MG Comet EV రూ.6.99 లక్షలకే ఎలక్ట్రిక్‌ కారు.. 230 కి.మీ రేంజ్‌ సహా కీలక ఫీచర్లు..!

MG కామెట్ ఎలక్ట్రిక్‌ కారు.. తక్కువ సమయంలోనే ఎక్కువ ఆదరణ పొందింది. ఈ కారు ప్రస్తుతం దేశంలోనే సరసమైన ఈవీగా పేరుగాంచింది. మధ్యతరగతి ప్రజల నుంచి సెలబ్రిటీలు కూడా ఈ కారును కొనుగోలు చేస్తున్నారు. అయితే ఈ ఎంజీ కామెట్‌ ఎలక్ట్రిక్‌ కారును (MG Comet EV) కొనుగోలు చేయాలనుకుంటున్న వారికి సంస్థ గుడ్‌న్యూస్ చెప్పింది. ఈ కారు ధరను సుమారు లక్ష రూపాయలు తగ్గించింది.

ఎంజీ కామెట్‌ ఎలక్ట్రిక్‌ కారు పేస్‌, ప్లే, ప్లష్ అనే మూడు వేరియంట్లలో అందుబాటులో ఉంది. అయితే ఎంజీ మోటార్స్‌ తన కార్ల ధరల్లో సవరణ చేసింది. ఇందులో భాగంగా ఎంజీ కామెట్‌ బేస్‌ వేరియంట్‌ ధర భారీగా తగ్గింది. ఈ కారు ప్రారంభ ధర రూ.7.98 లక్షలు (ఎక్స్‌షోరూం)గా ఉండేది.. తాజాగా రూ.99,000 తగ్గింపుతో ఈ కారును రూ.6.99 లక్షలు (ఎక్స్‌షోరూం) కే కొనుగోలు చేయవచ్చు.

ఎంజీ మోటార్‌ సంస్థ వంద సంవత్సరాల వేడుకను పురస్కరించుకొని తన కార్ల ధరలను సవరించినట్లు తెలుస్తోంది. ఎంజీ కామెట్‌ ఈవీ 2-డోర్ ఆప్షన్‌తో అందుబాటులో ఉంటుంది. ఈ కారులో 4 మంది సౌకర్యవంతంగా కూర్చోవచ్చు. ఎంజీ కామెట్‌.. పేస్‌, ప్లే, ప్లష్ వేరియంట్లలో లభిస్తుంది. క్యాండీ వైట్‌, అరోరా సి‌ల్వర్‌ సహా 2 డ్యూయల్‌ టోన్‌ మరియు మోనోటోన్‌ రంగుల్లో కొనుగోలుకు అందుబాటులో ఉంటుంది.

సింగిల్ ఛార్జింగ్‌తో 230 కి.మీ రేంజ్ : ఎంజీ కామెట్‌ EV 17.3kWh బ్యాటరీ ప్యాక్‌ను కలిగి ఉంటుంది. ఈ వాహనంలో ఉపయోగించిన ఎలక్ట్రిక్‌ మోటార్‌ గరిష్ఠంగా 41.42bhp శక్తి మరియు 110 Nm గరిష్ఠ టార్క్‌ను ఉత్పత్తి చేయగలదు. ఈ కారు సింగిల్ ఛార్జింగ్‌తో 230 కి.మీ రేంజ్ ఇస్తుంది. ఈ కారు బ్యాటరీని 3.3Kw ఛార్జర్‌ ఉపయోగించి 7 గంటల్లో ఛార్జింగ్‌ చేయవచ్చు.

కీలెస్ ఎంట్రీ : ఎంజీ కామెట్‌ ఈవీ LED హెడ్‌లైట్‌, టెయిల్‌లైట్‌, ఇన్ఫోటైన్‌మెంట్ మరియు ఇన్‌స్ట్రుమెంటేషన్‌ క్లస్టర్‌ కోసం డ్యూయల్‌ 10.25 అంగుళాల ఇంటిగ్రేటెడ్ డిజిటల్‌ స్క్రీన్‌, ఆండ్రాయిడ్ ఆటో, ఆపిల్‌ కార్‌ ప్లే, 55 వరకు కనెక్టెట్‌ కారు ఫీచర్లను కలిగి ఉంటుంది. దీంతోపాటు కీలెస్ ఎంట్రీ వంటి పీచర్లను కలిగి ఉంటుంది.

మెరుగైన సేఫ్టీ ఫీచర్లు : MG కామెట్‌ EV డ్యూయల్‌ ఫ్రంట్ ఎయిర్‌బ్యాగ్‌లు, ఎలక్ట్రానిక్‌ బ్రేక్‌ఫోర్స్‌ డిస్ట్రిబ్యూషన్‌ (EBD), ABS- యాంటీలాక్‌ బ్రేకింగ్‌ సిస్టమ్‌, ISOFIX చైల్డ్‌ సీట్ యాంకర్లు, రివర్స్‌ పార్కింగ్‌ కెమెరాలు, దీంతోపాటు అరుదైన పార్కింగ్‌ సెన్సార్‌లతో భద్రతపరంగా మెరుగ్గా పనిచేస్తుంది.

డ్రైవ్‌స్పార్క్ తెలుగు వెబ్‌సైట్ ఆటోమొబైల్‌కు సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, Threads, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.