2021 ఏప్రిల్‌లో భారీగా తగ్గిన కమర్షియల్ వెహికల్ సేల్స్; కారణం ఇదే

కార్లు మరియు బైకుల అమ్మకాలు మాత్రమే కాదు, ప్రస్తుతం కమర్షియల్ అమ్మకాలు కూడా బాగా పడిపోయాయి. ఇప్పుడు 2021 ఏప్రిల్ నెలలో జరిగిన కమర్షియల్ వెహికల్ అమ్మకాలు గణాంకాలను పరిశీలిస్తే, చాలా వరకు తగ్గుముఖం పట్టాయని స్పష్టంగా అర్థమవుతుంది.

ప్రస్తుతం కరోనా మహమ్మరి కారణంగా 2020 లో లాక్ డౌన్ విధించిన సంగతి తెలిసిందే, ఈ లాక్ డౌన్ కారణంగా 2020 ఏప్రిల్‌లో ఏ ఒక్క కంపెనీ కూడా ఒక్క వాహనాన్ని విక్రయించలేదు. అయితే ఇటీవల వెలువడిన నివేదికల ప్రకారం, అన్ని వాణిజ్య వాహనాల తయారీదారులు 2021 ఏప్రిల్ నెలలో 38,104 యూనిట్లను విక్రయించినట్లు తెలుస్తోంది.

ఈ ఏడాది మార్చిలో 76,053 యూనిట్ల కమర్షియల్ వాహనాల విక్రయం జరిగింది. గత నెలలో కమర్షియల్ వాహన అమ్మకాలు దాదాపు 49.90% పడిపోయాయని తెలుస్తోంది. ఈ విధంగా తగ్గిపోవడానికి ప్రధాన కారణం కరోనా వైరస్ సంక్రమణ.

MOST READ:ఆక్సిజెన్ ట్యాంకర్లను దొంగిలిస్తున్నారు.. జిపిఎస్ ట్రాకర్‌తో అక్రమాలకు చెక్..

దేశంలో అతిపెద్ద కమర్షియల్ వాహనాల తయారీ సంస్థ టాటా మోటార్స్ ప్రకారం, 2021 ఏప్రిల్ నెలలో 14,435 యూనిట్ల వాణిజ్య వాహనాలను విక్రయించి ఈ జాబితాలోనే మొదటి స్థానంలో నిలిచింది. ఇదే 2021 మార్చిలో కంపెనీ 36,955 యూనిట్లను విక్రయించింది. మార్చితో పోలిస్తే ఏప్రిల్‌లో కంపెనీ అమ్మకాలు 60.94% పడిపోయాయి.

ఈ జాబితాలో మహీంద్రా & మహీంద్రా రెండవ స్థానంలో ఉంది. కంపెనీ గణాంకాల ప్రకారం, మహీంద్రా అండ్ మహీంద్రా ఏప్రిల్ నెలలో 14,104 యూనిట్ల కమర్షియల్ వాహనాలను విక్రయించింది. ఇదే మార్చిలో కంపెనీ 17,116 యూనిట్లను విక్రయించింది. గత ఏడాది ఇదే నెలతో పోల్చితే మహీంద్రా అమ్మకాలు 17.60 శాతం తగ్గాయి.

కమర్షియల్ వాహనాల జాబితాలో అశోక్ లేలాండ్ మూడవ స్థానంలో ఉంది. అశోక్ లేలాండ్ వాణిజ్య వాహన అమ్మకాలు గత నెలలో 49.49% పడిపోయాయి. అశోక్ లేలాండ్ ఏప్రిల్‌లో 7,961 యూనిట్లను మాత్రమే విక్రయించింది, గత ఏడాది ఇదే నెలలో 15,761 యూనిట్లను విక్రయించింది.

వోల్వో-ఐషర్ కమర్షియల్ వెహికల్ గ్రూప్ ఈ జాబితాలో చివరి స్థానంలో ఉంది. ఈ కంపెనీ విడుదల చేసిన గణాంకాల ప్రకారం 2021 ఏప్రిల్‌లో మొత్తం 1,604 యూనిట్లను విక్రయించింది. మార్చిలో కంపెనీ మొత్తం 6,221 యూనిట్లను విక్రయించింది. మార్చితో పోలిస్తే ఏప్రిల్‌లో కంపెనీ అమ్మకాల పరిమాణం 74.22% తగ్గింది.