Click it and Unblock the Notifications
భారత్లో కొత్త రెనాల్ట్ కైగర్ విడుదల: ధర & వివరాలు
భారత మార్కెట్లో ఎట్టకేలకు రెనాల్ట్ కైగర్ విడుదలైంది. ఈ కొత్త కైగర్ ధర దేశీయ మార్కెట్లో రూ. 5.45 లక్షలు (ఎక్స్-షోరూమ్). రెనాల్ట్ కైగర్ యొక్క బుకింగ్ మరియు టెస్ట్ డ్రైవ్ ఈ రోజు నుండి ప్రారంభించబడింది. దీనిని 11,000 రూపాయల ధరతో బుక్ చేసుకోవచ్చు. ఈ కొత్త కైగర్ గురించి పూర్తి సమాచారం ఇక్కడ తెలుసుకుందాం..
రెనాల్ట్ కైగర్ నాలుగు వేరియంట్లలో లభిస్తుంది. అవి ఆర్ఎక్స్ఇ, ఆర్ఎక్స్ఎల్, ఆర్ఎక్స్టి మరియు ఆర్ఎక్స్జెడ్ వేరియంట్లు. ఇందులో దీని టాప్ వేరియంట్ ధర రూ. 9.55 లక్షలు. మరియు డ్యూయల్ టోన్ వేరియంట్ 17,000 రూపాయల అదనపు ధర వద్ద లభిస్తుంది. ఇది CMF-A + ప్లాట్ఫారమ్లో అభివృద్ధి చేయబడింది.
కొత్త రెనాల్ట్ కైగర్ ఫ్రంట్ ఎల్ఇడి హెడ్లైట్ సెటప్, క్రోమ్ హనీ కూంబ్ షేప్ ఫ్రంట్ గ్రిల్, ఫ్లాట్ బోనెట్ వంటివి కలిగి ఉంది. అంతే కాకుండా దీనికి ఎస్యూవీ-కూపే లాంటి డిజైన్ ఇవ్వబడింది, స్లైడింగ్ రూఫ్లైన్ బ్లాక్డ్ అవుట్ సీ పిల్లర్ కలిగి ఉంది. ఇది 16 ఇంచెస్ అల్లాయ్ వీల్స్, రూఫ్ రైల్స్ కూడా కలిగి ఉటుంది.
| Variant | RXE | RXL | RXT | RXZ |
| ENERGY MT | ₹5.45 Lakh | ₹6.14 Lakh | ₹6.60 Lakh | ₹7.55 Lakh |
| EASY-R AMT | ₹6.59 Lakh | ₹7.05 Lakh | ₹8.00 Lakh | |
| TURBO MT | ₹7.14 Lakh | ₹7.60 Lakh | ₹8.55 Lakh | |
| X-TRONIC CVT | ₹8.60 Lakh | ₹9.55 Lakh |
రెనాల్ట్ కైగర్ యొక్క వెనుక భాగంలో సి-ఆకారపు ఎల్ఇడి టైల్ లైట్స్, ఫాక్స్ అల్యూమినియం స్కిడ్ ప్లేట్, స్పోర్టి రియర్ స్పాయిలర్ ఉన్నాయి. ఇది 205 మిమీ మరియు 195/65 ఆర్ 16 టైర్ల గ్రౌండ్ క్లియరెన్స్ కలిగి ఉంది. రెనాల్ట్ కైగర్ మొత్తం 6 కలర్ అప్సన్స్ లో లభిస్తుంది. ఇవి ఐస్ కూల్ వైట్, ప్లానెట్ గ్రే, మూన్లైట్ గ్రే, మహోగని బ్రౌన్, కాస్పియన్ బ్లూ మరియు రెడీ రెడ్తో మిస్టరీ బ్లాక్ రూఫ్లో అందుబాటులో ఉంటాయి. డ్యూయల్ టోన్ కలర్ ఆప్షన్ అన్ని ట్రిమ్స్లో అందుబాటులో ఉంటుంది, కాని రెడీ రెడ్, టాప్ వేరియంట్లో మాత్రమే ఇవ్వబడుతుంది.
ఇక ఈ కొత్త కైగర్ యొక్క ఇంటీరియర్ విషయానికి వస్తే, ఇందులో గ్రే ప్లాస్టిక్ డాష్బోర్డ్లు, సెంటర్ కన్సోల్ మరియు బ్లాక్ విండోతో పవర్ విండో స్విచ్లు అందించబడతాయి. ఎసి వెంట్స్కు కొద్దిగా లైట్ గ్రే కలర్ ఫినిషింగ్ ఇవ్వబడుతుంది. ఇది 8 ఇంచెస్ టచ్స్క్రీన్ ఇన్ఫోటైన్మెంట్ సిస్టమ్, 7 ఇంచెస్ టిఎఫ్టి డిజిటల్ ఇన్స్ట్రుమెంట్ క్లస్టర్ కలిగి ఉంటుంది.
కైగర్ స్టీరింగ్ వీల్లో ఇన్ఫోటైన్మెంట్తో సహా పలు కంట్రోల్ బటన్లు అందించబడతాయి. అలాగే, ఆండ్రాయిడ్ ఆటో, ఆపిల్ కార్ప్లే సపోర్ట్, వాయిస్ కమాండ్, ఆర్కామిస్ ఆడియో సిస్టమ్తో 4 స్పీకర్లు మరియు 4 ట్వీటర్లు, కీలెస్ ఎంట్రీ, పుష్ బటన్ స్టార్ట్, ఆటోమేటిక్ క్లైమేట్ కంట్రోల్, యాంబియంట్ లైటింగ్, పిఎం 2.5 ఎయిర్ ఫిల్టర్ కూడా ఇందులో ఉంటుంది.
రెనాల్ట్ కైగర్ 1.0-లీటర్ పెట్రోల్ మరియు టర్బో పెట్రోల్ ఇంజన్ కలిగి ఉంది. ఇది వరుసగా 72 బిహెచ్పి మరియు 100 బిహెచ్పి శక్తిని అందిస్తుంది. స్టాండర్డ్ పెట్రోల్ ఇంజన్లలో 5 స్పీడ్ మాన్యువల్ మరియు సివిటి మరియు టర్బో పెట్రోల్లో 5-స్పీడ్ మాన్యువల్ మరియు ఎఎమ్టి గేర్బాక్స్లు అందించబడతాయి. ఇది చూడటానికి చాలా ఆకర్షణీయంగా ఉండటమే కాకుండా వాహనదారునికి చాలా అనుకూలంగా కూడా ఉంటుంది.
Continue with Google