2023 Tata Nexon EV Full Review Video టాటా నెక్సాన్‌ ఈవీ 2023 ఫుల్‌ రివ్యూ వీడియో

దేశంలో ప్రముఖ ఆటోమొబైల్ తయారీ సంస్థ టాటా మెటార్స్ ముఖ్యంగా ఎలక్ట్రిక్ కార్ల మార్కెట్‌లో మరెక్కడా లేనంతగా రాణిస్తోంది. ఇటీవల, నెక్సాన్ ఇంధనంతో నడిచే అప్డేటెడ్ SUVని పరిచయం చేసింది. అయితే నవీకరించిన టాటా Nexon EV సెప్టెంబర్ 14న విడుదల కానుంది. పూణేలో మా బృందం నెక్సాన్ EVని టెస్ట్ డ్రైవ్ చేసిన వీడియో ఈ కథనంలో..

టాటా నెక్సాన్‌ ICE మోడళ్ల మాదిరిగానే, కొత్త 2023 టాటా నెక్సాన్ EV కూడా Curvv కాన్సెప్ట్‌తో రూపొందించారు. ICE వెర్షన్‌లతో పోలిస్తే కొత్త టాటా నెక్సాన్‌ EV ఎక్స్‌టీరియర్‌లో మార్పులు చేశారు. ఫాక్స్ బాష్ ప్లేట్, ఆకర్షణీయంగా విభిన్నమైన రూపం కలిగి ఉంది. కనెక్ట్ చేసిన రియర్‌ లైట్లు, రూఫ్ మౌంటెడ్ స్పాయిలర్, స్నాజీ కొత్త వీల్స్ మరియు ప్రొఫైల్‌ను పరిశీలిస్తే ICE మోడల్స్‌కు దాదాపు సమానంగా ఉంటుంది.

కొత్త Nexon EV లోపలికి అడుగు పెట్టినట్లయితే పెద్దగా మార్పులేవీ కనపడవు. లేయర్డ్ డాష్, వెంటిలేటెడ్ సీట్లు, ఇన్‌స్ట్రుమెంటేషన్ మరియు ఇన్ఫోటైన్‌మెంట్ కోసం డ్యూయల్ డిస్ప్లేలతో క్యాబిన్ ICE నెక్సాన్‌కు దాదాపు సమానంగా ఉంటుంది. Nexon EVలో ICE కార్ల మాదిరిగానే సేఫ్టీ ఫీచర్లు ఉన్నాయి.

కొత్త టాటా నెక్సాన్‌ ఈవీ బ్యాటరీ ప్యాక్‌ను చూసుకుంటే ఇందులో మీడియం రేంజ్‌ 30kWh (MR), లాంగ్‌ రేంజ్‌ 40.5kWh (LR) వద్ద మారకుండా ఉంది. మీడియం రేంజ్‌ వెర్షన్‌ ఇప్పుడు 325 km రేంజ్‌ను అందిస్తుంది. ఇంకా లాంగ్‌ రేంజ్‌ 465 km రేంజ్‌ను ఇస్తుంది. కాగా రెండు వేరియంట్‌లు ఇప్పుడు 7.2kW ఛార్జర్‌ కలిగి ఉన్నాయి. ఈ ఛార్జర్‌తో 10 నుంచి 100 శాతం వరకు హోమ్ ఛార్జింగ్ చేసుకోవచ్చు. కొత్త నెక్సాన్ EV దాని ICE మోడల్‌ మాదిరిగానే మూడు డ్రైవింగ్ మోడ్‌లతో వస్తుంది. ఎకో, సిటీ మరియు స్పోర్ట్.