రదర్శనకు ఉంచింది. ఆ సమయంలో ఈ మోడల్ అందరి దృష్టిని ఆకట్టుకుంది. అయితే, ఇండియాలో మాత్రం ఫైవ్-డోర్ వెర్షన్ మార్కెట్లో విడుదల కావచ్చనే వార్తలు వినిపిస్తున్నాయి.

టీమ్-బిహెచ్‌పి రిపోర్ట్ ప్రకారం, మారుతి సుజుకి ఇండియా లిమిటెడ్ ఇప్పటికే సుజుకి జిమ్నీ మోడల్‌లో అనేక వేరియంట్‌లను దిగుమతి చేసుకుని, కస్టమ్స్ మరియు ఇతర క్లియరెన్స్ సర్టిఫికెట్ల కోసం వేచి ఉన్నట్లు సమాచారం. ఈ మోడల్‌ను సికెడి (కంప్లీట్లీ నాక్డ్ డౌన్) యూనిట్ రూపంలో పూర్తి విడిభాగాలను విదేశాల నుంచి దిగుమతి చేసుకొని, ఇండియాలో అసెంబ్లింగ్ చేయనున్నారు.

MOST READ:ఈ ఏడాది సరికొత్త రోల్స్ రాయిస్ ఘోస్ట్ ఆవిష్కరణ - వివరాలు

సుజుకి జిమ్నీ ఎస్‌యూవీని భారతదేశం నుండి ఇతర మార్కెట్లకు ఎగుమతి చేయడానికి సుమారు 4,000 మరియు 5,000 యూనిట్ల ఇక్కడే అసెంబ్లింగ్ చేయాలని కంపెనీ యోచిస్తోంది.

ఫైవ్-డోర్ వెర్షన్ సుజుకి జిమ్నీ కారులో 1.5 లీటర్ కె15 పెట్రోల్ ఇంజన్‌ను ఉపయోగించనున్నారు. ఈ ఇంజన్ గరిష్టంగా 100 బిహెచ్‌పి శక్తిని, 130 ఎన్ఎమ్ టార్క్‌ని ఉత్పత్తి చేస్తుందని అంచనా. ఈ ఇంజన్ 4-స్పీడ్ ఆటోమేటిక్ మరియు 5-స్పీడ్ మాన్యువల్ గేర్‌బాక్స్ ఆప్షన్లతో అందుబాటులోకి రానుంది.

MOST READ:భారత అమ్ములపొదలో చేరిన మరో బ్రహ్మాస్త్రం : రాఫెల్ ఫైటర్ జెట్స్

అంతర్జాతీయ మార్కెట్లలో విక్రయించబడుతున్న సుజుకి జిమ్నీ మోడళ్లలో సుజుకి యొక్క స్మార్ట్‌ప్లే టచ్‌స్క్రీన్ ఇన్ఫోటైన్‌మెంట్ సిస్టమ్, మల్టీ-ఫంక్షనల్ స్టీరింగ్ వీల్, ఎలక్ట్రానిక్ అడ్జస్టబల్ సైడ్ మిర్రర్స్, 15-ఇంచ్ అల్లాయ్ వీల్స్ మరియు ప్రొజెక్టర్ హెడ్‌ల్యాంప్స్ వంటి ఫీచర్లు ఉన్నాయి.

ఇంటర్నేషనల్ మోడళ్లలో లభించే ఆల్-గ్రిప్ 4 డబ్ల్యుడి సిస్టమ్ (ఆల్-వీల్ డ్రైవ్ సిస్టమ్) భారతదేశంలో విక్రయించే జిమ్మీలో లభిస్తుందో లేదో వేచి చూడాలి. సుజుకి జిమ్నీ భారత మార్కెట్లో విడుదలైన తర్వాత, ఈ ఎస్‌యూవీని దేశవ్యాప్తంగా మారుతి సుజుకి నెక్సా ప్రీమియం అవుట్‌లెట్ల ద్వారా విక్రయించే అవకాశం ఉంది.

MOST READ:పిల్లల కోసం బుగట్టి బేబీ 2 ఎలక్ట్రిక్ కార్

మారుతి అందిస్తున్న జిప్సీ సిరీస్‌కు దిగువన సుజుకి జిమ్నీని ప్రవేశపెట్టవచ్చని తెలుస్తోంది. వచ్చే 2021లో ఈ వాహనం ఏదో ఒక సమయంలో భారత మార్కెట్లో విడుదల కావచ్చని అంచనా. దేశీయ విపణిలో సుజుకి జిమ్మీ ధరలు రూ.12 లక్షల నుంచి రూ.15 లక్షల మధ్య (ఎక్స్-షోరూమ్)లో ఉండొచ్చని భావిస్తున్నారు.

ఇక మారుతి సుజుకి సంబంధించిన ఇతర వార్తలను గమనిస్తే, కంపెనీ విక్రయిస్తున్న బాలెనో మోడల్‌లో కొత్త ఇంజన్‌ను ఆప్షన్‌ను ప్రవేశపెట్టేందుకు కంపెనీ సన్నాహాలు చేస్తోంది. ఇప్పటికే ఈ మోడల్‌ను భారత రోడ్లపై కంపెనీ టెస్ట్ చేస్తోంది. - మరింత సమాచారం కోసం ఈ లింకుపై క్లిక్ చేయండి.

MOST READ:ఇలా అయితే ఆగస్ట్ 1 నుంచి బస్ సర్వీసులు నిలిపివేస్తాం!

సుజుకి జిమ్నీ ఎస్‌యూవీ భారత్ రాకపై డ్రైవ్‌స్పార్క్ అభిప్రాయం.

ఒకవేళ ఇదే నిజమైతే, ఇంత గొప్ప వార్త మరొకటి లేదు. అంతర్జాతీయ మార్కెట్లలో అత్యంత పాపులర్ అయిన ఈ జీప్ స్టయిల్ సుజుకి జిమ్నీ మంచి ఆఫ్-రోడింగ్ లక్షణాలను కలిగి ఉంటుంది. ఆటో ఎక్స్‌పో ద్వారా సుజుకి జిమ్మీ దేశంలో భారీ ఫాలోయింగ్‌ని సంపాధించుకుంది. భారత్‌లో ఈ మోడల్ జిప్సీ పేరుతో కాకుండా జిమ్మీ పేరుతోనే విక్రయిస్తే బాగుంటుందనేది మా అభిప్రాయం.