భారత్‌లో అత్యంత సరసమైన కాంపాక్ట్ ఎస్‌యూవీలు: సోనెట్, మాగ్నైట్, కైగర్, నెక్సాన్..

ఈ కథనంలో భారత మార్కెట్లో లభిస్తున్న అత్యంత సరసమైన టాప్ కాంపాక్ట్ ఎస్‌యూవీల గురించి తెలుసుకుందాం రండి..!

1. రెనో కైగర్

ఫ్రెంచ్ కార్ బ్రాండ్ కొద్ది రోజుల క్రితమే కైగర్ అనే సబ్-4 మీటర్ కాంపాక్ట్ ఎస్‌యూవీ భారత మార్కెట్లో విడుదల చేసింది. ఈ మోడల్ కోసం ఇప్పటికే అధికారికంగా బుకింగ్‌లు మరియు టెస్ట్ డ్రైవ్‌లు కూడా ప్రారంభమయ్యాయి.

మార్కెట్లో రెనో కైగర్ ధరలు రూ.5.45 లక్షల నుండి రూ.9.55 లక్షల మధ్యలో ఉన్నాయి. ఈ మోడల్ రెండు ఇంజన్లు, మూడు గేర్‌బాక్స్ ఆప్షన్లతో అందుబాటులో ఉంది. - ఈ మోడల్‌కి సంబంధించిన పూర్తి సమాచారం కోసం ఈ లింకుపై క్లిక్ చేయండి.

2. నిస్సాన్ మాగ్నైట్

నిస్సాన్ ఇండియా గడచిన డిసెంబర్ 2020 నెలలో తమ మాగ్నైట్ కాంపాక్ట్ ఎస్‌యూవీని భారత మార్కెట్లో విడుదల చేసింది. మొదట్లో 'మాగ్నైట్'ను కంపెనీ కేవలం రూ.4.99 లక్షల ప్రత్యేక పరిచయ ప్రారంభ ధరకే అందించింది. అయితే, ఆ తర్వాత జనవరి 2021లో కేవలం ఈ ప్రారంభ వేరియంట్ (ఎక్స్ఈ) ధరను మాత్రమే రూ.50,000 పెంచింది. మిగతా వేరియంట్ల ధరలు పెంచలేదు.

ప్రస్తుతం మార్కెట్లో నిస్సాన్ మాగ్నైట్ ధరలు రూ.5.49 లక్షల నుండి రూ.9.35 లక్షల మధ్యలో ఉన్నాయి. మాగ్నైట్ కూడా రెండు పెట్రోల్ ఇంజన్ ఆప్షన్లతో లభిస్తుంది. ఇందులో మ్యాన్యువల్ మరియు సివిటి ఆటోమేటిక్ ట్రాన్సిమిషన్ గేర్‌బాక్స్ ఆప్షన్లు అందుబాటులో ఉన్నాయి. - ఈ కారుకి సంబంధించిన లేటెస్ట్ ధరలు, పూర్తి వివరాల కోసం ఈ లింకుపై క్లిక్ చేయండి.

3. కియా సోనెట్

సెల్టోస్ తర్వాత కియా మోటార్స్ అంతటి అధిక విజయాన్ని అందించింది సోనెట్ కాంపాక్ట్ ఎస్‌యూవీ. కియా సోనెట్ విభాగంలో ఇప్పటికీ అగ్రగామిగా కొనసాగుతోంది. ప్రస్తుతం మార్కెట్లో కియా సోనెట్ ధరలు రూ.6.8 లక్షల నుండి రూ.12 లక్షల మధ్యలో ఉన్నాయి. సోనెట్ మూడు (రెండు పెట్రోల్, ఒక డీజిల్) ఇంజన్లు మరియు వివిధ రకాల గేర్‌బాక్స్ ఆప్షన్లతో అందుబాటులో ఉంది.

కియా సోనెట్ టాప్-ఎండ్ వేరియంట్లలో సెగ్మెంట్లో కెల్లా బెస్ట్ ఇన్ క్లాస్ ఫీచర్లు ఉన్నాయి. ఇందులో ప్రత్యేకించి యువో కనెక్ట్ టెక్నాలజీ, బోస్ సౌండ్ సిస్టమ్, ఎయిర్ ప్యూరిఫికేషన్ సిస్టమ్, మూడ్ లైట్, ఎలక్ట్రిక్ సన్‌రూఫ్, వైర్‌లెస్ ఛార్జింగ్ పాడ్, మూడు డ్రైవింగ్ మోడ్స్ మరియు మూడు ట్రాక్షన్ మోడ్‌లు ఉన్నాయి. - కియా సోనెట్ టెస్ట్ డ్రైవ్ రివ్యూ కోసం ఈ లింకుపై క్లిక్ చేయండి.

4. హ్యుందాయ్ వెన్యూ

హ్యుందాయ్ మోటార్ ఇండియా విక్రయిస్తున్న వెన్యూ కాంపాక్ట్ సెడాన్ ఇటీవలే భారత మార్కెట్లో 1 లక్ష యూనిట్ల అమ్మకాల మైలురాయిని చేరుకుంది. మార్కెట్లో హ్యుందాయ్ వెన్యూ ధరలు రూ.6.87 లక్షల నుండి రూ.11.61 లక్షల మధ్యలో ఉన్నాయి.

హ్యుందాయ్ వెన్యూ కూడా రెండు పెట్రోల్ మరియు ఒక డీజిల్ ఇంజన్ ఆప్షన్లతో లభిస్తుంది. ఇందులో కంపెనీ గతేడాది ఐఎమ్‌టి (ఇంటెలిజెంట్ మ్యాన్యువల్ ట్రాన్సిమిషన్) పేరిట ఓ కొత్త క్లచ్‌లెస్ గేర్‌బాక్స్ వేరియంట్‌ను కూడా విడుదల చేసింది. - హ్యుందాయ్ వెన్యూ ఐఎమ్‌టి పూర్తి టెస్ట్ డ్రైవ్ రివ్యూ కోసం ఈ లింకుపై క్లిక్ చేయండి.

5. టాటా నెక్సాన్

కాంపాక్ట్ ఎస్‌యూవీ విభాగంలో పై నాలుగు మోడళ్లతో పోల్చుకుంటే, టాటా నెక్సాన్ గత కొంత కాలంగా మార్కెట్లో ఉంది. ఈ మోడల్‌లో కంపెనీ ఇటీవలే కొత్తగా అప్‌గ్రేడెడ్ వెర్షన్‌ను విడుదల చేసింది. కొత్త అవతార్‌లో వచ్చిన టాటా నెక్సాన్ మార్కెట్లో సానుకూలం స్పందనను అందుకుంటోంది. సేఫ్టీ విషయంలో కూడా ఇది బెస్ట్ అనిపించుకుంటోంది.

ప్రస్తుతం మార్కెట్లో టాటా నెక్సాన్ కారు ధరలు రూ.7.09 లక్షల నుండి రూ.12.8 లక్షల మధ్యలో ఉన్నాయి. మార్కెట్లో ఇది పెట్రోల్ మరియు డీజిల్ ఇంజన్ ఆప్షన్లలో లభిస్తుంది. ఆసక్తికరమైన విషయం ఏంటంటే, ఇది పూర్తి ఎలక్ట్రిక్ కార్ రూపంలో కూడా అందుబాటులో ఉంది. ఇటీవలే మా బృందం ఈ ఎలక్ట్రిక్ నెక్సాన్ కారు టెస్ట్ డ్రైవ్ చేసింది. - టాటా నెక్సాన్ ఈవీ పూర్తి రివ్యూ కోసం ఈ లింకుపై క్లిక్ చేయండి.