'తగిన' మేర పెరగనున్న టాటా వాహనాల ధరలు; వివరాలు

కాగా, ఇప్పటికే ఈ విభాగంలో వాహనాలను అందిస్తున్న మహీంద్రా, ఇసుజు బ్రాండ్‌లు కూడా తమ వాణిజ్య వాహనాల ధరలను పెంచుతున్నట్లు ప్రకటించాయి.

ముడి పదార్థాల ధరలు పెరగడం ఫలితంగా, ఇన్‌పుట్ ఖర్చులు అధికం కావటం అలాగే, ఫోరెక్స్ ప్రభావం మరియు వాహనాలను బిఎస్6 నిబంధనలకు అనుగుణంగా అప్‌గ్రేడ్ చేయడం వంటి పలు కారణాల వలన ధరలను పెంచక తప్పడం లేదని టాటా మోటార్స్ తెలిపింది.

ఈ మేరకు టాటా మోటార్స్ విడుదల చేసిన అధికారిక ప్రకటనలో "కంపెనీ ఇప్పటివరకు ఖర్చులను అదనంగా గ్రహిస్తోంది, కానీ మార్కెట్ ధోరణికి అనుగుణంగా అవి స్థిరంగా పెరగడంతో, ధరల పెరుగుదలలో కొంత భాగాన్ని తగిన ధరల సవరణల ద్వారా వినియోగదారులకు బదిలీ చేయటం అత్యవసరం" అని పేర్కొంది.

అయితే, టాటా మోటార్స్ తమ వాణిజ్య వాహనాల ధరలను ఎంత మేర పెంచుతామనే విషయాన్ని ఇంకా వెల్లడించలేదు. ఇందుకు సమాధానంగా కంపెనీ ‘తగిన' మేర ధరలను సవరిస్తామని పేర్కొంది. ఈ ధరల పెరుగుదల మోడల్, వేరియంట్ మరియు ఎంచుకున్న ఇంధన రకంపై ఆధారపడి ఉంటుందని వివరించింది.

టాటా మోటార్స్ తమ వాణిజ్య వాహనాల పోర్ట్‌ఫోలియోలో మీడియం మరియు హెవీ కమర్షియల్ వెహికల్స్ (ఎమ్ అండ్ హెచ్‌సివి), ఇంటర్మీడియట్ అండ్ లైట్ కమర్షియల్ వెహికల్స్ (ఐ అండ్ ఎల్‌సివి), చిన్న వాణిజ్య వాహనాలు (ఎస్‌సివి) మరియు బస్సులను భారత మార్కెట్లో విక్రయిస్తోంది.

కాగా, టాటా మోటార్స్ భారత మార్కెట్లో తమ ప్యాసింజర్ వాహనాల విభాగానికి సంబంధించి ధరల పెంపును ఇంకా ప్రకటించలేదు. దేశంలోని ఇతర కార్ బ్రాండ్ల మాదిరిగానే టాటా మోటార్స్ కూడా కొత్త సంవత్సరంలో తమ వాహనాల ధరను పెంచవచ్చని తెలుస్తోంది. త్వరలోనే కంపెనీ దీనిపై కూడా ఓ ప్రకటన విడుదల చేసే అవకాశం ఉంది.

ప్యాసింజర్ వాహన విభాగంలో ఇప్పటికే మారుతి సుజుకి, మహీంద్రా అండ్ మహీంద్రా, హోండా కార్స్ ఇండియా. హ్యుందాయ్ ఇండియా వంటి కంపెనీలు జనవరిలో తమ వాహనాల ధరలను పెంచనున్నట్లు ప్రకటించాయి. అలాగే, లగ్జరీ కార్ మార్కెట్లో బిఎమ్‌డబ్ల్యూ, ఆడి వంటి కంపెనీలు కూడా వచ్చే నెల నుంచి ధరలను పెంచనున్నట్లు ప్రకటించిన విషయం తెలిసినదే.

ఇక టాటా మోటార్స్‌కి సంబంధించిన ఇటీవలి వార్తలను గమనిస్తే, టాటా హారియర్ ఎస్‌యూవీని ఆధారంగా చేసుకొని కంపెనీ ఇందులో గ్రావిటాస్ పేరిట ఓ కొత్త 7-సీటర్ ఎస్‌యూవీని అభివృద్ధి చేస్తోంది. కంపెనీ ఈ కారును తొలిసారిగా ఎలాంటి క్యామోఫ్లేజ్‌ లేకుండా టెస్ట్ చేస్తోంది. - మరిన్ని వివరాల కోసం ఈ లింకుపై క్లిక్ చేయండి.